Read እሳያስ 28

እሳያስ28gaz_ebi

ሆገንቶተ ኤፍሬሚፍ ወዮ

¹ጎንፎ ኦፍ ቱሉማ ከን መቾፍቶተ ኤፍሬም ሰናፍ፣ደራራ ጮለጉ ከን ኡልፍነ ሚዸግነሳኒቲፍ፣ከን መታ ሱሉለ ገበታረ ጅሩፍ፣መጋላ ወረ ዳዺ ወይኒቲን ፉዸተመንሰናቲፍ ወዮ!²ኩኖ፣ ጎፍታን እሰ ሁምነ ቀቤሳፊ ጀባ ቶኮ ቀበ።እን አኩመ ጨቢቲፊ ቡቤ ዋ በሌሱ፣አኩመ ቦካ ጀባቲፊ ብሻን ጉቴ እረ ዸንገለኡ፣ሁምናን ለፈት ገድ እሼ ደርበተ።³ጎንፎን ኦፍ ቱሉማ፣መቾፍቶትን ኤፍሬም ሚለ ጀለት ዽዺተሙ።⁴ደራራን ሀርጨኡ፣ ሚዸግንሳ ከበጀማን፣ከን መታ ሱሉለ ገበታረ ጅሩ ሱን፣አኩመ ሙከ ሀርቡ ኡቱ ቦን ህንገእን ብልቻቱ ሰና ተአ፤ነምን እሰ አርጉ ሁንድ አኩመ እሰ ሀርከ ኬሰ ገልፈቴንእሰ ኛቴ ፍጠ።

⁵በረ ሰነ ዋቀዮ ዋን ሁንደ ደንደኡሀምባ ሰበሳቲፍ፣ጎንፎ ኡልፍና፣ምአ ሚዸግና ንተአ።⁶እን ነመ ሙርቲ ኬኑፍ ታኡፍ ሀፉረ ሙርቲ ቀጄላ ተአ፤ወረ ከረራ ወራነ ዴብሰኒፍሞመደ ጀብና ተአ።

⁷ጀር ኩን ዳዺ ወይኒቲን ገተንተሩ፤ዹጋቲ ጀባዻን ዶጎጎሩ፤ሉቦትኒፊ ራጆትን ዹጋቲ ጀባዻን ገተንተሩ፤ዳዺ ወይኒቲን ፉዸተሙ፤እሳን ዹጋቲ ጀባዻን ከራራ በዱ፤ዬሮ ሙልአተ አርገንትስ ንዶጎጎሩ፤ዬሮ ሙርቲ ኬነንትስ ንዶጎጎሩ።⁸ማዲን ሁንድኑ ድድጋን ጉተሜረ፤እዶን ህንጡሬፈምን ቶኮዩ ህንጅሩ።

⁹“ነምን እን ዋ በርሲሱ ያሉ ኩን ኤኙ?እን ኤኙፍ ኤርጋሳ እብሳ ጅረ?እጆሌ ኣነን ዺፍቴፍሞእጆሌ ሀርመ ጉቴፍ?¹⁰አጀጀረት አጀጀ፤ አጀጀረት አጀጀ፤ስርነረት ስርነ፤ ስርነረት ስርነ፤አስት ሙራሰ፤ አችት ሙራሰ” ተኣቲ።

¹¹ዮስ ዋቅን አፋን አለጎታቲን፣አፋን ህንቤከምኔንስ ሰበ ከነት ንዱበተ፤¹²እን አከነ እሳኒን ጄዼ፤“ኩን እዶ ቦቆናት፤ ወር ደዸበን ሃቦቆተን፤ኩን እዶ ኣረ ገልፈትናት።”እሳን ገሩ ዸገኡ ድደን።¹³ዮ አከሲ ዱቢን ዋቀዮ አከነ እሳንት ተአ፤አጀጀረት አጀጀ፤ አጀጀረት አጀጀ፤ስርነረት ስርነ፤ ስርነረት ስርነ፤አስት ሙራሰ፤ አችት ሙራሰ፤ኩንስ አከ እሳን ዸቀኒ ዱግደ ዱበት ኩፈኒፊአከ እሳን ጨጨበኒ ክዮዻን ቀበመኒፍ።

