Read Esaya 29

Esaya29mkw_wbt

Yelusalemi, ba me zunga yawu na bambeni mpe ba me kuula yawu

¹Kyadi na Alyele, Alyele,mbanza yina ntinu Davidi me kwiza tula kivwandu ya yandi!Beno lenda zitisa mikembo nyonso, mvula na mvula.²Kasi mu ke mwangisa nge, Alyele. Nge ke nyonga mingi mpe kudila, mpe nge ke vwanda samu na munu mutindu kiyokolo ya minkayulu.³Mu ke tula kivwandu ya munu na balweka ya nge nyonso,mu ke zunga nge na bima yina ba ke sadilaka samu na kuzunga mbanza,mu ke tunga bayinzo ya mitela ya yinda samu na kunwanisa nge.⁴Ba ke kulula nge, ndinga ya nge ke basikila na yisi ya ntoto,mambu ya nge ke vwanda na yisi ya fundu-fundu, ndinga ya nge ke basikila na yisi ya ntoto,ndinga ya ke basika na yisi ya ntoto mutindu mambu ya mpeve,yina ke kunyunguta na fundu-fundu.⁵Nkonga ya bambeni mingi ya nge ke fwanana na dituti ya fundu-fundu,nkonga ya binwani mingi ke dyata nge mutindu dititi yina mupepe me nata.Kaka na mbala mosi,⁶Yave Mfumu ya Binwani me sala,na nzila ya kidumu, mpe na kuningisa ntoto,na makelele ya ngolo, na mupepe ya ngolo mpe mvula,na tiya yina ke mwangisaka.⁷Nkonga ya bantu mingi yina ke na kunwanisa nge, Alyele, ke zimbana mutindu ndosi.Ba yina nyonso ke na kutunga bibaka na balweka nyonso ya nge samu na kunwanisa nge,mpe ke na kufyetikisa nge, ba ke zimbana,mutindu lumoni na mpimpa.

⁸Muntu ke na nsatu ke lota ndosi ti yandi ke na kudya,na ntangu yandi ke vumbuka, kivumu kele mpamba,muntu kele na mpwina ke lota ndosi ti yandi ke na kunwa maza,na ntangu yandi ke vumbuka, yandi ke ya kulemba, mpe laka ya kuyuma,ya ke vwanda mutindu mosi na nkonga mingi ya yinsi,yina ke kwiza nwanisa mongo ya Siyone.

Bumpofo mpe kukola malafu

⁹Beno yituka mpe kuzonza dyambu ve!Beno kanga meso mpe beno kuma bampofo!Beno kola, kondwa kunwa vinu!Beno tambula tengu-tengu kondwa kunwa malafu!¹⁰Yave me lalisa beno pongi mosi ya ngolo,yandi me sala ti mimbikudi ya beno kutala ve,yandi me tula lele na kizizi ya bayina ke talaka mambu.

¹¹Lumoni yayi kele samu na beno mutindu bampova ya dibuku ya kukangama ba ke pesa na muntu yina zaba kutanga ba ke tuba na yandi: «Mulemvo ya nge, tanga yawu», kasi yandi ke vutula: «Mu lenda ve, dibuku kele ya kukangama».¹²Mpe ba ke pesa dibuku na muntu yina zaba kutanga ve na kutuba: «Mulemvo ya nge, tanga yawu», kasi yandi ke vutula: «Mu zaba kutanga ve».

Mambu yina ke yitukisaka me manisa ve

¹³Yave ke na kutuba: Ntangu bantu yayi ke belamaka na munu,bawu ke na kuzitisa munu na yinwa mpe na bikoba ya bawu,kasi bantima ya bawu kele ntama na munu,mpe buzitu yina bawu ke na yawu samu na munu,yawu kele kaka ntumunu yina bantu me longisa.¹⁴Ni yawu yina, mu ke tatamana na kuyitukisa bantu yayi,na mavanga yina ke yitukisaka.Ata ndwenga ya bawu, bantu ya ndwenga ke bakula kima ve,ata mayela ya bawu, bantu yayi ya mayela ke lenda kubangula kima ve.

Nani beno ke na kubakila Nzambi?

¹⁵Kyadi samu na bantu yayi ke na kusala na mansweki na kubumba manaka ya bawu na Yave!Ba ke kubika bisalu ya bawu na kitombe.Ba ke tuba: «Nani lenda tala beto? Nani me zaba yina beto ke na kusala?»¹⁶Na kutala mbote, beno ke na kukivuna na nyonso!Ba lenda fwanikisa kisadi-bambinda mutindu mosi na ntoto ya kulamba?Kima lenda tuba na muntu yina me yidika yawu:Ni yandi ve yidikaka munu?Diyuki lenda tuba na kisadi-bambinda:Yandi kele na mayela ve?

Mbalukulu ya nene ya mambu

¹⁷Na ntangu fyoti,mfinda ya Libane ke kuma bilanga ya bayinti ya bambuma,mpe bilanga ya yinti ya bambuma ke kuma mutindu mfinda?¹⁸Kilumbu yina bantu ya makutu ya kufwa ke kuwa mambu yina kele na dibuku,bampofo ke basika na mpimpa ya kitombempe meso ya bawu ke tala.¹⁹Bantu ya mpasi ke vwanda na nsayi ya kulutila samu na Yave,bayina kele na bumputu ya kulutilake bina na nsayi samu na Nzambi ya Longo ya Isayeli.²⁰Ya ke vwanda nsukunu ya bamfumu ya yimbi, mpe lunangu ya bawu ke manisa.Ba ke vwanda dyaka ve, bayina vwandaka sosa kusala yimbi na ba ya nkaka,²¹bayina ke vuninaka bantu mambu,bayina ke tambila bazuzi mitambu na bisika ya lufundusu,bayina ke kangisaka muntu yina me sala ya yandi ata dyambu.