Isayaasa Maxaafa37gof_ltw

Hizqiyaasi Isayaasa Zore Oychis

1Kawoy Hizqiyaasi hessa si7ida wode ba ma7uwa peedhidi, kayo ma7o ma7idi, Godaa keethi gelis.2Kawo gadho aysiya Eliyaqeemi, xaafey Sheebinne kaalethiya kahineti kayo ma7o ma7idi, Amoxe na7aa nabiya Isayaasako baana mela kiittis.3Enti Isayaasako bidi, Hizqiyaasi haysada yaagees: “Ha gallasay meto gallas, seera gallasinne yeella gallas. Hessika na7i yeletanaw wodey gakin, bannakada yelanaw wolqi dhayida maccasa mela gidida.4De7o Xoossaa cayanaada iya goday, Asoore kawoy, kiitida halaqaa qaala Goday ne Xoossay si7onna aggenna. Qassi Goday ne Xoossay he qaala gaason iya seeronna aggenna. Hessa gisho, asaa giddofe attanaysatas woossa” yaagidosona.5Kawoy Hizqiyaasi kiittidaysa Isayaasi si7ida wode,6entako, “Hinte godaas haysada yaagidi odite: Goday, ‘Asoore kawa aylleti tana cayishin, neeni si7ida cashsha qaalas yayyofa.7Heko, I oda si7idi, ba biitta simmana mela, taani iya giddon issi ayyaana yeddana. Yaatada I ba biitta bidi yan mashshan hayqanaada oothana’ yaagees” yaagidi kiittis.8Asoore kawoy Laakiso katamaape dendidi bidaysa Asoore halaqay si7idi, guye simmidi kawoy Libina kataman oleteysa demmis.9Kawoy Sanakreemi, “Tophe kawoy Tirihaaqi nena olanaw yis” giya odaa si7idi, Hizqiyaasas haysada yaagidi kiittis.10“Yihuda kawa Hizqiyaasa, neeni ammanetiya Xoossay, ‘Yerusalaame Asoore kawa kushen yeggenna’ yaagidi cimmofo.11Asoore kawoti biittata ubbaa waati dhaysidaako neeni si7adasa. Yaatin, neeni attanee?12Beni ta mayzati dhaysida Gozaana, Kaaranenne Rafeesa biitta xoossatinne Talasaaran de7iya Edene biitta xoossati he biittata dhayope ashshidonaa?13Hamaata kawoy, Arfada kawoy, Safarwayma kawoy, Heena kawoynne Iwa kawoy awun de7oona?” yaagidi kiittis.

Hizqiyaasa Woosa

14Hizqiyaasi dabdaabiya kiitetida asaape ekidi nabbabis. Dabdaabiya Godaa keethi efidi Godaa sinthan miccis.15Godaa haysada yaagidi woossis:16“Abeeti Ubbaafe Wolqaama Godaw, kiruubetape gidduwan uttida Isra7eele Xoossaw, sa7a kawotethata ubbaa bolla ne xalaali Xoosse. Saluwanne sa7aa neeni medhadasa.17Abeeti Godaw, ne haytha yeggada haa si7a. Abeeti Godaw, ne ayfiya dooyada haa xeella. Nena, de7o Xoossaa, Sanakreemi cayida cashshaa si7a.18“Abeeti Godaw, Asoore kawoti kawotethatanne enta biitta dhaysidaysi ee tuma.19Enta xoossata taman xuuggidi dhaysidosona; Enta xoossati kaseka asa kushey massidi kessida mithinne shuchi gidiya gisho, xoossata gidokona.20Hiza abeeti Godaw, nu Xoossaw, ne xalaali Godaa gideysa sa7aa kawotethati ubbay erana mela neeni nuna iya kushepe ashsha” yaagidi woossis.

Sanakreema Kundethaa

21Hessafe guye, Amoxe na7ay Isayaasi Hizqiyaasas haysada yaagidi kiittis: Goday, Isra7eele Xoossay haysada yaagees: “Neeni Asoore kawa Sanakreema gaason tana woossida woosa taani si7as” yaagees.
22“Goday Sanakreema haysada yaagis.Xiyoone geela7iya nena kadhasu; leqasu;Yerusalaame na7iya ba huuphiya qaathada nena borasu.23Neeni cayidaynne toochiday oonee?Ne oodde bolla ne qaala dhoqu oothada odetadii?Ne otoron oona dhoqu gada xeelladii?Hessa ne oothiday Isra7eele Geeshshaa bollana gidennee?24Neeni kiitida asaa baggara Godaa cayadasa.Haysada yaagadasa:‘Ta daro para gaaretaradhoqa zumaa huuphiya,Libaanose zuma xeera keyas.Ubbaafe adussa zigatanneubbaafe lo77o xiiddata qanxas.Dhoqa bessan de7iyaxittida wora gakas.25Taani allaga biittatanhaatha olla bookada haathe iyape uyas.Gibxe biittan goggiya haatha ubbaataani ta tohuwan yedhada melisas’ ”yaagadasa.
26“Daro wodepe sintheneeni gimbetida katamata laallada,shucha keela kessana mela,ta qofaa qacha wothidaysa ne erabikii?Taani ha77i oothiya oosotabeni halcha wothas.27Hessa gisho, enta asaas wolqay ixin,enti kawuyidosonanne yeellatidosona.Enti maata melanneyooga ciishsha mela.Enti keethaa huuphen doliya maata melanneleegey kundisiya katha mela hanidosona.
28“Shin neeni uttiya, keyiya, geliya bessaanneta bolla ne hanqetida hanquwa erayis.29Ne ta bolla hanqetida gishonne,ne otoruwa taani si7ida gisho,taani ne siidhiyan dafo aathana;ne doonan bixaala barsana.Yaatada neeni yida ogiyaranena guye zaarana.”30Isayaasi kawa Hizqiyaasako haysada yaagis. “Hessi poletanaysas mallay haysa; ha laythinne wonto laythi hinte aasebo kaxida kathi maana. Shin heedzantho laythan hinte, hinte huuphen zeritenne cakite; woyne tokitenne iya ayfiya miite.31Yihuda asaape attidaysati xapho yeddana; ayfe ayfana.32Attida guuthati Yerusalaamepenne Xiyoone deriyape yaana. Ubbaafe Wolqaama Godaa qanaatey hessa oothana.33“Hessa gisho, Asoore kawuwaba Goday haysada yaagees. Asoore kawoy ha katamaa gelenna; woyko haysan ba dongiya dukenna; woyko ba gondalliya oykidi, ha katamaa sinthe aadhenna; woyko katamaa yuushuwa teqenna.34Asoore kawoy ba yida ogiyara guye simmana; ha katamaa gelenna.” Taani Goday haysa odayis.35“Taani ta bonchuwa gishonne ta aylliya Dawita gisho, ha katamaa ashshana” yaagis.36He qamma Godaa kiitanchoy keyidi, Asoore asay dunkaanida guta bidi, 185,000 addeta wodhis. Wontetha gallas asay dendidi ahi aha bolla dooretidaysa be7idosona.37Hessa gisho, Asoore kawoy Sanakreema dendidi, guye simmi bidi Nanawe kataman uttis.38Issi gallas Sanakreema ba xoossaa Nisirooka keethan goyinnishin, iya nayti Adramelekinne Sarxari mashshan iya wodhidi Araraate biitta baqatidosona. Iya na7ay Asiradooni iya bessan kawotis.
expand_more
Search