Yerusalaames Odetida Tinbite
1“Qoncetha Zangaara” geetetiya bessaba Goday odida qaala. Hintena ubbaa aybi un7ethin pooqe keetha bolla keydetii?2Neno waasoy, dirgoyinne wocami kumida katamaw, ne giddon hayqida asati mashshan woyko olan hayqibookona.3Hinte halaqati ubbay issife baqatidosona; enti dongey bayna coo di7etidosona. Enti haakidi baqatikoka betida ubbay oyketidosona.4Hessa gisho, “Tana aggaagite; ta asaas misha yeeho afuxada yeekana; ta asaa dhayuwas tana minthethopite” yaagas.5Goday, Ubbaafe Wolqaama Xoossay Qoncetha Zangaaran dagama, yedhetethinne un7a gallas oothis; qassi gimbeti woddiya gallasinne deretako maaddees waassiya gallas oothis.6Elaami ba para gaaretaranne para asatara ba dongiya oykidi yis; Qiira wotaadareti banta gondalleta giigisidosona.7Hinte lo77o zangaarati para gaaretan kumidosona; para asati Yerusalaame pengiya sinthan eqidosona.8I Yihuda miixata qaaris. He gallas Wora Keethan de7iya kawa olaa miisheta be7ideta.9Dawita Katama giddon laaletha dooriya be7ideta; garsa baggan de7iya ollan haathe kunthideta.10Yerusalaamen de7iya keethata taybideta; dirsaa zaaridi gimbanaw keethata laallideta.11Kase gal7a zeeruwan de7iya haatha zaaridi, nam7u gimbetape gidduwan olla giigisideta. Shin hinte hessa medhida Xoossaa akeekibeketa; woyko daro wodepe sinthe hessa halchidaysa hassaybeketa.12He gallas Goday, Ubbaafe Wolqaama Xoossay, hintena yeehosinne zelelsas, huuphe buluusanawunne kayo ma7o ma7anaw xeegis.13Shin hinte hessa aggidi ufaytetanne yexeeta; boorunne dorse shukeeta; ashuwa meeta; woyne uyeeta. Nuuni “Wonto hayqanaw de7iya gisho, hachi maananne uyana” yaageeta.14Ubbaafe Wolqaama Goday haysa taw qoncisis; “Hinte hayqana gakanaw ha nagaray hintew atto geetetenna. Taani Goday, Ubbaafe Wolqaama Xoossay haysa odayis” yaagis.15Goday, Ubbaafe Wolqaama Xoossay, “Bada kawo gadhon shuumetida Saminasako haysada yaaga;16Neeni haysan ay oothay? Neeni haysan, zaalla woocada duufo giigisana mela, dhoqa bessan new duufo bookana melanne zaalla woocada new shempo bessi oothana mela oona oychadii?17Neno mino addiyaw, nena Goday minthidi oykana; cuucummidi wora holana.18Kooseda nena yuushshidi dalga biittan holana. Neno ne godaa keethaas yeella gidida addiyaw neeni yan hayqana; ne boncho para gaareti yan attana.19Taani nena ne oosuwape kessana; ne shuumatethaafe shaarana.20He gallas taani Kalqe na7aa, ta aylliya Eliyaqeeme xeegana.21Taani ne ma7uwa iya mayzana; ne dancuwa iya dancisana; ne shuumatetha iyaw immana. I, Yerusalaameninne Yihudan de7iya asaas aawa gidana.22Taani Dawita keethaa qulpiya iyaw immana; I dooyin oonika gordenna; I gordin oonika dooyenna.23Taani iya ammanthiya bessan dhisheda tolana; I ba aawa keethas boncho araata gidana.24Qandafe oto gakanaw de7iya soo miisheta, kocan kaqeysada, iya aawa keethaa bonchuwa, naytanne, nayta nayta ubbaa iya bolla kaqana” yaagis.25Ubbaafe Wolqaama Goday haysada yaagees: “He gallas ammanthiya bessan dhishida toley kichana; qanxettananne kundana. Iya bolla kaqetida tooho ubbay duuxidi wodhana” yaagees. Goday haysa odis.