¹⁴ከናፉ እስን ቆስቶትንወር ኡመተ ዬሩሳሌም ቡልችተን ዱቢዋቀዮ ዸገኣ።¹⁵እስን አከነ ጄተኒ ኦፍ ቱልቱ፤ “ኑ ዱአ ወጅን ከኩ ገሌረ፤ሲኦል ወጅንስ ወሊ ገልቴ ጎኔረ።ሰበቢ ኑ ሶበ ደኦ ጎዸትኔ፣ሶበስ እዶ እት ዾከትኑ ጎዸኔፍ፣በላን ሀማን ዬሮ ዹፌ ለፈ በሌሱትኑ ቱቁ ህንደንደኡ።”¹⁶ከናፉ ዋቀዮ ጎፍታን አከነ ጄዸ፤“ኩኖ አን ዸጋ ቶኮ፣ ዸጋ ቆረተሜ፣ዸጋ ጎሌ ገት ጀቤሰ ቶኮሁንዴ ምርከናኣዻፍ ጥዮን ኬሰ ነንካአ፤ነምን አመኑ ከምዩ ህንቃነኡ።¹⁷አን ሙርቲ ቀጄላ ፉኞ እቲን ሰፈረን፣ቀጄሉማሞ መዳሊ ነንጎዸዸ፤ሶበ እስን ደኦ ጎዸተን ሰነ ቦካን ጀባን ንበሌሰ፤ብሻንስ ለፈ እስን እት ዾከተን ኬሰ ንሎለአ።¹⁸ከኩን እስን ዱአ ወጅን ጎዸተን ንዲገመ፤ወሊ ገልቴን እስን ሲኦል ወጅን ጎዸተንስንበርበዴፈመ።ዬሮ በላን ሀማን ዹፌ ለፈ በሌሱትእስን ለፈት ገድ ዽዺተምቱ።¹⁹እን ዬሮ ዹፉ ሁንደ እስን ፉዸቴ ዴመ፤ገነመ ገነመ ሀልከኒፊ ጉያስ፣እን ዋ በሌሰ።”ኤርጋ ከነ ሁበቹንናሱ ጉዳ ነመት ፍደ።²⁰ስሬን እረት ድሪርፈቹፍ ባይኤ ገባባዸ፤ኡፈተ ሀልከኒ ኦፍት መረቹፍ ባይኤ ዽጳዸ።²¹ዋቀዮ ሆጂሳ፣ ሆጂሳ ሃራ ሰነ ሆጄቹፍ፣ጎቸሳ፣ ጎቸሳ ከን ህንቤከምኔ ሰነ ሆጄቹፍ፣አኩመ ቱሉ ጴራዚም ኬሰት ጎዼ ሰነ ንከአ፤አኩመ ሱሉለ ግቤኦንት ጎዼ ሰነ ንከአ።²²አመ ቆሳኬሰን ዺሳ፤ዮ አከስ ህንተእን ፎንጫንኬሰን እስንት ጀባተ፤ጎፍታን፣ ዋቀዮ ዋን ሁንደ ደንደኡ፣ለብሲ ጉቱማ ብየቲ በሌሱፍ ለብሴ ነት ህሜረ።

²³ዸጌፈዻቲ ሰገሌኮ ዸገኣ፤ቀልቤፈዻቲ ዋን አን ዱበዹ ዸገኣ።²⁴ቆናን ቡላን ቶኮ ዬሮ ሰኚ ፈጫሱፍ ለፈ ቆተቱት፣እቱመ ፉፌ ቆታ?እን እቱመ ፉፌ ብዮ ጨጨብሴ ቡሌሳ?²⁵እን ዬሮ ለፈ ወል ቅጤሱትድምብላላፊ ከሙኒ ህንፈጫሱ?እን ቀመዲ ቶረ ቶራን፣ገርቡ እዶሳረት፣ሆንቦሪስ ለፈ ቆቲሳሳረት ህንፈጫሱ?²⁶ዋቅንሳ እሰ በርሲሰ፤ከራ ቀጄላረስ እሰ ቡሰ።

²⁷አበሱድን ገንገልቻዻን ህንዸአሙ፤ከሙኒ እረስ ጎማን ጋሪ ህንኦፈሙ፤አበሱድን ኡሌዻን፣እንስላልሞ ሽመላን ዸአመ።²⁸ምዻን ቡዴነ ቶልቹፍ ዳከሙ ቀበ፤ከናፉ ነምን ቶኮ በረ በራን ምዻን ህንዸኡ።እን ጎማ ጋሪ ከን ምዻን ዸኡ ምዻን ሰነረ ኦፉዩፈርዴንሳ ምዻንቸ ህንቡሌሰን።²⁹ወን ኩን ሁንድኑ ዋቀዮ ዋን ሁንደ ደንደኡ፣እሰ መሪዻን ድንቅሲሳ፣ኦጉማዻንስ ጉዳ ተኤ ብራ ዹፈ።

እሳያስ 28 / gaz_ebi

ሆገንቶተ ኤፍሬሚፍ ወዮ

እሳያስ28gaz_ebi