Read እሳያሳ ማፃፋ 40

እሳያሳ ማፃፋ40gof_etw

ምን ቃላ

¹ህንተ ፆሳይ ሀይሳዳ ያጌስ፦“ታ ደርያ ምንተ! ምንተ!²እ አይለተን ደእዳ ዎደይ ፖለትስ፤እያ ናጋራይ አቶ ጌተትስ፤ባ ናጋራ ግሾ፥ ጎዳይ እያ ዳኮ ሴርዳይሳ፥የሩሳላመስ ሊቆ ቃላን ኦድተ፤ አዋጅተ” ያጌስ።³ሀይሳዳ ግያ ግርሳይ ስኤቴስ፤“መላ ቢታን ጎዳ ኦግያ ጊግስተ፤ኑ ፆሳስ አራባ መላ ቢታን ሆሮጋ ስት ኦተ።⁴ዛንጋራ ኡባይ ቁ ጋና፤ደረይነ ዙማይ ዝቅ ጋና፤ኢታ ኦገትነ ገላ ከሳት ደምባታና።⁵ሄ ዎደ ጎዳ ቦንቾይ ቆንጫና፤አሾ ማእዳ ኡባይ ሄሳ እስፈ በአና።ጎዳ ዶናይ ሀይሳ ኦድስ” ያጌስ።

