إِشَاعْيَا31rif_ati

وَارْ تّشْڒمْ خْ مِيصْرَا

1”ؤُشْثْ خْ يِينِّي د-إِهْوَانْ غَارْ مِيصْرَا حِيمَا أَذْ أَفنْ ثْوِيزَا، إِنِّي إِتّشْڒنْ خْ ييْسَانْ ؤُ تّڭّنْ ڒَامَانْ ذڭْ إِكَارُّوثنْ، مِينْزِي نِيثْنِي ذڭْ وَاطَّاسْ، ؤُڒَا خْ يِينِّي إِنْيِينْ خْ ييْسَانْ، مِينْزِي نِيثْنِي جّهْذنْ، أَخْمِي وَارْ خزَّارنْ غَارْ ؤُمْقدَّاسْ ن إِسْرَائِيل ؤُ وَارْ أَرزُّونْ سِيذِي.“2”مَاشَا ؤُڒَا ذ نتَّا ذ أَمِيغِيسْ، نتَّا ڭُّورْ أَذْ يجّْ ڒْغَارْ أَذْ د-يَاسْ. وَارْ إِتّْذِيكّْوِيڒْ ذڭْ وَاوَاڒْ نّسْ، أَذْ إِكَّارْ ضِيدّْ إِ ثَادَّارْثْ ن إِعفَّاننْ ؤُ ضِيدّْ إِ ثْوِيزَا ن يِينِّي إِتّڭّنْ ڒْمُوعْصِييّثْ.3مَاغَارْ إِمِيصْرِييّنْ ذ إِوْذَانْ، وَارْ دْجِينْ ذ أَربِّي، ؤُشَا إِيْسَانْ نْسنْ ذ أَيْسُومْ، وَارْ إِدْجِي ذ أَرُّوحْ. أَذْ إِسَارّحْ سِيذِي أَفُوسْ نّسْ أَڒْ إِ غَا إِنْقَارْضْ ونِّي إِوْشِينْ أَفُوسْ، ؤُشَا خنِّي أَذْ إِوْضَا ؤُڒَا ذ ونِّي ذَايسْ إِوْشِينْ أَفُوسْ. أَمُّو إِ غَا قْضَانْ نِيثْنِي مَارَّا إِذْسنْ.“4”مَاغَارْ أَمُّو إِ ذ أَيِي إِنَّا سِيذِي: ’أَمْ مَامّشْ إِتَّارُّوجْذُوذْ وَايْرَاذْ نِيغْ وَايْرَاذْ أَمژْيَانْ خْ زَّارْذثْ نّسْ خْمِي خَاسْ د-تّْڒَاغَانْ إِجّْ ن ؤُبَارُّو ن إِمكْسَاونْ، بْڒَا مَا أَذْ إِنّخْڒعْ زِي ثْمِيجَّا نْسنْ ؤُ وَارْ إِخنّسْ زڭْ ؤُبَارُّو نْسنْ، أَمُّو إِ غَا إِهْوَا ؤُڒَا ذ سِيذِي ن ڒْعسْكَارَاثْ حِيمَا أَذْ إِمّْنغْ خْ وذْرَارْ ن صِيهْيُونْ ؤُ خْ ثوْرِيرْثْ نّسْ.5أَمْ يِيجْضَاضْ إِتّْفَارْفِيرنْ سنّجْ إِ ڒْعُوشّْ نْسنْ، أَمُّو إِ غَا إِسّڒْقَا سِيذِي ن ڒْعسْكَارَاثْ خْ ؤُرْشَالِيمْ. أَذْ ت إِسَّارْ، أَذْ ت إِسّنْجمْ، أَذْ خَاسْ يكّْ ؤُشَا أَذْ ت إِسّنْجمْ.“6”ذوْڒمْ-د غَارْ ونِّي خْ حيّْذنْ أَيْثْ ن إِسْرَائِيل س وَاطَّاسْ.7مَاغَارْ ذڭْ وَاسّْ نِّي أَذْ إِمّنْضَارْ كُوڒْ إِجّْ لْ-أَصْنَامْ نّسْ ن نُّوقَارْثْ ذ لْ-أَصْنَامْ نّسْ ن وُورغْ، إِنِّي يڭِّينْ إِفَاسّنْ نْومْ إِ يِيخفْ نْومْ، إِ دّنْبْ.8أَشُّورْ أَذْ إِوْضَا س سِّيفْ، وَارْ إِدْجِي سِّيفْ ن إِجّْ ن ورْيَازْ. أَذْ ث يشّْ سِّيفْ، وَارْ إِدْجِي ن إِجّْ ن بْنَاذمْ. أَذْ يَارْوڒْ أَشُّورْ زَّاثْ إِ سِّيفْ ؤُشَا إِحُوذْرِييّنْ نّسْ أَذْ ذوْڒنْ غَارْ ثسْمُوغِي.9ثَاصْضَارْثْ نّسْ أَذْ ثڭّْوجْ س ثِيڭّْوُوذِي ؤُشَا ڒْحُوكَّامْ نّسْ أَذْ أَروْڒنْ زِي ثْعدْجَانْثْ!‘، أَمُّو إِ إِقَّارْ سِيذِي، ونِّي غَارْ ثدْجَا ثْمسِّي ذِي صِيهْيُونْ ؤُڒَا ذ ثَافْقُونْثْ ذِي ؤُرْشَالِيمْ.“
expand_more
Search