Read እሳያሳ ማፃፋ 42

እሳያሳ ማፃፋ42gof_etw

ፆሳ አይለ

¹“ታኒ ካትሳዳ ኦይክዳ ታ አይለይ፥ታ እያን ኡፋይተይስ፥ታኒ ዶርዳይስ ሀይሳ።ታኒ ታ አያና እያ ቦላ ዎስ፤እ ካዎተታስ ሱረ ፕርዳ ኤሀና።²እ ዋሰና፤ባ ቃላ ቁ ኦናባ ቃላ ኦገን ስሰና።³ድንጨትዳ ማይርያ እ መንና፤ሊእ ሊእድ ኤፅያ ሙቃዳ እ ቶይሰና፤አማነተን እ ሱረ ፕርዳ ኤሀና።⁴እ ቢታን ሱረ ፕርዳ ኤሰና ጋካናዉአርጋጨና ዎይኮ ጉየ ጌና።ዩሾይ አባን ተቀትዳ ቢታን ደእያ አሳይእያ ህግያ ስአናዉ ናጌስ።⁵ሳሎታ መዳይነ ኤንታ ምጭዳይ፥ሳኣነ ሳአ ቦላ ደእያባ መዳይ፥ሳአን ደእያ አሳስ ሸምፖ እምዳይ፥እያን ሄመትያ ኡባስ ደኦ እምዳይ፥ጎዳ ፆሳይ ሀይሳዳ ያጌስ።⁶ታኒ ጎዳይ ነና ፅሎተን ፄጋስ፤ነ ኩሽያ ኦይካዳ ነና ናጋና።ታኒ ነና አሳስ ጫቆ ኦና፤ካዎተታስ ፖኦ ኦዳ እማና።⁷ኔኒ ቆቀ አይፈታ ዶያና፤ማ ኦላን፥ ቃሾ ኬን ደኤይሳታ ከሳና።⁸ታኒ ጎዳ፤ ሄስ ታ ሱን፤ታ ቦንቹዋ ታኒ ሀራስ እምከ፤ታ ጋላታ ኤቃታስ እምከ።⁹ሄኮ ታኒ ካሰ ኦድዳባ ኡባይ ፖለትዶሶና፤ሀእ ታኒ ኦራባ አዋጃይስ፤ኤንቲ ሀናናፐ ስን ታኒ ህንተዉ ኦዳይስ” ያጌስ።

ፆሳይ ጋላተቶ

¹⁰ጎዳስ ኦራ ማዝሙረ የፅተ፤ቢታ ጋፃፐ ጋፃ ጋካናዉ እያ ጋላታ የፅተ።አባ ግዶራ በይሳትነ እያን ደኤይሳት፥ዩሾይ አባን ተቀትዳ ቢታትነ እያን ደእያ ኡባይ የፆ።¹¹መላ ቢታን ደእያ ካታማት፥ቀዳረ አሳይ ደእያ ጉታትባንታ ቃላ ቁ ኦና።ሰላአ ካታማን ደኤይሳት ኡፋይሳን የፆ፤ደርያ ሁጰን ባንታ እልልሳ ስሶ።¹²ኤንቲ ቦንቾ ጎዳስ እሞ፤እያ ጋላታ ዩሾይ አባን ተቀትዳ ቢታታን ኦዶ።¹³ጎዳይ ምኖ አሳዳ ከያና፤ባ ቃላ ቁ ኦድ ኦላ አዋጃና።ባ ቃላ ቁ ኦድ ገሬራና፤ባ ሞርከታ ፆናና።

¹⁴ዳሮ ዎደ ስእ ጋዳ ጋምአስ፤ስእ ጋዳ ዳንዳአስ።ሽን ሀእ እቀ ኦይክዳ ማጫሳዳ ታ ዋሳና፤ቶካ ሸምፓናነ ፔኑቃና።¹⁵ደረታነ ዙማታ ላላና፤ኤንታ ቦላ ዶልዳባ ኡባ መልሳና።ሻፋታ ዩሾይ አባን ተቀትዳ ቢታ ከሳና፤ኤለ ሃታ መልሳና።¹⁶ታኒ ቆቀታ ኤንቲ ኤሮና ኦግያራ ካለና፤ኤንቲ ኤሮና ሆሮጋራ ኤፋና።ኤንታ ስንን ማ ፖኦ ከሳና፤ኤንታ ስንን ደእያ ኦግያ ባሳና።ሀ ኡባ ታኒ ኤንታዉ ኦና፤ታኒ ኤንታ ኦና አግከ።¹⁷“ሽን ኤቃ ምስለታን አማነተይሳት፥ምስለታ፥ ‘ህንተ ኑ ፆሳታ’ ያገይሳት፥ዬላን ጉየ ስማና።¹⁸ህንተ ቱለት፥ ስእተ፤ህንተ ቆቀት፥ ፄልተ፥ሎይድ በእተ።¹⁹ታ አይልያፈ ሀር ቆቀይ ኦኔ?ታ ኪትዳይሳፈ ሀር ቱለይ ኦኔ?ባና ጎዳስ አድ እምዳ ኡራፐጎዳ አይልያፈ ሀር ቆቀይ ኦኔ?²⁰ዳሮባ በአዳሳ፥ ሽን አኬካካ፤ነ ሀይይ ዶያ፥ ሽን ስአካ” ያጌስ።²¹ጎዳይ ባ ፅሎተ ግሾ፥ባ ህግያ ግታያናዉነ ቦንቻናዉ ዶስስ።²²ሽን ሀ አሳይ ቦንቀትስ፤ደእያባ ኤከትስ።ኦላ ግዶን ፅሄን ኦይከትስ፥ቃሾ ኬን ኤንታ ቦላ ጎርደትስ።ኤንቲ ቦንቀትዶሶና፥ ሽን ኤንታ አሸይ ባዋ፤ድኤትዶሶና፥ ሽን ኦንካ “ኤንታ ጉየ ዛራ”ግያ አስ ባዋ።²³ህንተ ግዶፈ ሀይሳ ስኤይ ኦኔ?ስንፈ ያና ዎድያባ ቆፐይ ኦኔ?²⁴ያይቆባ ድኤተስ፥እስራኤለ ቦንቄስ አድ እምዳይ ኦኔ?ናጋራ ኦድ ኑ ቆህዳ፥እያ ኦግያ ካላናዉነ፥ እያ ህግያ ኪተታናዉኑኒ እፅዳ ጎዳ ግደነዬ?²⁵ሄሳ ግሾ፥ እ ኤንታ ቦላ ባ ኤፅያ ሀንቁዋ ጉስስ፤ኤንታ ዩሹዋ ታማ ላጮን ተቅስ፥ሽን ኤንቲ ኤርቦኮና፤እ ኤንታ ፁግስ፥ሽን ኤንቲ አኬክቦኮና።

እሳያሳ ማፃፋ 42 / gof_etw

ፆሳ አይለ

ፆሳይ ጋላተቶ

እሳያሳ ማፃፋ42gof_etw