Read ኢሳያሳ ቲንቢቴ 37

ኢሳያሳ ቲንቢቴ37gmv_etw

ካዎ ሂዝቂያሲ ኢሳያሳ ኦይቺዳ ዞሬ

¹ካዎ ሂዝቂያሲ ሄሳ ሲዪዳ ማላ ባ ማይኦ ዳኪዴስ፤ ሄሳፌ ጉዬ ማቃ ማይኢዲ ጎዳ ኬ ጌሊዴስ።²ካዎ ኬ ኣይሲዛ ኤልያቄሜይ፥ ጻፌ ሼቢናይኔ ቄሴታፔ ኤሬቲዳይቲ ኡባይ ማቃ ማይኢዲ ኣሞጼ ና ናቤ ኢሳያሳኮ ባና ማላ ኪቲዴስ።³ኢስቲካ ኢሳያሳስ ቢዲ፥ «ሂዝቂያሲ፥ ‹ሃ ጋላሳይ ጬጬ፥ ቂጻቴኔ ካዉሻቴ ጋላሳ፤ ሄሲካ ናይ ዬሌታና ሃኒሺን ኣቤይ ኢጺዛ ጋላሳ ማላ ጊዲዴስ።⁴ዴኦ ጾሳ ጫያና ማላ ኢዛ ጎዳ ኣሶሬ ካዎይ ኪቲዳ ኦላ ጋዳዋ ቃላ ጎዳ ኔ ጾሳይ ሲዮንታ ኣጌና። ቃሴ ጎዳ ኔ ጾሳይ ሄ ሲዪዳ ቃላ ጋሶን ኢዛ ቃጻዮንታ ኣጌና። ሄሳ ጊሻስ ኔኒ ሼምፖራ ፓጻ ኣቲዳ ጫሻታ ጊሻስ ዎሳ› ጌስ» ጊዳ።⁵ካዎ ሂዝቂያሲ ኪቲዳይቲ ኢሳያሳኮ ዪዳ ዎዴ፥⁶ኢሳያሲ ኢስታስ ዛሪዲ፥ «ኢንቴ ጎዳሲ ቢዲ፥ ‹ጎዳይ ኔና፥ ኣሶሬ ካዎ ኣሽካራቲ ታና ጫዪሺን ኔኒ ሲዪዳ ጫሻ ቃላስ ሂርጎፋ።⁷ቤያ፥ ታ ኢዛ ቦላ ኣያና ኪታና፤ ኢዚ ዎሬ ሲዪዲ ባ ዴሬ ሲሚ ባና፤ ሄን ባ ዴሬን ማሻን ሃይቃና ማላ ታ ኦና› ጊቴ» ጊዴስ።

ኣሶሬቲ ናምኣን ኪቲዳ ማንዴ ቃላ

⁸ኣሶሬ ካዎይ ላኪሼ ካታማፔ ዴንዲ ቢዳይሳ ኦላ ጋዳዋዚ ሲዪዲ ጉዬ ሲሚዴስ። ሂስቲዲ ካዎዚ ሊቢና ካታማ ኦሊሺን ዴሚዴስ።⁹ካዎ ሴናኪሬሜይ፥ ቶጵያ ካዎ ቲራቄይ ኢዛ ኦላና ዪዛይሳ ሲዪዴስ፤ ሄሳ ሲዪዳ ማላ ሂዝቂያሳስ ኪታ ዬዲዲ፥¹⁰«ዩሁዳ ካዎ ሂዝቂያሳስ፥ ‹ዬሩሳላሜይ ኣሶሬ ካዎ ኩሼን ጌሌና› ጊን ኔ ኣማኔቲዳ ጾሲ ኔና ጪሞፎ።¹¹ሄኮ ኣሶሬ ካዎቲ ቢታ ኡባ ቦላ ኢስቲ ኦዳይሳኔ ሙሌራ ኢስታ ይሲዳይሳ ኔ ሲያዳሳ። ሂስቲን ኔ ኬሳ ኤካ ኣታና ሚሳቲዜ?¹²ካሴ ታ ኣዋቲ ይሲዳ ጎዛኔን፥ ካራኔኒኔ ኤራፌሴን ሄሳካ ታላሳሬን ዴኢዛ ኤዴኔ ኣሳ ኢስታ ጾሳቲ ሄ ቢታታ ኣሺዶ?¹³ሃማቴ ካዎይ፥ ኣርፋዴ ካዎይ፥ ሴፋርዋይሜ ካዎይ፥ ሄና ካዎይኔ ኢዋ ካዎይ ኣዋን ዲዞ?» ጊዴስ።

