Read Isaia 28

Isaia28bqc_sim

Waiyookɛa Ɛflaiũ buiↄ ń Yelusalɛũdeↄnɛ

¹Waiyoo wɛ̃́lɛ pↄ́ Ɛflaiũ bui idɛkɛnaↄ aaì ĩ́anadãò,mɛɛwia pↄ́ kú guzulɛ táaede sĩ̀sĩ musu lán kíafuawa!A kɛfɛnkɛ gawi lɛ́ láa lá lávu ì wolowa.²Dii gↄ̃sa gbãa vĩ, a mↄ wɛ̃́lɛpi wílán lou maa ń gbɛo zàa'ĩan gbãa pↄ́ ì pↄ́ músikɛwa,lán lou zàa'ĩan gbãa pↄ́ ì to í daguawa.³Wa ↄ̃zↄ̃ wɛ̃́lɛ pↄ́ Ɛflaiũ bui idɛkɛnapiↄ ì ĩ́anadãòwa.⁴A kɛfɛnkɛ gawi pↄ́ kú guzulɛ táaede sĩ̀sĩwa lán lávuwaa kwɛ́ lán kaadↄɛn nɛ́ maà sɛ̃́iawa.Tó wa è, wa sɛ zu lɛ́u gↄ̃̀ↄ bló.⁵Gↄↄ bee Dii Zĩgↄ̃de aↄ dɛ lán kíafua gawidewa a gbɛ̃́ kↄ̃naↄnɛ,ↄ̃mɛ aↄ dɛnɛ́ lán tulu kɛfɛnawa.⁶A tó yã́zɛde dↄaa yã́kpalɛkɛnaↄnɛ,a gbɛ̃́ↄ gba gbãa aa zĩ yoaa bĩ́ibↄlɛu.

⁷Vɛ̃ɛ ì sa'onaↄ tàlaatalaazↄ̃,í gbãa ì ãnabiↄ pãpãzɛa.Í gbãa ì ń tàlaatalaazↄ̃,vɛ̃ɛ ì zↄ̃lɛmá.Í gbãa ì ń pãpãzɛa,aaì tàlaatalaabo ń ãnabikɛ guu,yã́ ì yamá ń yã́gↄ̃gↄ̃a guu.⁸Pisi dà ń táabũnuↄla,gue fòona vĩo ń gbãsĩo.⁹Aaì o ma yã́ musu:A ye dↄ̃a kɛwɛ̃ɛ yã̀?Àlɛ wɛɛlɛ ãnabikɛ dadawɛ̃ɛ yã̀?Nɛ́ dɛ̀ɛũnaↄn wá ũa?¹⁰Asa ì mɛ:Sá, sà, sá sà,ká, kà, ká, kà,la yↄↄ, le yↄↄ.¹¹A yã́i tò Dii a yã'o gbɛ̃́piↄnɛń buipãle yã́ pↄ́ aalɛ maoo.¹²Asa a ònɛ́ yãa:Kã́mabokĩi kɛ! Ĩampakĩi kɛ!À to gbɛ̃́ pↄ́ kpàsaↄ kã́mabo!Kási aai swã́sɛ aà yã́io.¹³Ɔ̃ Dii yã́ dɛnɛ́:Sá, sà, sá, sà,ká, kà, ká, kà,la yↄↄ, le yↄↄ,kɛ́ aa bↄlɛlɛ kpaanla, aai wíwi,bai i ń kṹ, wi ↄdiɛmá.¹⁴A yã́i tò à Dii yãma,á gbɛ̃́laanikɛna pↄ́ álɛ kible gbɛ̃́piↄwa Yelusalɛũↄ.¹⁵A mɛ̀ a kↄ̃ yãmà ń gao,a lɛdoũkɛ̀ ń bɛdao.A mɛ̀ lↄ, tó músi lìgua,àlɛ pãála, a á leo,asa ɛɛ mɛ́ á ulɛkĩi ũ,mↄafili mɛ́ á mikpakĩi ũ.¹⁶A yã́i tò ma Dii Zĩgↄ̃de ma mɛ̀:Gwa! Málɛ gbɛ gbãa dilɛ Siↄna,kpɛ́ gbɛ̀ bɛɛɛde mide pↄ́ wa ɛ̃ kpálɛò ũ.Wí a gbɛ̃́ pↄ́ lɛ́ aà náaikɛ kũo.¹⁷Yã́zɛde mɛ́ aↄ dɛ kpɛ́pi yↄ̃ba ũ,mɛ́ maakɛa aↄ dɛ a gĩsusugwabↄ ũ.Lougbɛ a ɛɛ pↄ́ dɛ á ulɛkĩi ũpi gbɛ̃,í a da á mikpakĩia.¹⁸Á kↄ̃ yãmaa ń gao a midɛ,á lɛdoũkɛa ń bɛdao a gboo.Tó músi lìgua, àlɛ pãála,a ↄ̃zↄ̃wáɛ.¹⁹Tó à mↄ̀, ali á sɛ́lɛ táánↄɛ,aↄ pãála lá gu lɛ́ dↄ fãanɛ ń gwãasĩnao.Gili a gɛ̃ gbɛ̃́ pↄ́ yã́pi zɛ́ dↄ̃u.²⁰Wúlɛbↄ kɛ geseũ, a ń pooo,zwãa kɛ̀ teeeũ, a kúńlao.²¹Dii a fɛlɛ ń a zĩo,lá a kɛ̀ Pelaziũ gbɛ̀sĩsĩ saɛwa,a bↄ ń a dabudabu zĩo,lá a kɛ̀ Gabaↄ̃ↄ guzulɛuwa.²²Ásu àↄ dɛ gbɛ̃́laanikɛnaↄ ũo,kɛ́ ba pↄ́ wa dↄ̀wá su nao yã́i.Asa má mà Dii Lua Zĩgↄ̃de mɛ̀a zɛ ń á bùsu kaalɛao píiɛ.

²³À swã́kpa ma yã́ ma,à laaidↄ yã́ pↄ́ málɛ oɛ́wa.²⁴Zↄ̃ɛ ìↄ kpase kɛ̃ gↄↄpii yã̀?Ìↄ gubi àↄ sapa zɛsai yã̀?²⁵Tó à tↄↄlɛ dàaĩ,ì dosiona ba,ì ɛfↄ kɛɛlɛ,ì mase tↄ̃́ dↄ̀ↄdↄↄ,ì naa ba a bakĩi,ì gbɛ́'a pɛ́ kↄↄ lɛ́zĩ.²⁶Aà Lua ì dↄaaɛ̀,ì aà da zĩpi zɛ́wa súsu.²⁷Ìli dosiona gbɛ̃ ń ɛ̃́ngooo,ìli ɛfↄ wɛ́ suumpa ń zugo gbáoo.Ì dosiona wɛbↄ ń gongbãanaoɛ,ì ɛfↄ wɛ́ suumpa ń ↄoɛ busɛbusɛ.²⁸Ì pↄ́wɛna lↄ́ɛ, ìliↄ gbɛ̃ gↄↄpiio.Baa tó à táa'òwà ń zugo gbáo,ìli a tí bↄo.²⁹Yã́pi bↄ̀ Dii Lua Zĩgↄ̃de kĩ́iɛ lↄ,aà lɛdama ì bↄ ń saɛ,aà ↄ̃nↄ zↄ̃ↄ.

Isaia 28 / bqc_sim

Waiyookɛa Ɛflaiũ buiↄ ń Yelusalɛũdeↄnɛ

Isaia28bqc_sim