Read ዒሲያሴ ማፃኣፖ 26

ዒሲያሴ ማፃኣፖ26mdy_twf

ባሺሢ ዓይኑሞ

¹ዬኖ ዎዶና ዪሁዳ ዓጮይዳ ሃካፓ ዴማ ዓኣ ዓይኑማ ዓይናዺንታንዳኔ፦ኑኡኮ ዶዲ ካታማ ዓኣኔ፤ኬኤሌ ዲሢና ዋርዲያና ማዒ ኑ ፆኦዛሢ ኑና ካፓኔ።²ጉሙርቂሢና ዶዴ፥ ፂሎ ማዔ ዴራ ጌላንዳጉዲካታሜሎኮ ካሮ ቡሊ ሃሹዋቴ።³ናንጊና ናንጋ ጎዳሢዮ! ጉሙርቂ ኔ ጊዳ ጌኤቂንቴ ዓሶምኩሙሢ ኮሹሞ ዒንጊ ኔ ዔያቶ ካፓኔ።⁴ናንጊና ናንጋ ጎዳ ጉሙርቂ ናንጉዋቴ፤ዒዚ ኑኡኮ ናንጊና ዶዶ ላላሢኬ።⁵ዒዚ ዖቶርቃ ዓሶ ዻውሲሳኔ፤ዼግ ዼጊ ጌዔ ካታሜሎዋ ሻሃኔ፤ሳዖ ሲላሎይዳ ዔኪ ዒ ኬኤራኔ።⁶ሄርቂንቲ ናንጌ ዓሳ ዒዞይዴና ሃንታንዳኔ፤ማንቆ ዓሳኣ ፔ ቶኮና ዒዞ ሄርቃንዳኔ።⁷ፂሎ ዓሶኮ ጎይፃ ፒዜኬ፤ኔኤኒ ፒዜ ማዔሢዮ! ፂሎ ዓሶኮ ጎይፆ ኔ ፒዚሳኔ።⁸ፆኦሲዮ ዎጎ ኔኤኮ ኑ ካፒ ካፒ ሃጊ ማዓ ዎዛ ኔጊዳ ኑ ጌሣኔ፤ኑኡኮ ዒና ማላሢ ኔኤኮ ሱንፃ ኬስኪ ቦንቺንታንዳጉዲኬ።⁹ኔኤኒ ሳዖይዳ ፒዜ ዎጎ ዎጋኣናዓጮ ዴራ ጎኑሞ ዔራንዳኔ፤ታኣኮ ሼምፓሢ ዋኣንቶና ኔና ጶቂሣኔ፤ታኣኮ ጋሮ ዓያና ኔና ኮዓኔ።¹⁰ፑርቶ ዓሳ ኔ ዔያቶም ኮሺ ባኣዚ ማዼቴታዖኮሺ ማዺሢ ዔያታ ዔሪ ዔሩዋሴ፤ሃያ ፂሉማ ኩሜ ሳዖይዳ ዓኣዖታዖፑርቱሞ ማዺሢዳፓ ጊንሢም ጎዑዋሴ፤ሃሣ ኔኤኮ ዼኤፑሞዋ ዔያታ ማሉዋሴ።¹¹ናንጊና ናንጋ ጎዳሢዮ፥ ኔ ዔያቶ ጳርቃኒ ዔቂሴ ኩጮኔና ዒፃ ዓሳ ዴንቂባኣሴ፤ኔኤኮ ዴሮ ኔ ናሽካ ናሹሞ ዛጊ ዔያታ ቦርሲንቶንጎ፤ኔ ሞርኮም ጊኢጊንቴ ታማ ዔያቶ ሙዖንጎ።

