ፆኦሲ ቦንቾም ማዓ ጋላታ ዓይኑሞ
1ናንጊና ናንጋ ጎዳ! ኔኤኒ ታ ፆኦዛሢኬ፤ታኣኒ ኔና ዼግ ዼጊዳኔ፤ኔኤኮ ሱንፆ ታኣኒ ጋላታኔ፤ኔኤኒ ኮሺ ዲቃሣ ዓኪ ማዾ ማዼኔ፤ሚናኣፓ ዓርቃዖ ኔኤኒ ማሌ ባኮ ቢያሃይማ ፓጬኔ ጌይሱዋ ጉሙርሳ ጎይሢና ኔ ማዼኔ።2ካታማ ሻሂንቲ ጉሪ ማዓንዳጉዲ ኔ ማሄኔ፤ዔያቶኮ ዋሪዲዮ ቤዞዋ ኔኤኒ ሻሄኔ፤ኑኡኮ ሞርካ ማዤ ካኣቱሞ ማኣራ ባዓ ማዒ ዓቴኔ፤ማይ ናንጊና ላሚ ጊንሣ ማዢንታዓኬ።3ዼኤፖ ካኣቶ ዴራ ኔና ቦንቻንዳኔ፤ሄርቂ ዎይሣ ካኣቶ ካታሞይዳ ናንጋዞንሢ ቢያ ኔና ዒጊጫንዳኔ።4ማንቆ ዓሶና ሜታዼዞንሢናምዔያቶኮ ሜታሢ ዎዶና ፑኒ ቶሎ ቤሲ ኔ ማዔኔ፤ዓልጋሢ ዢባራ ዔኪ ዓኣዹዋጉዲ ቃዛ ጎንጃዓቦ ሩኡጶሮ ዴማ ዴዖ ሺቢ ኔኤኒ ዔያቶም ማዔኔ፤ሄርቂ ዎይሣ ዓሶኮ ጎሪንታ ባርጊ ዒርዚ ዢኢፓ ኮጬ ሂዓሢጉዴያኬ።5ዔያታ ዖጎሢ ቤሲዳ ዓኣ ዑሱሚጉዲኬ፤ኔኤኒ ጋዓንቴ ፃንጎ ዓሶኮ ሄርሺንቶ ዚቲዳኔ፤ዓቢ ዖይዺ ሻኣሬ ሺቤም ሺማሢጉዲፑርቶ ዓሶኮ ኮፃ ያዺ ዚቲ ጋዓንዳኔ።ፆኦሲ ጊኢጊሻ ዼኤፒ ሙኡዚ
6ቢያ ባኮ ዎይሣ ጎዳ ሃኖ ፂዮኔ ዹኮይዳ ዓጮ ዴሮም ቢያ ዼኤፒ ሙኡዚ ጊኢጊሻንዳኔ፤ ዬያ ሙዖ ቤዛ ዶኦሪንቴ ዎይኔ ዑሺንታ ፓጫ ባኣዚ ባኣ ሙኡዚ ጊኢጊሻንዳኔ።7ሃኖ ዹኬሎይዳ ዴሮ ቢያ ጎኦቦ ዓፒላጉዲ ካንቄ ዖዪፆ ዒ ሺኢሻንዳኔ።8ናንጊና ናንጋ ጎዳ ሃይቢኮ ዎልቆ ናንጊና ባይዛንዳኔ! ዓሶ ቢያኮ ዓኣፓፓ ዓቢፆ ዑጫንዳኔ፤ ዒዛኮ ዒጊና ዓጮ ቢያይዳ ዻውሲንቴ ዻውሲንቶ ዒዚ ሺኢሻንዳኔ፤ ናንጊና ናንጋ ጎዳ ሃያ ኬኤዜኔ።9ዬይ ማዺንቲ ኩማ ዎዶና ዒዛኮ ዴራ ቢያ፦ «ሃይሾ ዒዚ ኑኡኮ ፆኦዛሢኬ፤ ዒዛ ኑ ጉሙርቄሢሮ ዒዚ ኑና ዓውሴኔ፤ ዒዚ ናንጊና ናንጋ ጎዳኬ፥ ኑ ዒዛ ጉሙርቄኔ፤ ዒዚ ኑና ዓውሴሢሮ ኑኡኒ ዎዛዾም!» ጋዓንዳኔ።ፆኦሲ ሞዓኣቤ ዓጮይዳ ሜቶ ዓጋንዳሢ
10ናንጊና ናንጋ ጎዳኮ ዎልቃ ፂዮኔ ዹኮ ካፓንዳኔ፤ ሞዓኣቤ ዴራ ፑቃ ቶርጶና ዎላ ሄርቂንታሢጉዲ ሄርቂንታንዳኔ።11ፁቦ ፁባ ዓሲ ኩጮ ፔኤኮ ዋኣሊንሣሢጉዲ ፆኦሲ ዔያቶኮ ዖቶርሙሞሮ ዔያቶ ዻውሲሳንዳሢሮ ኩጫ ዔያቶሲ ዶጪ ላባንዳኔ።12ሞዓኣቤ ዓጮኮ ዋርዲያ ዼኤፖ ሹጮ ኬልቂ ዲርቆናሢና ዎላ ሻሂንታንዳኔ፤ ዬይ ሜቂ ሜቂ ሳዖ ሲላሎይዳ ኬዳንዳኔ።