Read እሳያሳ ማፃፋ 37

እሳያሳ ማፃፋ37gof_etw

ህዝቅያስ እሳያሳ ዞረ ኦይችስ

¹ካዎይ ህዝቅያስ ሄሳ ስእዳ ዎደ ባ ማኡዋ ፔድ፥ ካዮ ማኦ ማእድ፥ ጎዳ ኬ ገልስ።²ካዎ ጋ አይስያ ኤልያቄም፥ ፃፈይ ሼብነ ካለያ ካህነት ካዮ ማኦ ማእድ፥ አሞፀ ናኣ ናብያ እሳያሳኮ ባና መላ ኪትስ።³ኤንቲ እሳያሳኮ ብድ፥ ህዝቅያስ ሀይሳዳ ያጌስ፦ “ሀ ጋላሳይ መቶ ጋላስ፥ ሴራ ጋላስነ ዬላ ጋላስ። ሄስካ ናእ የለታናዉ ዎደይ ጋክን፥ ባናካዳ የላናዉ ዎልቅ ይዳ ማጫሳ መላ ግድዳ።⁴ደኦ ፆሳ ጫያናዳ እያ ጎዳይ፥ አሶረ ካዎይ፥ ኪትዳ ሀላቃ ቃላ ጎዳይ ነ ፆሳይ ስኦና አገና። ቃስ ጎዳይ ነ ፆሳይ ሄ ቃላ ጋሶን እያ ሴሮና አገና። ሄሳ ግሾ፥ አሳ ግዶፈ አታናይሳታስ ዎሳ” ያግዶሶና።⁵ካዎይ ህዝቅያስ ኪትዳይሳ እሳያስ ስእዳ ዎደ፥⁶ኤንታኮ፥ “ህንተ ጎዳስ ሀይሳዳ ያግድ ኦድተ፦ ጎዳይ፥ ‘አሶረ ካዋ አይለት ታና ጫይሽን፥ ኔኒ ስእዳ ጫሻ ቃላስ ያዮፋ።⁷ሄኮ፥ እ ኦዳ ስእድ፥ ባ ቢታ ስማና መላ፥ ታኒ እያ ግዶን እስ አያና የዳና። ያታዳ እ ባ ቢታ ብድ ያን ማሻን ሀይቃናዳ ኦና’ ያጌስ” ያግድ ኪትስ።⁸አሶረ ካዎይ ላክሶ ካታማፐ ደንድድ ብዳይሳ አሶረ ሀላቃይ ስእድ፥ ጉየ ስሚድ ካዎይ ልብና ካታማን ኦለተይሳ ደምስ።⁹ካዎይ ሳናክሬም፥ “ቶጰ ካዎይ ትርሃቅ ነና ኦላናዉ ይስ” ግያ ኦዳ ስእድ፥ ህዝቅያሳስ ሀይሳዳ ያግድ ኪትስ።¹⁰“ይሁዳ ካዋ ህዝቅያሳ፥ ኔኒ አማነትያ ፆሳይ፥ ‘የሩሳላመ አሶረ ካዋ ኩሸን የገና’ ያግድ ጭሞፎ።¹¹አሶረ ካዎት ቢታታ ኡባ ዋት ይስዳኮ ኔኒ ስአዳሳ። ያትን፥ ኔኒ አታኔ?¹²በን ታ ማይዛት ይስዳ ጎዛና፥ ካራነነ ራፌሳ ቢታ ፆሳትነ ታላሳራን ደእያ ኤደነ ቢታ ፆሳት ሄ ቢታታ ዮፐ አሽዶና?¹³ሀማታ ካዎይ፥ አርፋዳ ካዎይ፥ ሳፋርዋይማ ካዎይ፥ ሄና ካዎይነ እዋ ካዎይ አዉን ደኦና?” ያግድ ኪትስ።

