Teŋkunɑɑ tɑɑ tʋm sɔsɔ kpisuɣu
1Kʋyɑkʋ ŋkʋɣʋ Tɑcɑɑ Ɩsɔ kɑ́ kpɑɣɑ ɩ lɑɣɑtɛ kpɩɩsǝŋ nyǝntɛ. Tǝ kɛ́ sɔsɔɔlɛ kɛ́ nɑ tǝ wɛnɑ toŋ, nɑ ɩ́ yoonɑ tʋm sɔsɔ wei ɩ kootɑ kootiɣi kootiɣi nɑ ɩ́ fɛɩ kpɑʋ tɔ. Ɩ kɑ́ yoonɑ Lefiyɑtɑŋ. Tʋm selu Lefiyɑtɑŋ wei ɩ kootɑ kootiɣi kootiɣi tɔ. Ɩ kɑ́ kʋ tɔɣɔlʋɣʋ ŋku kʋ cɑkɩ teŋku tɑɑ tɔ.Tɑcɑɑ nɑ ɩ lɛsɛŋ tʋɣʋ pɑ tɔm
2Kʋyɑkʋ ŋkʋɣʋ pɑɑ tɔ sɩ:Ɩ́ yoo yontu kɛ lɛsɛŋ tɩɩŋ wei ɩ wɛnɑ pee kʋpɑnɑ tɔ.3Tɑcɑɑ Ɩsɔ mɑɣɑlɛ tɩɩŋ ɩnɩ ɩ tɑŋlʋ.Mɑ pǝlǝɣɩ-ɩ lʋm kɛ pɑɑ wɑɑtʋ wei.Ahoo nɑ ilim kɛ mɑ tɑŋǝɣɩ-ɩ.Pǝ́ tɑɑ kɔɔ nɑ nɔɣɔlʋ sʋʋ.4Mɑ pɑ́ɑ́nɑ́ hɛɛwɑ.Amɑ ye mɑ mɑɣɑnɑ pǝ tɑɑ kɛ́ sɔwɑ nɑ kɔlɔŋ,mɑɑ yoonɑ-yɛɣɛ nɑ mɑ́ nyɑɣɑsɩ ɑ tǝnɑɣɑ kɔkɔ.5Amɑ ye pɑ nyǝnɑ-m kpʋlʋɣʋ tǝtʋlɛ,nɑ pɑ́ yele nɑ mɑ́ nɑ-wɛ tǝ́ ciiki nɑ tǝ́ wɛɛ leleŋ pǝ pɑɑsi.Ɩsɔ kɑ wii Ɩsɛɣɛlɩ nyǝ́mɑ nɑ pɑ ɩcɑtɛ kʋlɔlɔlɛ
6Kʋyɛɛŋ wei ɩ kɔŋ tɔ ɩ tɑɑ,Ɩsɛɣɛlɩ nyǝ́mɑ kɑ́ kɑ lilɑ.Yɑkɔpʋ nyǝ́mɑ mɛ ɩ́ kɑ́ nɛɣɛtɩnɑ ɩ́ tʋ hɛtʋ.Ɩ́ kɑ́ suuli ɑntulinyɑ tǝnɑɣɑ mǝ kʋlʋlʋm.7Tɑcɑɑ n mɑpɑ Ɩsɛɣɛlɩ nyǝ́mɑ ɩsɩɩn mɑpʋ mpɑ pɑ mɑkɑɣɑ mpɛ tɔ?N kʋ-wɛ ɩsɩɩ n kʋkɑɣɑ mpɑ pɑ kʋ mpɛ tɔ?8Aɑɩ yoo, ɑmɑ ń kɛɛsɑ teu kɛ́ nɑ ń tɑɣɑnɩ pɑ hʋʋnɑʋ,nɑ ń yele nɑ kolontunɑɑ kuu-wɛ.Nyɑ́ heelim tɛɛnɑ-wɛ ɩsɩɩ ilim tǝlɩɩlɛ heelim kʋyɑkʋ.9Sɑlǝkɑ ɩnɩ ɩ kɑ́ hɩɩsǝnɑ Yɑkɔpʋ nyǝ́mɑ ɩsɑɣɑtʋ.Mpi pɑ suulu hʋlʋɣʋ kɑ́ lʋlɩ tɔɣɔlɛ.Tɑcɑɑ kɑ́ yɔkɩ tǝlɑɑlɛnɑɑ pɛɛ, nɑ ɑ pǝsɩ mʋsʋɣʋ.Ɩsɩɩ pɑ́ yɔkʋɣʋ tɛtʋ kʋhʋlʋmtʋ pɛɛ tɔ.Tʋɣʋ Aselɑ tesikɑsɩ nɑ pɛɛ kʋsikee kɑɑ tɑsɑ sǝŋʋɣʋ.10Koluŋɑ ɩcɑtɛ wɛ kpɛtɛ.Pɑ lɔwɑ lonte ntɛɣɛ.Pɑ yelɑ-tɛ ɩsɩɩ wʋlɑɣɑ tɛtʋ.Nɑwee kɑ́ tɔkɩ nyɩɩtʋ kɛ tǝnɑ nɑ ɑ́ hɛɛsǝɣɩ.A kɑ kuɣuli tiikɑsɩ piliŋɑsɩ.11Wɑɑtʋ wei piliŋɑsɩ wʋlǝɣɩ ɩlɛnɑ pɑ pɛlɩ-sɩ,nɑ ɑlɑɑ nɑ́ɑ́ kpɑɣɑ nɑ pɑ́ tʋ kɔkɔ.Mpi tɔ, pɑ kɛ yǝlɑɑ mpɑ pɑ fɛɩnɑ lɑɣɑtʋ tɔɣɔ.Wei ɩ lɑpɑ-wɛ tɔ ɩ kɑɑ hʋlɩ-wɛɣɛ suulu.Kolontunɑɑ kɑ kuuwɑ mpɑ tɔ pɑ mǝlʋɣʋ sɔsɔɔm
12Kʋyɑkʋ ŋkʋɣʋ Tɑcɑɑ kɑ nyɑmsɩ tɩɩŋ,kɛ pǝ kpɑɣɑʋ Ɩfǝlɑtɩ pɔɣɔ,nɑ pǝ́ polo Icipiti lɔɔʋ tɔ.Ɩ kɑ́ nyɑmsɩ tɩɩŋ ɩlɛnɑpɑ́ tɔɔsɩ Ɩsɛɣɛlɩ nyǝ́mɑ-mɛɣɛkʋlʋm kʋlʋm.13Kʋyɑkʋ ŋkʋɣʋ pɑɑ hʋlɩ ɑkɑntǝlɛ sɔsɔɔlɛ.Yǝlɑɑ mpɑ pɑɑ lepɑ Asilii tɛtʋ tɑɑ tɔ pɑɑ kɔɔ.Nɑ mpɑ pɑɑ yɑwɑ Icipiti tɛtʋ tɑɑ tɔ pɑɑ kɔɔ.Pɑɑ hǝntɩ Tɑcɑɑ kɛ ɑtɛ kɛ pulɑɣɑnɑŋŋ nyǝŋkɑ tɔɔ kɛ́ Yosɑlɛm.