1Hahebua-tari taumu e, madi ihabaimu!Oi na asie habuamu tari.Kara-dibaka taumu e, madi ihabaimu!Ta ese se kara dibaka henimu.Hahebua-tari ba hadokoa murinaibae habuamu tari;bona kara-dibaka karadia ba hadoko murinaibae kara dibaka henimu.2Iehova e, a bogamai hisi; ai ese a narimumu.Daba daba iboudiai ai imamai ai baola,bona ihamaurimai ai baola, dika negadia ai.3Rege badana e varamu dainai bese idau-idau e heaumu;sibomu emu heabi-isi ai basileia idau-idau e karoho rohorohomu.4Dadidadi kohudia e haboumu, rautunu ese edia ḡau e haboumu na heto;kwadi e rohomu na heto, taunimanima ese unu ḡau latadiai e roho kaumu.5Iehova na e imodaiamu, badina be ia na atai ai e nohomu;Siona na hahemaoro ḡoevaḡoeva bona kara maoromaoro amo e hahonuamu.6Ia na imuda ai bainela, emui nega ai;hahemauri bona aonega bona lalo-parara bae bada herea.Iehova garina na ena taḡa.7A itaia, boga-auka taudia na murimuri ai e taimu;maino ena gwaukau taudia na e tai dikadikamu.8Laolao daladia na e mia ḡaḡaemu;taunimanima na asie laolaomu.Gwauhamata na e ḡiḡidia rohorohomu,hereva ihamomokanidia taudia na e dadaraidiamu;taunimanima na asie lalodiamu.9Tano na e taitaimu, e maraimu;Lebanon vada e baia, e kakoromu;Saron na tano ḡaḡaena na heto;Basan bona Karamele raudia e hehuhumu.10Iehova na e tomu: Aina tore isi;sibogu aina heabi isi; ae imodaigu.11Uit momorudia na emui ai e varamu, uit badidia o havaradiamu;laḡamu na lahi, ia ese baine aramu ore.12Bese idau-idau bae hegabu, ahu na heto;eiava au giniginidia e utumu bona e doumu na heheto.13Umui dauhai o nohomu taumui e,egu kara sivaraina a kamonai.Umui kahikahi ai o nohomu taumui e,egu siahu bavabia dae.14Kara dika taudia Siona ai na e garimu,Dirava asie matauraiamu taudia kudoudia e hetahamu.Daika ita bogaragidai na lahi hururu-hururuna lalonai baine noho diba?Daika ita bogaragidai na e ara hanaihanaimu lahina lalonai baine noho diba?15E raka maoromaoromu bona e hereva maoromaoromu tauna,hahehisi karadia amo e abimu ḡaudia e dadaraidiamu tauna;imana amo koikoi henitaona e piua daudaumu, baine abia na garina, tauna;bona taiana e kodobeamu, rara ihahebubuna herevadia bainekamonai na garina, tauna;bona matana e hakapudiamu, kara dika baine itaia na garina, tauna.16Ia na atai ai baine noho,helao-ahu nadi-hagadia ai baine noho namonamo;ana aniani bae henia, bona ranu ai basine dabu.17Matamu ese pavapava na hairaina lalonai bae itaia;tano rohana latana danu bae itaia.18Oi lalomu ese hahegari ḡauna baine haeroa:ḡau e hagaudia tauna be edeseni ai?eaiva ḡaudia e hahetohodia tauna be edeseni ai?Kohoro e duahidia tauna be edeseni ai?19Heḡonaḡonalai taudia na basio itadia lou,bona hereva hehunidia, anidia asi dibamu herevadia,asi dibamu gadona ai e hereva lanalanamu,taudia danu basio itadia lou.20Siona ba raraia, eda aria, e gwauraidia guna ariadia, hanuana.Oi matamu ese Ierusalem bae itaia;noho namonamo gabuna asi reḡereḡena,basine heraḡa palai rumana,ikokona basie heraḡabona kwanauna basie motu ḡauna.21Unuseni ai Iehova na hairai ai baine hedinarai, ita edai,ḡamoḡa bada sinavaidia bona doka gabuna ai;unuseni ai vanaḡi ta na basie baraia diba,bona lagatoi ta basine heau diba.22Badina be Iehova na eda hahemaoro tauna, Iehova na eda lohia,Iehova na eda pavapava; ia ese baine hamaurida.23Emu kwanau eme hetu;au-tubua asie haginia tutukamu,eiava lara asie veria roromu.Una negana ai e dadi ḡaudia momo herea bae haridia.ae-hedairike taudia danu ḡau bae dadi,24bona hanua tauna ta basineto “E goreregumu”.Unuseni ai e nohomu taudia edia dika na bae hegwau tao.