ህዝቅያሳ ዎሳ

¹⁴ህዝቅያስ ዳብዳብያ ኪተትዳ አሳፐ ኤክድ ናባብስ። ዳብዳብያ ጎዳ ኬ ኤፍድ ጎዳ ስንን ምጭስ።¹⁵ጎዳ ሀይሳዳ ያግድ ዎስስ፦¹⁶“አቤት ኡባፈ ዎልቃማ ጎዳዉ፥ ክሩበታፐ ግዱዋን ኡትዳ እስራኤለ ፆሳዉ፥ ሳአ ካዎተታ ኡባ ቦላ ነ ፃላል ፆሰ። ሳሉዋነ ሳኣ ኔኒ መዳሳ።¹⁷አቤት ጎዳዉ፥ ነ ሀይ የጋዳ ሃ ስአ። አቤት ጎዳዉ፥ ነ አይፍያ ዶያዳ ሃ ፄላ። ነና፥ ደኦ ፆሳ፥ ሳናክሬም ጫይዳ ጫሻ ስአ።¹⁸“አቤት ጎዳዉ፥ አሶረ ካዎት ካዎተታነ ኤንታ ቢታ ይስዳይስ ኤ ቱማ።¹⁹ኤንታ ፆሳታ ታማን ፁግድ ይስዶሶና፤ ኤንታ ፆሳት ካሰካ አሳ ኩሸይ ማስድ ከስዳ ምነ ሹች ግድያ ግሾ፥ ፆሳታ ግዶኮና።²⁰ህዛ አቤት ጎዳዉ፥ ኑ ፆሳዉ፥ ነ ፃላል ጎዳ ግደይሳ ሳኣ ካዎተት ኡባይ ኤራና መላ ኔኒ ኑና እያ ኩሸፐ አሻ” ያግድ ዎስስ።

ሳናክሬማ ኩንደ

²¹ሄሳፈ ጉየ፥ አሞፀ ናአይ እሳያስ ህዝቅያሳስ ሀይሳዳ ያግድ ኪትስ፦ ጎዳይ፥ እስራኤለ ፆሳይ ሀይሳዳ ያጌስ፦ “ኔኒ አሶረ ካዋ ሳናክሬማ ጋሶን ታና ዎስዳ ዎሳ ታኒ ስአስ” ያጌስ።

²²“ጎዳይ ሳናክሬማ ሀይሳዳ ያግስ።ፅዮነ ጌላእያ ነና ካሱ፤ ለቃሱ፤የሩሳላመ ናእያ ባ ሁጵያ ቃዳ ነና ቦራሱ።²³ኔኒ ጫይዳይነ ቶችዳይ ኦኔ?ነ ኦደ ቦላ ነ ቃላ ቁ ኦዳ ኦደታዲ?ነ ኦቶሮን ኦና ቁ ጋዳ ፄላዲ?ሄሳ ነ ኦዳይ እስራኤለ ጌሻ ቦላና ግደኔ?²⁴ኔኒ ኪትዳ አሳ ባጋራ ጎዳ ጫያዳሳ።ሀይሳዳ ያጋዳሳ፦‘ታ ዳሮ ፓራ ጋረታራቃ ዙማ ሁጵያ፥ልባኖሰ ዙማ ፄራ ከያስ።ኡባፈ አዱሳ ዝጋታነኡባፈ ሎኦ ፂዳታ ቃንፃስ።ቃ በሳን ደእያፅትዳ ዎራ ጋካስ።²⁵ታኒ አላጋ ቢታታንሃ ኦላ ቦካዳ ሃ እያፐ ኡያስ።ግብፀ ቢታን ጎግያ ሃ ኡባታኒ ታ ቶሁዋን የዳ መልሳስ’ ”ያጋዳሳ።