⁶እስ ግርስ፥ “ዋሳ” ያግሽን ስአስ፤ታኒ፥ “ዎይጋዳ ዋሶ?” ያጋስ።“አስ ኡባይ ማታ መላ፤እያ ቦንቾ ኡባይ ጪሻ መላ።⁷ጎዳ እያ ቦላ ሸምፕያ ዎደ፥ማታይ መሌስ፤ ጪሻይ ቆቆፈቴስ፤አስ ቱማ ማታ መላ።⁸ማት መሌስ፤ ጪሽ ቆቆፈቴስ፤ሽን ኑ ፆሳ ቃላይመርናዉ ኤቅድ ደኤስ” ያጋዳ ዋሳ።⁹ነኖ ፅዮነስ ሎኦባ ኦደይሶ፤ዙማ ቦላ ከያ።ነኖ የሩሳላመስ ሎኦባ ኦደተይሶ፤ነ ቃላ ቁ ኦዳ ዋሳ።ያዮፋ፤ ቁ ኦ፤ይሁዳ ካታማታስ፥ “ህንተ ፆሳይ ሀይስሽ” ያጋ።¹⁰ሄኮ፥ ኡባ ሃርያ ጎዳይ ዎልቃራ ዬስ፤እያ ቀሰይ እያዉ ሃራና።እያ ዎይቶይ እያራ ደኤስ፤ጭግያ ጋተይ እያ ስንና።¹¹እ ባ ዉድያ ሄንንቾዳ ሄማና፤ባ ዶርሳ ማራታ ባ ቀስያን ሺሻና፤ኤንታ ባ ክኦን እድማና፤ንይሳታ ሎዳራ ካለና።¹²ሃታ ባ ኩሸ ቃቃን፥ሳሎታ ታካን ልክዳይ፥ቢታ ባና ዳቾን ማክዳይ፥ደረታነ ዙማታ ምዛነን ልክዳይ ኦኔ?¹³ጎዳ አያና ኤርዳይ፥እያ ዞርድ ታማርስዳይ ኦኔ?¹⁴እያዉ ቆንጭሳና መላ ኦና ዞረ ኦይችዴ?ሱረ ፕርዳ እያ ታማርስዳይ ኦኔ?እያ ጭንጫተ ታማርስዳይ፥እያ አኬካ በስዳይ ኦኔ?¹⁵ሄኮ፥ ካዎተት ፁጋን ደእያ እስ ፆኮ መላ፤ኤንቲ ምዛነ ቦላ ደእያ ባና መላ፤እ ዩሾይ አባን ተቀትዳ ቢታታ ባናዳ ልከስ።¹⁶ልባኖሰ ምይ ያርሾ በሳን ኤፃናዉ ግደና፤እያን ደእያ ዶአት ፁሳ ያርሾስ ግዶኮና።¹⁷ካዎተት ኡባይ እያ ስንን ባይናባ መላ፤ኤንቲ እያ ስንን ኡባ አይኮካ ግዶኮና፤ባይናባፐካ ላፋ።¹⁸ያትን፥ ፆሳ ህንተ ኦደራ ግናየቲ?አይባ ምስለራ ጋድ ፄለቲ?¹⁹ኩሸ ሂላንቾይ ኤቃ ምስለ ጊግሴስ፤ዎርቃ ሼሸይስ ዎርቃን ላንፄስ፤ብራ ሼሸይስ እያ ቦላብራ ሳንላታ መስ።²⁰ሚሸይ ባይና ማንቆይ፥ያርሾስ ፆና ም ዶሬስ።ምስለይ ቃፆና መላ ኤሳናዉኩሸ ሂላንቾ ኮዬስ።²¹ኤርቤከቲ? ዎይኮ ስእቤከቲ?ሀይስ ህንተዉ ኮይሮፐ ኦደትቤኔ?ዎይኮ ሳእ መቶሳፐሀይሳ ህንተ አኬክበከቲ?²²እ ቢታ ገርቱዋፈ ቦላ ባጋንባ አራታን ኡቴስ፤ቢታን ደእያ አሳት ፃቆ መላ።ሳሎታ ገሸዳ ምጬስ፤ዱንካነዳ ደእያ በሲ ኦድ ቶሌስ።²³እ፥ ሀላቃታ ባይናባዳ ኦስ፤ሀ አላምያ ሃረይሳታ ሀዳ ከሴስ።²⁴ኤንቲ ቶከትድ ቡሮ ጋምኦናሽን፥ዘረትድ ቡሮ ፃጶ የዶናሽን፥ጎዳይ ኤንታ ቦላ ጫርኮ የድስ፤ኤንቲ መልን ጎተይ ኤንታ ፑኖዳ ኤፍስ።²⁵ያትን፥ ታና ኦደራ ልከየቲ?ታና ኦደራ ግናየቲ? ያጌስ ጌሻይ።²⁶ህንተ አይፍያ ቁ ኦድ ሳሎ ፄልተ፤ሀ ፆልንቶታ መዳይ ኦኔ?እ ኤንታ ኦላንቾዳ ካለስ፤ኤንታ ታይቡዋ ኤሬስ።እ ኤንታ ኡባ ኤንታ ሱንን ሱንን ፄጌስ፤እያ ዎልቃ ግታተፈነ ምኖተፈ ደንዶይሳን፥ኤንታፈ እሶይካ የና።²⁷ነኖ ያይቆባ፥ ነኖ እስራኤለ፥ታ ኦገይ ጎዳፐ ጌምስ፤ታ ፕርዳይ ፆሳፈ ቆሰትስ፤ያጋዳ አይስ ኦደታይ?²⁸ኤራብኪ? ስአብኪ?ጎዳይ መርና ፆሳ፤ቢታ ኡባ መዳይ እያ።እ ዳቡረና፤ ዎይኮ አርጋጨና፤ኦንካ እያ ቆፋ ኤራናዉ ዳንዳኤና።²⁹እ ዳቡርዳይሳታስ ዎልቃ እሜስ፤ምኖተ ባይናይሳስ ምኖተ ጉጄስ።³⁰ሀር አቶሽን ያላጋ ናይትዳቡሮሶና፤ አርጋጮሶና፤ናአተት ዳቡርድ ኩንዶሶና።³¹ሽን ጎዳ አማነትድ ናገይሳት፥ባንታ ዎልቃ ኦራና።ኤንቲ አርጋንዳ ቀፈን ፓላና፤ዎፃና፥ ሽን ዳቡሮኮና፤ሄመታና፥ ሽን አርጋጮኮና።

እሳያሳ ማፃፋ 40 / gof_etw

ምን ቃላ

እሳያሳ ማፃፋ40gof_etw