¹²ናንጊና ናንጋ ጎዳሢዮ፥ ኑኡም ኔኤኒ ኮሹሞ ሚርጊሼኔ፤ኑኡኮ ማዾ ቢያ ማዺ ኑኡም ኩንሤሢ ኔናኬ።¹³ናንጊና ናንጋ ጎዳ ማዔ ኑ ፆኦዛሢዮ!ኔኤፓ ሜሌ ሚርጌ ጎዳታ ኑና ዎይሤኔ፤ጋዓንቴ ኑኡኒ ኔ ሱንፆ ሌሊ ቦንቻኔ።¹⁴ያታ ቢያ ሃይቄኔ፥ ላምዓንሦ ሼምፔና ዔያታ ናንጊንዱዋሴ፤ኔኤኒ ሜቶ ዔያቶይዳ ዓጌም ጋፒ ዔያታ ባይቄኔ፤ላሚ ዔያታ ሼምፔና ዓኣያ ማዓዓኬ፤ዔያቶ ጶቂሣያ ማዓ ባኣዚ ባኣያ ማዓንዳጉዲ ኔ ባይዜኔ።

¹⁵ናንጊና ናንጋ ጎዳሢዮ! ኑ ዓጮኮ ዛጶቢያ ዛሎና ኔኤኒ ዳልጊሼኔ፤ኑኡኮ ዴሮዋ ኔኤኒ ሚርጊሼኔ፤ዬያይዲፆና ኔኤኒ ቦንቺንታያ ማዔኔ።¹⁶ናንጊና ናንጋ ጎዳሢዮ! ዔያቶኮ ሜታሢ ዎዶና ኔና ዔያታ ኮዔኔ፤ኔ ዔያቶ ጎሬ ዎዶና ሺኢጲሢና ዔያታ ኔ ባንሢ ሺሬኔ።

¹⁷ናንጊና ናንጋ ጎዳሢዮ! ጎጲንዳ ሾይቺ ዑካኣና ማሊ ሜታዻሢጉዲሾይፆ ቆፂፆናኣ ሜታዺ ዒላታሢጉዲኑኡኒ ኔ ቤርታ ዒማጉዲ ማዔኔ።¹⁸ጎጳዼ ላኣሌሎጉዲ ኑ ማዔኔ፥ ሾይሢያ ኑና ዓርቄኔ፤ጋዓንቴ ፔቴታዖ ናይ ኑ ሾዒባኣሴ፤ኑ ሳዖም ዻቂንታ ኑ ዔኪ ዬዒባኣሴ፤ሳዖ ዻካላንዳ ዓሲያ ኑ ኬሲባኣሴ።

¹⁹ኔኤኮ ሃይቄ ዓሳ ሃይባፓ ዔቂ ሼምፔና ናንጋንዳኔ፤ዒንሢ ዱኡፖይዳ ናንጋ ዓሳ፥ ዔቂ ፆኦሲ ቦንቾም ዎዛ ዓይኑሞ ዓይናዹዋቴ!ዖልካ ኔኤኮ ካሪሢ ዖልኬጉዲኬ፤ሳዓ ሃይቄ ዓሶ ሾይ ኬሳንዳኔ።

ፆኦሲ ዎጋ ዎጎንታ ዴሮኮዋ ዲዒንታፓ ማዒፆ

²⁰ታ ዴሬዮቴ፥ ዒንሢኮ ማኣሪ ማኣሪ ጌሊጋፓ ጊንሢና ካሮ ዒንሢ ዑፃ ዎዹዋቴ፤ ፆኦሲኮ ዻጋ ዓኣዻንዳያ ሄላንዳኣና ዻካ ዎዴም ዒንሢና ዓኣቹዋቴ፤²¹ሳዖይዳ ናንጋ ዴሮይዳ ዔያቶኮ ጎሞ ዛሎሮ ሜቶ ዓጋኒ ናንጊና ናንጋ ጎዳ ጫሪንጫ ፔኤኮ ናንጋ ቤዛፓ ፔጋዺ ጴዻንዳኔ፤ ሳዖይዳ ሼምፓሢ ዎዼ ዓሶኮ ማዻ ፔጋዺ ኬስካንዳኔ፤ ሳዔላ ዒኢካ ሃይቄ ዓሶ ዓኣቻዓኬ።

ዒሲያሴ ማፃኣፖ 26 / mdy_twf

ባሺሢ ዓይኑሞ

ፆኦሲ ዎጋ ዎጎንታ ዴሮኮዋ ዲዒንታፓ ማዒፆ

ዒሲያሴ ማፃኣፖ26mdy_twf