Read ኢሳያሳ ቲንቢቴ 42

ኢሳያሳ ቲንቢቴ42gmv_etw

ጎዳ ኣሽካራ

¹ጎዳይ፥ «ታኒ ካኦይኪዳ ታ ኣሽካራይ፥ታ ኢዛን ኡፋዬቲዛሙሩታይ ሃይሳ፤ታኒ ታ ኣያናኢዛ ቦላ ዎዲስ፤ኢዚ ካዎቴታስሱሬ ፒርዳ ኤሃና።²ዋሴና፤ ባ ቃላ ቂሴና፤ባ ጬንጉርሳካኦጌ ቦላ ኬሂ ሲሴና።³ዲንጬቲዳ ማቃ ኢዚሜንና፤ጩዋቲዛ ሙቃዳ ኢዚ ቶይሴና፤ኣማኔቴን ኢዚሱሬ ፒርዳ ኤሃና።⁴ኢዚ ቢታ ቦላ ሱሬ ፒርዳኤሃና ጋካናስ ዳቡሬና፤ሂዶታካ ቃንጼና፤ሃሩሮቲ ኢዛ ዎጋንኣማኔታና» ጌስ።

⁵ሳሎታ ሜዳይ፥ኢስታ ሚጪዳይካ፥ሳኣኔ ኢዚን ዲዛ ኡባ ጊግሲዳይ፥ባ ዴሬስ ፔኖኢዚን ዴኢዛ ኣሳታስ ሼምፖኢሚዛ ጎዳ ጾሳይ፥⁶«ታኒ ጎዳይኔና ጺሎቴን ጼይጋዲስ፤ታ ኔ ኩሼ ኦይካና፤ታ ኔና ናጋና።ታኒ ኔና ካዎቴስጫቆ ቃላ፥ኣይዛቤታስካ ፖኦ ሂስታና⁷ኔ ቆቄታ ኣይፌ ዶይኣና፤ዲኤቲዳይታ ቃሾኬፌ ቢርሻና፤ማን ኡቲዳይታካካርቻሌፌ ኬሳና።

⁸«ታኒ ጎዳ፤ ሃይሲ ታ ሱን፤ታ ቦንቾ ሃራስኣ ኢሚኬ፤ታ ጋላታካኤቃ ጾሳታስ ሼኬ።⁹ቤኢቴ ቤኒ ዮኦቲ ፖሌቲዳ፤ሃኢ ታኒ ኦራሚሽ ኣዋጃይስ፤ኢዚ ሞካናፔ ሲንታ ኢንቴስ ዮታይስ» ጌስ።

¹⁰ኢንቴኖ ዱጌ ኣባን ዎዛይቶ፥ሄን ዲዛ ኡባቶ!ኢንቴኖ ሃሩሮቶ!ሄንካ ዲዛ ኡባቶ!ጎዳሲ ኦራ ማዛሙሬ ዬጺቴ፤ቢታ ጋጻፔ ዶሚዲኢዛስ ጋላታ ማዛሙሬ ሺሺቴ።¹¹ባዞይኔ ካታማቲባንታ ጬንጉርሳቁ ሂስቴቶ፤ቄዳሬይ ዴኢዛ ጉታይ ኡፋዬቶ፤ሴላ ዴሬ ኣሳቲኡፋይሳን ዬጼቶ፤ዙማ ጼራንካ ኢሊሌቶ።¹²ኢስቲ ቦንቾ ጎዳስ ኢሜቶ፤ኢዛ ጋላታይካሃሩሮታን ኣዋጄቶ።¹³ጎዳይ ኦላ ቃራ ማላ ኬዛና፤ኦላንቻ ማላ ሆኤቲ ዴንዳና።ጬቄቴ ጋይሮ ሲሳና፤ባ ሞርኬታካ ኦሊ ጾናና።