ሂዝቂያሳ ዎሳ

¹⁴ሂዝቂያሲ ዳብዳቤዛ ኪቴቲዳ ኣሳታፔ ኤኪዲ ናባቢዴስ። ጎዳ ኬ ኤኪ ኤፊዲ ጎዳ ሲንን ሚጪዴስ።¹⁵ሂስቲዲ ጎዳ ዎሲሼ፥¹⁶«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።¹⁷ኣቤት ጎዳዉ፥ ኔ ሃይ ሃ ዬጋዳ ኤዝጋ። ኣቤት ጎዳዉ፥ ኔ ኣይፌ ፖጋዳ ሃ ጼላ። ኔና ዴኦ ጾሳ ጫያናስ ሴናኪሬሜይ ኪቲዳ ቃላ ሲያ።¹⁸«ኣቤት ጎዳዉ ቱማካ፥ ኣሶሬ ካዎቲ ሃ ካዎቴታኔ ኢስታ ቢታ ኡባ ባዞ ኬሲዳ።¹⁹ኢስታ ጾሳታ ታማን ጹጊዳ፤ ኢስታ ጾሳቲ ዎኒካ ሚፌኔ ሹቻፌ ኣሳ ኩሼን ማሴቲ ኬዚዳ ሚስሌፔ ኣቲን ጾሳታ ጊዴቴና።²⁰ሃኢካ ኣቤት ጎዳዉ፥ ኑ ጾሳዉ ኔኒ ጎዳይ ጻላ ጾሳ ጊዲዳይሳ ሳኣ ካዎቴቲ ኡባይ ኤራና ማላ ኑና ኢዛ ኩሼፔ ኣሻ!» ጊ ዎሲዴስ።

ኢሳያሲ ካዎ ሂዝቂያሳስ ዬዲዳ ኪታ

²¹ሄሳፌ ጉዬ ኣሞጼ ና ኢሳያሲ ካዎ ሂዝቂያሳሲ፥ «ጎዳይ ኢስራኤሌ ጾሳይ፥ ‹ኔኒ ኣሶሬ ካዎ ሴናኪሬሜይ ማንዲዳ ማንዴ ጊሻስ ዎሲዳ ዎሳ ታ ሲያዲስ› ጌስ።²²«ጎዳይ ሴናኪሬሜ ጊሻስ ዮቲዳ ቃላይ፥«ጌላኦያ ጺዮኔ ናያኔና ካዱሲኔ ሌቃዱስ።ዬሩሳላሜ ናያኔ ባቃቲሺን ቤኣዳባ ቆቃዱስ።²³ኔ ኦና ጫያይኔ ካዉሻይ?ኦና ቦላ ኔ ቃላቁ ሂስታ ሃሳያይ?ኦቶሮ ኣይፌን ኦና ጼላይ?ኢስራኤሌ ጌሻ ቦላጊዴኔ!²⁴ኔኒ ኪቲዳ ኣሳታ ባጋራጎዳ ቦላ ዳሮጫሻ ቃላ ሃሳያዳሳ።ቃሴካ፥ ‹ታኒ ጮራ ፓራ-ጋሬታንዙማታ ካራ፥ሊባኖሴ ሁኤ ኬዛዲስ።ሂስታዳ ኣዱሳ ዚጋታኔኡባፌ ሎኢዛ ጺዳታ ቃንጻዲስ።ታኒ ኬሂ ቃሶሆታኒኔኬሂ ካይሺዛ ዎራን ጋካዲስ።²⁵ታኒ ኣላጋ ቢታታንሃ ኦላታ ቦካዲስ፥ኢስታፌካ ሃ ኡያዲስ።ጊብጼ ቢታን ዲዛፑልቶ ሃታ ኡባታ ቶሆን ዬሜሊሳዲስ› ጋዳሳ።

²⁶«ታኒ ዳሮ ዎዴፔካሴ ቃቺዳይሳ፥ታ ቤኒ ሃልቺዳይሳኔ ሲያቤኪ?ሃኢ ጊዲኮፖሌታና ማላ ኦዲስ፤ኔኒካ ጊምቤቲዳ ካታማታላላዳ ሹቻ ዶሬ ኬሳና።²⁷ኢስታ ዴራስ ዎልቃይ ኢጺዴስ፤ኢስቲካ ዳጋሚዳኔ ካዉዪዳ።ኢስቲ ጋዴን ዲዛ ዶዛታ ማላ፥ሙልኦ ጫሬቻታ ማላ፥ኬ ካራን ሞኪዳማታ ማላኔኬሶንታ ቆይዳ ካማላ ጊዲዳ።

