1Yinsi ya kuyuma mpe ntoto yina ata kima ke menaka kuvwanda na nsayi,kizunga yina kele ve na maza, yangalala mpe buta bifulu.2Fuluka na bifulu mingi, yangalala,yangalala mpe looka na nsayi,Yave ke sala ti nge kuma kitoko mingi mutindu myongo ya Libane, yandi ke pesa nge kitoko ya Kaamele,mpe nkembo ya mudimba ya Salone.Na yina, bantu nyonso ke tala nkembo ya Yave,kitoko ya Nzambi ya beto.3Beno kindisa maboko yina me lemba,beno syamisa makoto yina ke na kutekita!4Beno tuba na bayina me lemba:«Beno vwanda na ngolo, beno vwanda ve na boma!Yandi kele awa, Nzambi ya beno!Yandi ke kwiza futisa yimbi na bambeni ya beno,mpe kuvutula bawu yimbi yina bawu salaka beno.Yandi mosi ke na kwiza vuukisa beno.»5Na yina, meso ya bampofo ke tala mbote,makutu yina ke kuwaka ve ke kuwa.6Makoka ke duzumuka mutindu nkabi,yinwa ya muntu yina ke zonzaka ve ke sala milolo ya nsayi,samu ti maza ke basika na yinsi ya kuyuma,mizumba ke pesa maza na ntoto ya kukawuka.7Ntoto ya tiya ke kituka na dyanga,ntoto yina ke na mpwila ya maza ke kituka na kizunga ya mikelo,kisika yina bayimbwa ya mfinda ke zingaka,matiti mpe batwandu ke mena kuna.8Mpe kuna, ya ke vwanda na nzila,yina ba ke bokila, «Nzila ya Longo».Ata muntu mosi ve, ya kuvedila ve ke luta kuna,ya ke vwanda kaka nzila ya bantu ya Yave,ya vwanda bantu ya buzoba, bawu ke zimbana ve kuna.9Ba ke tala ve nkosi kuna,kibulu mosi ve ya nsisi ke kwiza kuna,ba ke kuta ve bibulu yina kuna,kaka ni bantu yina Yave me kuula ke luta na nzila yina.10Bayina Yave me kuula ke vutuka.Bawu ke kuma na Siyone na kati ya milolo ya nsayi.Kyese ya bamvula na bamvula ke talana na bayintu ya bawu mutindu yimpu ya kintinu,kyese na mayangi ke kwiza bwabana bawu,manyongo na biyawula ke kima.