Kondwa kutumama na misiku ya yinsi ya kintinu ya Yuda
1Tala! Mfumu, Yave Nzambi ya Binwanike sala ti Yelusalemi mpe Yuda kuvwanda dyaka ve,na nyonso yina kele kiyekamanu ya bawu,yandi ke katula na kati ya bawu mampa yina bawu ke bumbaka,mpe maza yina bawu ke bumbaka.2Yandi ke katula ngekinwani ya lulendo mpe muntu ya mvita,zuzi mpe mumbikudi,nganga mpe kuluntu,3mfumu ya makumi tanu mpe ntwadisi,kipesi-malongi, muntu yina ke salaka mbote bisalu ya mabokompe muntu ya bampandu ya ngolo.4«Mu ke pesa bawu bantwenya yina ke vwanda bamfumu ya bawu,bana ya fyoti ke yala bawu mutindu bawu zola.»5Bantu ke banda na kunyokola bampangibawu na bawu bantu ya yinsi,bantwenya ke tedimina bantu ya kukula,bantu ya mpamba ke tedimina bantu ya mfunu.6Muntu ke bwila mpangi ya yandi na yinzo ya dikanda ya yandi, yandi ke tuba na yandi mutindu yayi:«Nge yina ke na kiyunga, nge ke vwanda mfumu ya beto,baka na yisi ya lutumu ya nge yinzo yayi ya kumwangana.»7Kaka na kilumbu yina, mpangi ke vutula mutindu yayi:«Mu kele ve munganga,mpe na kati ya yinzo ya munu, dimpa kele ve, kiyunga mpe kele ve.Beno kutula ve munu mfumu ya makanda ya bantu.»8Yelusalemi me bula dibaku,mpe Yuda me kubwa,samu ti mambu yina bawu ke zonzaka mpe bansalulu ya bawu ke kembisaka ve Yave,bawu me balukila nkembo ya yandi.9Bizizi ya bawu ke na kulakisa yina bawu kele,bawu ke na kutala nsoni ve na kulakisa na pwelele nyonsomasumu ya bawu mutindu bantu ya Sodome.Kyadi na bawu!Samu ti bawu ke na kukubika mpasi ya bawu, bawu mosi!10Beno lenda tuba ya beno ti muntu ya kudedama ke lenda ya yandi,samu ti yandi ke kuzwa ndandu ya mavanga ya yandi.11Kasi kyadi mingi samu na muntu ya yimbi!Samu ti nyonso ya yandi ke beba.Yandi ke kuzwa ndandu ya mavanga ya yandi.12Bana ya fyoti ke na kunyokola bantu ya munu,mpe ni bakento ke na kuyala bantu ya munu.Beno bantu ya munu, bayina nyonso ke na kutwadisa beno ke na kuzimbisa beno nzila,bawu ke na kuvuna beno na kukatula beno na nzila yina beno fwana kulanda.
Lufundusu ya bantwadisi ya Isayeli
13Yave me basika samu na kusala lufundusu,yandi me telama samu na kufundisa bantu ya yandi.14Yave me banda lufundusu,na bakuluntu ya makanda ya bantu mpe bantwadisi ya bawu.Yandi ke na kutuba mutindu yayi:«Ni beno mwangisaka bilanga ya bayinti ya vinu!Bima yina beno botolaka na sika ya bamputu, beno fulusaka yawu na kati ya bayinzo ya beno!15Samu na yinki beno ke na kudyata bantu ya munu?Samu na yinki beno ke na kuvweza buzitu ya bamputu?»Ni Mfumu, Yave Nzambi ya Binwani me tuba yawu.
Lufundusu ya bakento ya kitoko ya Yelusalemi
16Yave ke na kutuba dyaka mutindu yayi:«Samu ti badumba ya Siyone ke na fyele,mpe ti bawu ke na kutambulaka na lunangu nyonso,mpe na ntalulu ya bisombolo,bawu ke na kwendaka tambula malembe-malembena kwendaka wakisa makelele ya mwa bampanga yina kele na makulu ya bawu.»17Mfumu ke sala ti bayintu ya bandumba ya Siyone kuvwanda dyaka ve na bansuki,Yave ke sala ti bambunzu ya bawu kuvwanda ya mpamba.18Na kilumbu yina, Mfumu ke katula misanga nyonso: bampanga ya makulu, basinga ya nene ya bansuki, misanga yina kele na kifwani ya ngonda,19binzembele, milunga mpe balele yina bakento ke fukaka bizizi ya bawu,20yimpu ya nkembo yina ba ke tulaka na yintu ya bakento, mwa bampanga ya makulu, mikaba, bambwata ya mananasi, mpe bakisi,21milunga ya misapi mpe milunga ya bambombo,22binkuti ya mfunu mpe biyunga ya nene, mazwela mpe nkutu ya maboko,23batala-tala mpe binkuti ya kati, basinga ya nene yina ba ke tulaka na laka mpe bitambala ya laka.24Na kisika ya sunga ya mananasi, ya ke vwanda ni sunga ya kubola,na kisika ya mikaba, ya ke vwanda ni basinga ya mpamba,na kisika ya bansuki yina ba me kanga, ya ke vwanda yintu yina kele ve na bansuki,na kisika ya binkuti ya kitoko, ya ke vwanda ni ngoto,na kisika ya kitoko, ya ke vwanda ni nsoni.
Mifwidi ya Yelusalemi
25Nge Yelusalemi,binwani ya nge ke kufwa na mbele ya mvita,binwani ya nge ya ngolo ke kubwa na mvita.26Na yina, mbanza nyonso ya Siyone ke kota kifwidi na kudila mpe yawu ke yawula,mutindu kento yina me wombisa nyonso, yandi me vwanda kaka na ntoto.