²⁸«ጊዶ ኣቲን ኔኒ ኡቲዛሶ፥ኔ ኣይዴ ያዳ ኣይዴ ባናኮ፥ኔ ታ ቦላ ዋናሃንቆን ዴንዳናኮታ ኤራይስ።²⁹ኔኒ ታ ቦላሃንቆን ዴንዴቲዳ ጊሻሲኔ፥ኔ ሃላጪዛይሲ ታ ሃይንዎዳ ጊሻስ፥ታኒ ኔ ሲን ዳፎ ኣና፤ኔ ዶናንካ ቢጻላ ባርሳና፤ኔ ዪዳ ኦጌራካ ታ ኔናጉዬ ዛራ ዬዳና» ጊዴስ።

³⁰«ሄሳፌ ጉዬ ኢሳያሲካዎ ሂዝቂያሳስ፥ሃይሲ ኔስ ማላታ ጊዶ፤ሃ ላይ ኢንቴ ኣዛባ ሞኪዳካ ማና፤ዪዛ ላይካ ኣዛባፌዎ ሞኪዳዝ ማና።ጊዶ ኣቲን ሄን ላይኢንቴ ዜራናኔ ማጻና፤ዎይኔ ቶካናኔኢዛ ኣይፌካ ሺሻና።³¹ዩሁዳፔ ኣቲዳ ጫሻቲጻጶ ዱጌ ዬዲዲቦላን ኣይፌ ኣይፋና።³²ኣቲዳ ጫሻቲ ዬሩሳላሜፔ፥ሼምፖራ ፓጻ ኣቲዳይቲጺዮኔፔ ኬዛና።ኡባፌ ዎልቃማ ጎዳዚልኤቴ ሄሳ ኦና።³³«ኣሶሬ ካዎ ጊሻስ ጎዳይ፥‹ኣሶሬ ካዎይሃ ካታማ ጌሌና፤ኢዚ ቦላ ባ ዎንዳፌ ዱኬና፤ኢዚ ቦላ ባ ጎንዳሌኦይኪዲ ዬና፤ቃሴ ካታማ ዩሾንቢታ ዶሬን ጎርዴና።³⁴ባ ዪዳ ኦጌራ ጉዬ ሲማና፤ኢዚ ሃ ካታማዮ ጌሌና› ጌስ።³⁵ታኒ ታ ቦንቾ ጊሻሲኔታ ኣሽካራ ዳዊቴ ጊሻስ፥ሃ ካታማዮካማ ኣሻና» ጊዴስ።³⁶ሄ ጋላሳ ኦማርሲ ጎዳ ኪታንቻይ ኬኢዲ፥ ኣሶሬ ኣሳይ ዱንካኒ ዲዛሶን፥ 185,000 ኣቱማሳታ ዎዴስ። ሂስቲን ኣሳይ ማላዶ ሱሪዲ ቤኢዛ ዎዴ ሃይቂዳ ኣሳ ኣሃይ ሄን ኩሚዴስ።³⁷ሄሳ ጊሻስ ኣሶሬ ካዎ ሴናኪሬሜይ ኬሲ ኤኪዴስ፤ ጉዬ ሲሚ ቢዲካ ናናዌ ካታማን ኡቲዴስ።³⁸ሳናኪሬሚ ባ ጾሳ ኒስራኬ ኬን ጎይኒሼ ዴኢሺን፥ ኢዛ ናይቲ ኣዲራሜሌኬይኔ ሳርሳሬይ ማሻን ኢዛ ዎዳ። ሂስቲዲ ኣራራቴ ቢታ ባቃቲዳ። ኢዛ ና ኣሴራዶኔይ ኢዛሶሆን ካዎቲዴስ።

ኢሳያሳ ቲንቢቴ 37 / gmv_etw

ካዎ ሂዝቂያሲ ኢሳያሳ ኦይቺዳ ዞሬ

ኣሶሬቲ ናምኣን ኪቲዳ ማንዴ ቃላ

ሂዝቂያሳ ዎሳ

ኢሳያሲ ካዎ ሂዝቂያሳስ ዬዲዳ ኪታ

ኢሳያሳ ቲንቢቴ37gmv_etw