²⁶“ዳሮ ዎደፐ ስንኔኒ ግምበትዳ ካታማታ ላላዳ፥ሹቻ ኬላ ከሳና መላ፥ታ ቆፋ ቃቻ ዎዳይሳ ነ ኤራብኪ?ታኒ ሀእ ኦያ ኦሶታበን ሀልቻ ዎስ።²⁷ሄሳ ግሾ፥ ኤንታ አሳስ ዎልቃይ እፅን፥ኤንቲ ካዉይዶሶናነ ዬላትዶሶና።ኤንቲ ማታ መላነዮጋ ጪሻ መላ።ኤንቲ ኬ ሁጰን ዶልያ ማታ መላነሌገይ ኩንድስያ ካ መላ ሀንዶሶና።

²⁸“ሽን ኔኒ ኡትያ፥ ከይያ፥ ገልያ በሳነታ ቦላ ነ ሀንቀትዳ ሀንቁዋ ኤራይስ።²⁹ነ ታ ቦላ ሀንቀትዳ ግሾነ፥ነ ኦቶሩዋ ታኒ ስእዳ ግሾ፥ታኒ ነ ሲያን ዳፎ አና፤ነ ዶናን ብፃላ ባርሳና።ያታዳ ኔኒ ይዳ ኦግያራነና ጉየ ዛራና።”³⁰እሳያስ ካዋ ህዝቅያሳኮ ሀይሳዳ ያግስ። “ሄስ ፖለታናይሳስ ማላይ ሀይሳ፤ ሀ ላይነ ዎንቶ ላይ ህንተ አሰቦ ካፅዳ ካ ማና። ሽን ሄን ላይን ህንተ፥ ህንተ ሁጰን ዘርተነ ጫክተ፤ ዎይነ ቶክተነ እያ አይፍያ ሚተ።³¹ይሁዳ አሳፐ አትዳይሳት ፃጶ የዳና፤ አይፈ አይፋና።³²አትዳ ጉት የሩሳላመፐነ ፅዮነ ደርያፐ ያና። ኡባፈ ዎልቃማ ጎዳ ቃናተይ ሄሳ ኦና።³³“ሄሳ ግሾ፥ አሶረ ካዉዋባ ጎዳይ ሀይሳዳ ያጌስ። አሶረ ካዎይ ሀ ካታማ ገለና፤ ዎይኮ ሀይሳን ባ ዶንግያ ዱከና፤ ዎይኮ ባ ጎንዳልያ ኦይክድ፥ ሀ ካታማ ስን አና፤ ዎይኮ ካታማ ዩሹዋ ተቀና።³⁴አሶረ ካዎይ ባ ይዳ ኦግያራ ጉየ ስማና፤ ሀ ካታማ ገለና።” ታኒ ጎዳይ ሀይሳ ኦዳይስ።³⁵“ታኒ ታ ቦንቹዋ ግሾነ ታ አይልያ ዳዊታ ግሾ፥ ሀ ካታማ አሻና” ያግስ።³⁶ሄ ቃማ ጎዳ ኪታንቾይ ከይድ፥ አሶረ አሳይ ዱንካንዳ ጉታ ብድ፥ 185,000 አደታ ዎስ። ዎንተ ጋላስ አሳይ ደንድድ አህ አሀ ቦላ ዶረትዳይሳ በእዶሶና።³⁷ሄሳ ግሾ፥ አሶረ ካዎይ ሳናክሬማ ደንድድ፥ ጉየ ስም ብድ ናናወ ካታማን ኡትስ።³⁸እስ ጋላስ ሳናክሬማ ባ ፆሳ ንስሮካ ኬን ጎይንሽን፥ እያ ናይት አድራመለክነ ሳርፃር ማሻን እያ ዎድ አራራተ ቢታ ባቃትዶሶና። እያ ናአይ አስራዶን እያ በሳን ካዎትስ።

እሳያሳ ማፃፋ 37 / gof_etw

ህዝቅያስ እሳያሳ ዞረ ኦይችስ

ህዝቅያሳ ዎሳ

ሳናክሬማ ኩንደ

እሳያሳ ማፃፋ37gof_etw