Isayaasa Maxaafa42gof_ltw

Xoossa Aylle

1“Taani katisada oykida ta aylley,ta iyan ufayteysi,taani dooridaysi haysa.Taani ta Ayyaana iya bolla wothas;I kawotethatas suure pirda ehana.2I waassenna;ba qaala dhoqu oothennaba qaala ogen sissenna.3Dincetida mayriya I menthenna;lii7i lii7idi eexiya muqaada I toysenna;ammanetethan I suure pirda ehana.4I biittan suure pirda essenna gakanawargaacena woyko guye geenna.Yuushoy abban teqetida biittan de7iya asayiya higgiya si7anaw naagees.5Salota medhidaynne enta micciday,sa7aanne sa7a bolla de7iyaba medhiday,sa7an de7iya asaas shempo immiday,iyan hemetiya ubbaas de7o immiday,Godaa Xoossay haysada yaagees.6Taani Goday nena xillotethan xeegas;ne kushiya oykada nena naagana.Taani nena asaas caaqo oothana;kawotethatas poo7o oothada immana.7Neeni qooqe ayfeta dooyana;dhuma ollan, qasho keethan de7eyisata kessana.8Taani Godaa; hessi ta sunthaa;ta bonchuwa taani haras immike;ta galataa eeqatas immike.9Heko taani kase odidaba ubbay poletidosona;ha77i taani oorathaba awaajayis;enti hananaape sinthe taani hintew odayis” yaagees.

Xoossay Galateto

10Godaas ooratha mazmure yexite;biitta gaxape gaxaa gakanaw iya galata yexite.Abba giddora beysatinne iyan de7eysati,yuushoy abban teqetida biittatinne iyan de7iya ubbay yexo.11Mela biittan de7iya katamati,Qedaare asay de7iya gutatibanta qaala dhoqu oothonna.Sela7a kataman de7eysati ufaysan yexo;deriya huuphen banta ililsaa sisso.12Enti boncho Godaas immo;iya galata yuushoy abban teqetida biittatan odo.13Goday mino asada keyana;ba qaala dhoqu oothidi ola awaajana.Ba qaala dhoqu oothidi gereerana;ba morketa xoonana.
14Daro wode si77i gada gam7as;si77i gada danda7as.Shin ha77i iqethi oykida maccasada ta waassana;tooka shempananne peenuqana.15Deretanne zumata laallana;enta bolla dolidaba ubbaa melisana.Shaafata yuushoy abban teqetida biitta kessana;eele haathata melisana.16Taani qooqeta enti eronna ogiyara kaalethana;enti eronna horogara efana.Enta sinthan dhumaa poo7o kessana;enta sinthan de7iya ogiya baasana.Ha ubbaa taani entaw oothana;taani enta oothonna aggike.17“Shin eeqa misiletan ammaneteysati,misileta, ‘Hinte nu xoossata’ yaageysati,yeellan guye simmana.18Hinte tulleti, si7ite;hinte qooqeti, xeellite,loythidi be7ite.19Ta aylliyafe hari qooqey oonee?Ta kiittidaysafe hari tulley oonee?Bana Godaas aathidi immida uraapeGodaa aylliyafe hari qooqey oonee?20Darobaa be7adasa, shin akeekaka;ne haythay dooya, shin si7aka” yaagees.21Goday ba xillotetha gisho,ba higgiya gitayanawunne bonchanaw dosis.22Shin ha asay bonqetis;de7iyaba eketis.Olla giddon xihen oyketis,qasho keethan enta bolla gordetis.Enti bonqetidosona, shin enta ashshey baawa;di7etidosona, shin oonika “Enta guye zaara”giya asi baawa.23Hinte giddofe haysa si7ey oonee?sinthafe yaana wodiyaba qopey oonee?24Yayqooba di7etethas,Isra7eele bonqees aathidi immiday oonee?Nagara oothidi nu qohida,iya ogiya kaallanawunne, iya higgiya kiitetanawnuuni ixida Godaa gidenneyee?25Hessa gisho, I enta bolla ba eexiya hanquwa gussis;enta yuushuwa tama lacon teqis,shin enti eribookona;I enta xuuggis,shin enti akeekibokona.
expand_more
Search