Kwiepa ke'aixɨa mɨtiyɨni
1Neuxei, Yawé kwiepa puwaka'una meta puwarakumaweriya,puwa'uximatɨa yunaime, meta mana kiekatari puwataweweiya.2Yaxeikɨata mepɨte'anuyekɨnemawari wewiwame meta teɨteri,'uki ti'aitame meta ti'uximayatame,'ukaratsi ti'aitame meta 'ukaratsi ti'uximayatame,tituayame meta tinaweme,tumini tiyuniniɨtɨwame meta yuniɨrɨweme,mɨrapiniyarie meta mɨrapine.3Kwie naitɨ kanakumaweriyarieni,yuheyemekɨ mekanakumaweriyarieni,Yawé mɨpaɨ mutayɨkɨ.4Kwie kaniwakini kaniyɨnani,'iteɨrite kaniyɨyɨnani meta kanitakukuweni,kwiepa memɨmamariwawekai mekaniweraranini.5Kwie puyutsewixima,mana kiekatari memiketsinakɨ,yamemɨkatekakɨkɨ 'inɨari niukiyaritsie,'inɨari niukiyari memɨkahanu'enikɨ,'aitsikate memeutitsanaxɨakɨ,tɨratu yuheyemekɨ mumieme mekaneutitsanaxɨani.6'Ayumieme kwie 'axa'itɨrietɨ kanitaxɨximeni,mana kiekatari wahetsie mɨrahɨiwakɨ.'Ayumieme tai kaniwaxɨtsitɨaka,yayupaɨmetɨ xeikɨa mekaniyuhayewatɨweni.7Winu mɨhekwa kaniukawani, meta kaxie kaniutayɨnare,naitɨ 'iyarite muyutemamawiekai meripaitɨ kaniyuhiwerietɨkani.8Tepu 'utiyuatɨri katiniuhayewa,temawierika 'ixɨarariyariri kaniukumawere,'aripa hayuatɨ katiniutahayewa.9Kwikamete me'utikwitɨ winuri mepɨka'ie,tarɨwekarixi wahetsiemieme winu patsiwiri.10Kiekari muyuxamurie 'unitɨ kaniyuhayewa,naitɨ kitenie pɨtiukaname.11Tsuari puxuawe kaye'utɨma winu mumawekɨ,naitɨ temawierika pukumawerixɨ,naitɨ temawierika kaniukumaweriyarieni.12Kiekari naitɨ kani'u'unini,'itupariyari 'etsiyeyeutɨ kaneutimaneni.13Mɨpaɨ kwie hixɨapa katiniyɨmɨkɨnuiwarite wahetsie,kepauka huriwu takariyari mɨka'inɨiwatsie karima kuweiwatɨ hepaɨ,kepauka muyuhayewaxɨ mutiwawiwa hepaɨmatɨari mɨka'inɨiwatsie 'anuyeyayu.14Muyuhayewaxɨ paniuka meta kanahiwani temawierikakɨ,tau makayuyuipiketsie pahiwa Yawé mɨmariwe hahɨawetɨ.15'Ayumieme, tau manatineikatsie, Yawé 'aixɨa xeketenekuxatani,Yawé kemɨtitewa, 'Ixaheri Kakaɨyarieya,haramara tetsita mɨtiuyehanetsie mɨpaɨ xekenaitɨkani.16Kwie manu'axetsie paitɨ kwikarieya tekani'enieka:«'Aixɨa mɨtiuka'iyari 'aixɨa ketikuxaxatsiwani».Ne matsi mɨpaɨ nepaine: «Ne xɨa'ui.Kukuinari nehetsie pɨye'a».Kemɨ'ane memɨteyukananaima mepɨteyukananaima,'axamemɨte'u'iyari yamekateniyurieka kememɨteyurienikɨ.17Marika, mɨki teukiya meta winiyarimepɨxe'aye'unie, kwiepa xemɨtama.18Kemɨ'ane muyuta'una mɨkɨ hiwari makatɨputsu 'emeukatewata kaneukawemɨkɨ,kemɨ'ane meukatewata muwatiyaniwiniyaritsie kaniyɨhɨamɨkɨ,katineuyepiekari muyuawitsie kitenie 'etsimayeyeutsie neniereme,meta kwie tsutɨmeyari kaniwatayuaneniri.19Kwie kaniutaxɨkeni, pɨkayuwiyamɨkɨ,kwie pukatsinetɨyeika, pukatarike,kwie putayuane yemekɨ waɨkawa putayuane.20Kwie pɨkitsariene tawekame hepaɨ,kɨyexi kiiyari hepaɨ kaniwatayuaneni.Waɨkawa pahete hetsiena 'axamɨti'ane mɨrexeiyakɨ,kanatiwemɨkɨ tawarita mɨka'anukukenikɨ.21'Iya tukaritsie Yawé katiniwakwinitɨamɨkɨmuyuawitsie tɨrɨkariya memexeiyameta kwiepa te'aitamete.22Xeime putsuta mekaneukaxɨriyakuni,pɨretsutsixi wahepaɨ katsariyanata memaye'u,'arike mɨixa tukari 'anukayayu mekatenikwinitɨariekuni.23Metseri kaniyɨrimɨkɨtau kaniyutitewiyamɨkɨ,'ana Tsiyuni hɨriyaritsie,Kerutsareme hetsie,Yawé Naimekɨmɨtɨrɨkaɨye katinita'aitamɨkɨ,mana miemete 'ukirawetsixi mepixeiyani mariweme.