ጎዳይ ባ ዴራ ማዳና ኢሚዳ ሂዶታ

¹⁴ጎዳይ፥ «ታኒ ኣዱሳ ዎዴሶፌጮኡ ጋዲስ፤ሲርጲ ጋዲስ፤ታና ቁምኣ ኦይካዲስ፤ሃኢ ጊዲኮ ሚጻ ኦይኬቲዳማጫሳ ማላ ዋሳይስ፤ሼኖታይሲኔ ባናካይስ።¹⁵ታኒ ዙማታኔዙምቡላታ ዎዲሳና፤ዶዛታ ኡባ ሜሊሳና።ሻፋታ ሃሩሮ ቢታ ኬሳና፤ኤሌ ሃታካሚጪንቻና።¹⁶ታኒ ቆቄታ ኢስቲ ኤሮንታኦጌ ካሌና፤ኢስቲ ሜዜቶንታ ኦጌራካታ ኢስታ ኤፋና፤ማዛ ታ ኢስታሲንን ፖኢሳና፤ኩንዱኩርጮ ሶሆታ ታ ጊጊሳና፤ሃይታንታ ኡባታ ኦንታ ኣጊኬ።¹⁷ኤቃ ጾሳታንኣማኔቲዛይቲ ጊዲኮሚስሌታካ፥ ‹ኢንቴ ኑ ጾሳታ›ጊዛይቲ ጉዬ ሲማና፤ኢስቲ ሙሌራ ካዉያና» ጌስ።

ኢስራኤሌ ኣሳ ቆቄቴኔ ቱሌቴ

¹⁸ጎዳይ፥ «ኢንቴኖ ቱሌቶ ሲዪቴ!ኢንቴኖ ቆቄቶቤኢቴኔ ጼሊቴ!¹⁹ታ ኣሽካረራታኒ ኪቲዳዴፌ ኣቲንሃራ ቱሌይ ኦኔ?ታስ ኣማኔቲዳዴ ማላቆቄይ፥ጎዳ ኣሽካራ ማላቆቄይ ኦኔ?²⁰ዳሮ ሚሽ ቤኢዴታ ሺንኣኬኪቤኬታ፤ኢንቴ ሃይይ ዶያ ዴስ ሺንሲዬኬታ» ጌስ።

²¹ጎዳይ ባ ጺሎቴ ጊሻስ ጊዲ፥ባ ዎጋ ጊታኔቦንቾ ኬሲዳ ጊሻስ ኡፋዬቲዴስ።²²ሃ ዴሬይ ቦጌቲዳኔ ቦንቄቲዳ፥ኦላ ጊዶን ዎዳ፥ዎይኔ ኬይ ኢዛ ቦላጎርዴቲዳ ዴሬ፤ኢስቲ ቦጌቲዳ፤ኢስታ ኣሺዛዴይ ዴና፤ኢስቲ ዲኤቲዳ፤«ኢስታ ዛሪቴ» ጊዛይካ ባዋ።²³ኢንቴ ጊዶፌ ሃይሳ ሲዪዛይ፥ሲንፌ ያና ዎዴስኣኬኪ ሲዪዛይ ኦኔ?²⁴ያቆቤይ ቦጌታና ማላ፥ኢስራኤሌይ ዲኤታና ማላኦዳይ ኦኔ?ናጋራ ኦዲኑ ቆሂዳ ጎዳ ጊዴኔ?ኢስቲ ኢዛ ኦጌ ካላናሲኔኢዛ ዎጋስ ኣዛዜታና ኮዮንታኣጊዳ ጊሻሳ።²⁵ሄሳ ጊሻስ ኤጺዛ ባ ሃንቆዛ፥ኢታ ኦላ ኢስታ ቦላ ዬዲዴስ፤ታማ ላጮን ኢስታ ጊዶዴስ፤ኢስቲ ጊዲኮ ሄሳ ኣኬኪቤቴና፤ኢስታ ጹጊዴስ ሺንኢስቲ ዎዚናን ዎቤቴና።

ኢሳያሳ ቲንቢቴ 42 / gmv_etw

ጎዳ ኣሽካራ

ጎዳይ ባ ዴራ ማዳና ኢሚዳ ሂዶታ

ኢስራኤሌ ኣሳ ቆቄቴኔ ቱሌቴ

ኢሳያሳ ቲንቢቴ42gmv_etw