IZAI25gub_wbt

Zegar haw Tupàn imuwete haw

1O Tupàn Tuweharupi Wiko Ma'e, ereiko hezar romo.Urumuwete katu ihe. Amume'u putar nerer ikatu haw nehe,ta'e erezapo ikatuahy ma'e tetea'u ne xe.Erezapo tuwe ma'e neremimume'u kwer rupi katete ne.Kwehe mehe eremume'u neremiapo ràm purupe. Erezapo a'e ma'e iko tuweharupi neze'eg awer rupi katete.2Erezuhazuhaw ureàmàtyry'ymar waneko haw tawhu ne wà.Ereityk tawhu pàrirogawaiha hereko har wà no.Eremumaw wanàpuzuhu wà.Teko nuzapo wi pixik kwaw a'e tàpuzuhu wà nehe kury.3A'e rupi teko ikàg ma'e umume'u putar nekatu haw wà nehe.Tawhu teko ikatu 'ym ma'e iapo har waneko haw pe har ukyze putar newi wà nehe.4Ta'e ereiko hemetarer 'ym ma'e wanehe uzekaiw ma'e romo ne xe.Ereiko ma'e hereko 'ymar wapyro har romo no.Ereiko ywytuàiw wi teko wazeàmimaw ài no.Kwarahy haku mehe ereiko ma'e i'àgaw teko wamimaw ài no.Awa ipuruzukaiw ma'e wakwahy hawnuzawy kwaw ywytuaiw àmàkymehe har.5Nuzawy kwaw haku haw ywyxiguhu rehe har.Eremupytu'u kar amo ae ywy rehe har waànoànog ire ne wà, ureàmàtyry'ym mehe ne wà.Ywàkun umuakuir ywy a'e, 'ar haku mehe a'e, nezewegatete awa amo ae ywy rehe har ipuruzukaiwahy ma'e ihapukaz wer wàmàtyry'ymar waneityk mehe.Eremupytu'u kar wanehapukaz re ne wà.

Tupàn uzapo putar mai'u hawhu ywy nànànar wanupe

6Xiàw ywytyr rehe Tupàn Tuweharupi Wiko Ma'e uzapo putar mai'u hawhu ywy nànànar wanupe nehe. Werur putar temi'u ikatu wera'u ma'e a'e pe nehe. Werur putar win ikatu wera'u ma'e a'e pe nehe no.7Teko ywy nànànar wazemumikahy haw a'e, wazai'o haw a'e, nuzawy kwaw ywàkun wanupe. Tupàn Tuweharupi Wiko Ma'e wenuhem putar wazemumikahy haw wanuwi nehe.8Tupàn Tuweharupi Wiko Ma'e umumaw putar tuwe màno haw nehe. Nezewe mehe teko numàno kwaw wà nehe. Umuxinig putar teko paw wanehay kwer nehe, uzemumikahy ma'e wamurywete kar pà nehe. Umukàzym kar putar wemiaihu wamaranugar haw nehe. Tupàn Tuweharupi Wiko Ma'e umume'u ko ze'eg kwez kury.9A'e 'ar mehe teko paw uze'eg putar nezewe wà nehe. — Zanezar romo hekon a'e. Zazeruzar hehe. Zanepyro a'e. Wiko Tupàn Tuweharupi Wiko Ma'e romo. Zazeruzar hehe. Zazegar nehe. Zanerurywete nehe, ta'e zanepyro a'e xe.

Tupàn uzepyk putar Moaw wanehe

10Tupàn Tuweharupi Wiko Ma'e uzekaiw katu putar Xiàw ywytyr rehe a'e nehe.Teko upyropyrog ka'axinig ma'ea'yr hepuxi kwer inuromo hapy pyràm iapo pà wà.Nezewegatete zauxiapekwer upyropyrog putar Moaw waiwy rehe wà nehe.11Moaw upyho putar opo u'ytaw pàuzeagaw ma'e ài wà nehe.Nezewe rehe we Moaw wiko wera'u ma'ewiko putar ikàg 'ym ma'e Tupàn henataromo wà nehe.12Weityk putar pàrirogaw tawhu iwyr har iaiha ma'e tàtà ma'e wà nehe.Umumaw putar ikaika pà nehe.
expand_more
Search