Read ኢሳያሳ ቲንቢቴ 46

ኢሳያሳ ቲንቢቴ46gmv_etw

ባቢሎኔ ጾሳታ

¹ቤሌይ ካዉዪዴስ፤ኔቦይ ኬሂ ጉጺዴስ፤ኢስታ ኤቃ ጾሳቲጫና ሜሄታን ጫኔቲዳ፤ኢስቲ ኦይኪ ዩዪዛሚስሌቲ ቶሆ፤ዳቡርዳ ሜዶሳታስ ዴጾ ባኦ።²ኢስቲካ ኢሲ ቦላ ዱጌ ጉፋናና፤ጫናካ ኣሻናዳንዳዬቴና፤ኢስቲካ ዲኤቲዲ ባና።³ጎዳይ፥ «ኢንቴኖ ያቆቤሶ ኣሳቶ!ኢስራኤሌፔ ኣቲዳ ኡባቶ!ኢንቴ ኢንቴ ኣዪ ኡሎንሻራ ኣቶሳፌ ሃ ሲሚንኢንቴና ታ ኦይኪዳይቶ!ኢንቴ ዬሌቶሶፌ ዶማዳታ ቶኪዳይቶ!ታ ጊዛ ሲዪቴ።⁴ኢንቴ ጪሚዲፑሉማና ጋካናስካኢንቴና ቶኪዛይ ታና፤ታኒ ታና፤ታኒ ኢንቴና ሜዲስ፤ታኒ ኢንቴና ቶካና፤ታኒ ኢንቴና ካፋና፤ታ ኢንቴና ኣሻና።

⁵«ታና ኦናራ ጊኒሴቲ?ታና ኦናራ ሊኪሴቲ?ኑኒ ኢሲኖ ሚሳታና ማላታና ኦናራ ጌዳሬቲ?⁶ኣማርዳ ኣሳቲ ዎርቃባንታ ካራጺቴፔ ቆሌቴስ፤ቢራካ ሜዛኔንጌዳሬቴስ፤ኢስቲ ሴሪሲ ቲጊዛሂላንቻ ቃጻሬቴስ፤ኢዚካ ኢስታስ ጾሳሂስቲ ሜስ።ኢስቲካ ኢዛስ ጎይኔቴሲኔያይኔቴስ።⁷ዴንዲ ባንታሃሼን ቶኬቴስ፤ዛሪዲ ሄ ዴንዳሶሆን ዎቴስ፤ኢዚካ ሄን ኤቃ ጌስ፤ሄፔ ኣዋካ ቃጼና፤ኦኒካ ኢዛኮ ዋሲኮዛሮ ኢሜና፤ሜቶፔካ ኢዛ ኣሼና።

⁸«ኢንቴኖ ሞራንቻቶ!ሃይሳ ኣኬኪቴ፤ዩሺካ ቆፒቴ፤ኢንቴ ዎዚናን ቁምኢ ኦይኪቴ።⁹ካሴ ቤኒ ዎዴሃኒዳ ዮኦታ ኣኬኪቴ፤ታኒ ጾሳ፤ታፔ ሃራይ ዴና፤ታኒ ጾሳ፤ታ ማላይ ኦኒካ ዴና።¹⁰ዉርሴን ሃናናይሳ ኮይሮታ፥ቡሮፔ ያናይሳ ቤኒ ዮታዲስ፤‹ታ ሃልቾይ ሚኖ፤ታና ኡፋይሲዛዝ ኡባታ ኦና› ጋዲስ።¹¹ኣርሼይ ሞኪዛ ባጋፌቦንቂዛ ኣርጋን፥ሃሆ ቢታፌ ታ ቆፋፖሊዛ ኣስ ታኒ ጼይጋና።ታ ዮቲዳይሳ ታ ኦና፤ታ ሃልቺዳይሳ ታ ፖላና።

¹²«ኢንቴኖ ዎዚና ሹቻቶ፥ጺሎቴፌካ ሃኪዳይቶ፥ታና ሲዪቴ።¹³ታኒ ታ ጺሎቴ ኤሆን ዳይስ፤ሃሆ ጊዴና።ታ ኣቶቴይ ጋምኤና፤ታኒ ጺዮኔ ኣቶቴ።ኢስራኤሌ ቦንቾማይዛና» ጌስ።

ኢሳያሳ ቲንቢቴ 46 / gmv_etw

ባቢሎኔ ጾሳታ

ኢሳያሳ ቲንቢቴ46gmv_etw