1Ya tsyelika, Yave ke sala ti ntoto kukuma mutindu yinsi ya kuyuma, yandi ke mwangisa yawu,yandi ke mwangisa kizizi ya ntoto, yandi ke mwangisa bantu ya ntoto.2Ya ke vwandila mutindu mosi samu na nganga-Nzambi mpe bantu ya yandi,samu na mfumu mpe kisadi ya yandi,samu na mfumu ya kento mpe kisadi ya yandi ya kento,samu na muntu yina ke salaka mumbungu mpe muntu yina ke sumbaka,samu na kidefisi mpe muntu yina ke defaka,3Ntoto nyonso me mwangana, ba me baka bima nyonso na ngolo.Ni Yave me tuba yawu.4Ntoto me kota kifwidi, yawu me lemba,yinza me mwangana, yawu kele dyaka ve na ngolo.Bantu ya mfunu ya ntoto mpe ke na kuzimbana.5Ntoto me safuka na bayina ke zingaka kuna,samu ti ba me sadila ve na misiku,Bawu me tumama ve na bansalulu ya misiku,bawu me zenga ngwisani ya bantangu nyonso.6Ni yawu yina nsingulu me kudya ntoto,mpe bantu ke tala mpasi samu na mavanga ya bawu ya yimbi,ni yawu yina bawu me nyenga na tiya,bawu me bikana kaka mwa ndambu.7Vinu ya malu-malu me kota na kifwidi,bilanga ya bayinti ya vinu me yuma.Bayina nyonso vwandaka na kyese na ntima, bawu ke na kuyawula.8Kilengi ya bangoma me manisa,makelele ya kyese ke dyaka ve,nsayi ya muningu ya nsambi me manisa.9Ba ke na kunwa dyaka ve vinu na kuyimba nyonso,malafu ya ngolo me kuma ndudi na yinwa ya bayina ke kunwaka yawu.10Mbanza yina vwandaka dyaka ve na bantu me mwangana.Bayinzo nyonso me kangama,ba ke na kukota dyaka ve.11Ba ke na kwendaka yawula na banzila,samu ti vinu me kondwa,Kilengi nyonso me zimbana,nsayi nyonso me basika na yinsi.12Kaka ni mwangusulu me bikana na mbanza,mpe mwelo yina ba mwangisaka ke na kufusa.13Ya tsyelika, na ntoto nyonso, ya me bikana kaka mwa bantu ndambu,mutindu bambuma ya olive yina ke bikanaka na manima ya kuyonzika bambuma,mutindu bambuma ya vinu yina ke bikanaka na manima ya kuyonzika bambuma.
Kilengi ya yimbi
14Bayina bikanaka moyo ke na kusala milolo ya nsayi,na wesete ba ke na kuyangalala samu na bunene ya Yave.15Beno pesa masiika na Yave na bisika yina nsemo ke na kulezima,na kati ya bisanga mpe na mubu,beno siika Nkumbu ya Yave Nzambi ya Isayeli!16Tii na bandilu ya ntoto, beto ke na kuwa mikunga yayi:«Nkembo na muntu ya kudedama!»Kasi munu, mu ke na kutuba ti mu me zimbana!Kyadi na munu!Bantu ya yimbi ke tekaka bampangi,Kyadi mingi!Bantu ya yimbi ke bikaka ve na kuyekula bampangi.17Nsisi, dibulu mpe mutambuke kuzwa beno, beno yina ke zingaka na ntoto!18Muntu yina ke kima makelele ya boma,yandi ke kubwa na dibulu,muntu yina ke basika na dibulu,yandi ke bakama na mutambu,samu ti banela ya dizulu me funguka,balufulu ya ntoto me tekita.19Ntoto ke na kupasuka,ntoto ke na kusala banzila,ntoto ke na kuningana.20Ntoto ke na kuningana mutindu muntu me kola malafu,yawu me mwangana mutindu yinzo,samu na dema ya yimbi ya bantu ya yawu,yawu me kubwa, yawu ke telama dyaka ve.
Bandukulu ya kintinu ya Nzambi
21Na kilumbu yina, katuka kuna na dizulu, Yave ke semba binwani ya mazulu, na ntoto, yandi ke semba bantinu ya ntoto.22Ba ke kutikisa bawu mutindu bankole na kati ya boloko, ba ke kanga bawu na kati ya kisika ya kutungama na bibaka ya lukengolo, mpe na manima ya bilumbu, bawu ke futa yimbi ya bawu.23Ngonda ke lezima dyaka ve,ntangu ke tala nsoni.Samu ti Yave Mfumu ya Binwani kele ntinukuna na Siyone mpe na Yelusalemi,nkembo ya yandi ke vwanda na mantwala ya bakalaka ya yandi.