Read Isaia 4

Isaia4bqc_sim

¹Zĩbeezĩ nↄɛ gbɛ̃ↄn soplaↄ gↄ̃ɛ mɛ̀ndo sikↄ̃wa aa mɛ:Wáↄ wázĩa gwa,wíↄ pↄkasa kɛ wázĩaɛ.Wibↄwɛ̃ɛ, n tↄ́ iↄ kuwá.

Vlã́ pↄ́ Dii a to à pá

²Zĩbeezĩ Dii a to Isailiↄ vlãpa,aↄ maa mɛ́ aↄ gawi vĩ.An bùsu pↄ́ↄ aↄ zↄ̃ↄ,a Isaili kↄ̃naↄ ka bɛɛɛ ń gawiowa.³Gbɛ̃́ pↄ́ aa gↄ̃ Siↄnaↄ,gbɛ̃́ pↄ́ aaↄ ku Yelusalɛũpiↄ,waↄ o gbɛ̃́ pↄ́ wà ń tↄ́ kɛ̃̀ wɛ̃ni taalaupiↄnɛ Lua gbɛ̃́ↄ.⁴Dii a Siↄna nↄɛↄ ã́ma wolomá,a gbɛ̃dɛ'au wolo Yelusalɛũdepiↄwa.Tó à yã́kpalɛkɛ̀ńnↄ ń tɛ́o màa,⁵a tɛlu kúlɛ Siↄna gbɛ̀sĩsĩń gbɛ̃́ pↄ́ kãaaa weↄwa píi fãanɛ,i tɛ́lɛpiↄ gupua kúlɛwà gwãasĩna,asa Dii gawi mɛ́ a kúlɛwà píi.⁶Aↄ dɛ mikpakĩi ũ fãanɛ,kɛ́ à uena dańla ĩatɛ̃ gbãa yã́i.Aↄ dɛ yekĩi ũ lↄ,kɛ́ wà e ulɛu zàa'ĩana ń louoɛ yã́i.

Isaia 4 / bqc_sim

Vlã́ pↄ́ Dii a to à pá

Isaia4bqc_sim