1Bɔ̃rurobɑ Yudɑbe bɑ kpikiru dɔɔ Eɡibitiɔ bu kɑ somiru wɑ.Bɑ ben nɑɑnɛ doke dumi sɔɔ,kɑ tɑbu kɛkɛ dɑbi ni dumi ɡɑwe sɔɔkɑ sere mɑɑsɔ dɑmɡibu sɔɔ.Adɑmɑ bɑ ǹ Gusunɔ ben Yinni Dɛɛro kɑsu,bu nùn nɑɑnɛ ko.2Yen sɔ̃nɑ win tii u yɛ̃ ye u mɔ̀.U koo de kɔ̃sɑ yu nɑ.U ǹ mɑɑ win ɡɑri kɔbiɑmɔ.U koo tɔn kɔ̃sobu seesi,kɑ mɑɑ be bɑ bu somimɔ.3Eɡibitiɡibu bɑ ǹ sɑ̃ɑ Gusunɔ,bɑ sɑ̃ɑwɑ tɔmbu.Mɛyɑ mɑɑ ben dumi yi ǹ dɑm tukum ɡɑm mɔ,yi sɑ̃ɑwɑ yɛɛ diri.Yinni Gusunɔ ù n win dɑm sɔ̃ɔsimɑ,be bɑ somiru kɑsu kɑ be bɑ bu somiru wee,bɑ koo sokurɑ bu wɔruku,kpɑ be kpuro bu mɛnnɑ bu ɡbi.
Yinni Gusunɔ
u koo Yerusɑlɛmu kɔ̃su
4Amɛniwɑ Yinni Gusunɔ u mɑn sɔ̃ɔwɑ u nɛɛ,ɡbee sunɔ ɡe ɡɑ yɑɑ mwɑ ɡɑ wuri koosimɔɡɑ ku rɑ yɑ̃ɑ kpɑrobun bɛrum ko,bɑɑ bɑ̀ n dɑbi mɑ bɑ ɡu tɑrusi bɑ ɡbɑ̃sukumɔ.Nɡe mɛyɑ wi, wɔllu kɑ tem Yinni, u ko n sɑ̃ɑù n sɑrɑmɑ u kɑ Siɔnin ɡuuru kɔ̃su, u tu sɑnnɑ.5Nɡe mɛ ɡue yi rɑ n yin binu kɔ̃su,nɡe mɛyɑ wi, wɔllu kɑ tem Yinni,u koo Yerusɑlɛmu yɑkiɑ u ye kɔ̃su.6Yen sɔ̃, bɛɛ Isirelibɑ, bɛɛ be i kɑ Yinni Gusunɔ wi tondɑ n kpɑ̃, i ɡɔ̃ru ɡɔsio kpɑ i wurɑmɑ win mi.7Domi sɑɑ yɑ sisi yè sɔɔ bɛɛn bɑɑwure u koo win bwɑ̃ɑroku ni u sekɑ kɑ sii ɡeesu kɑ wurɑ wunɑ u kɔ̃ ni nu nùn durum koosiɑmɔ.8Mɛyɑ bɑ koo Asiriɡibu kɑm koosiɑ,ɑdɑmɑ n ǹ kɑ tɔnun dɑm.Bɑ koo duki yɑrinɑ tɑbu sɔɔkpɑ bu ben ɑluwɑɑsibɑ mwɛɛri bu yoo sɔmɑ koosiɑ.9Ben sinɑ boko u koo dukɑ yɑkurɑ bɛrum sɔ̃.Kpɑ ben tɑbu sinɑmbu bu bɛrum soorɑbu ben ɡidi bɔrɑ biru kisi bu doonɑ.Yeniwɑ Yinni Gusunɔ u ɡeruɑwi bɑ rɑ sɑ̃ Yerusɑlɛmuɔ kɑ yɑ̃ku dɔ̃ɔ mwɑɑrɑruɡinu.