Read ዒሲያሴ ማፃኣፖ 2

ዒሲያሴ ማፃኣፖ2mdy_twf

ናንጊና ናንጋ ኮሹሞ

¹ዓሞፄ ናኣዚ ዒሲያሴ ዪሁዳ ዓጮና ዬሩሳላሜ ካታሞ ዛሎ ኬኤዜ ሃይሳ ያዺኬ፦²ዎዶኮ ጋፒንፃ ሄላዛናንጊና ናንጋ ጎዳኮ ጌኤዦ ማኣራ ማዢንቴ ዹካሃንጎ ዹኮይዳፓ ቢያ ባሺ ጴዻንዳኔ፤ጌሜሮይዳፓ ቢያ ኮሺ ዼጊ ጋዓንዳኔ፤ዴሬ ቢያ ዬያ ባንሢ ጎዓንዳኔ።³ዬያሮ ሚርጌ ዴራ፦«ዎጌ ፂዮኔይዳፓ፥ ፆኦሲ ቃኣላ ዬሩሳላሜይዳፓ ጴዻንዳሢሮሃኒ ሙኩዋቴ፥ ናንጊና ናንጋ ጎዳ ዹኮ ኑ ኬስኮም፤ያይቆኦቤ ፆኦዛሢ ጌኤዦ ማኣሪ ኑ ዓኣዾም፤ዒዚ ፔ ማሊፆ ኑ ማዻንዳጉዲ ኑና ዔርዛንዳኔ፤ኑኡኒያ ዒዛ ጎይፆና ዓኣዻንዳኔ» ጋዓንዳኔ።

⁴ዒዚ ሚርጌ ዴሮ ባኣካ ዎጊሢና ዎሊፓ ዱማሳ ባኮ ባይዛንዳኔ፤ዬያሮ ጬንቾ ዓፓሮ ዔያታ ማራሻ፥ ዎርፆ ሃሣ ባኣቺ ማሂ ዔያታ ዹይሳንዳኔ፤ፔቴ ካኣታ ባጋሢ ዑፃ ዖልዚ ዔቂሳዓኬ፤ ዬካፓ ዖልዚ ዛላ ዔራኒ ኮዓያ ባኣያ ማዓንዳኔ።⁵ዒንሢ ያይቆኦቤ ናኣታ!ሃኒ ሙኩዋቴ! ፆኦሲ ፖዓ ኑ ሃንቶም!

ፆኦሲ ኬሊ

⁶ፆኦዛሢዮ! ያይቆኦቤ ዜርፆ ማዔ ኔ ዴሮ ቴርፄይዲ ኔ ሃሼኔ፤ ዬያ ኔ ማዼሢ ሳዔላ ዓባ ኬስካ ባንፆ ዓጮ ዓሶ ዦዋቶና ፒሊስፄኤሜ ዓሶ ማርሾና ኩሜሢሮ፥ ሃሣ ኔ ዴራ ሜሌ ዴሮና ዎላ ፔቴ ማዔሢሮኬ።⁷ሳዓ ዔያቶኮ ቢራና ዎርቄና ኩሜሢሮ፥ ቆላ ዔያቶኮ ኮሺ ሚርጌኔ፤ ዓጫ ዔያቶኮ ፓራ ኩሜኔ፥ ዔያቶኮ ሳርጌሌ ዖይታኣ ፓይዲንቱዋያኬ።⁸ዬያ ሌሊቱዋንቴ ሳዓ ዔያቶኮ ሜሌ ፆኦዞና ኩሜኔ፤ ዔያታ ፔ ኩጮና ማዤ ባኮም ዔያታ ዚጋኔ።⁹ዬያፓ ዔቄያና ዔያቶ ቢያሢዳ ቦርሲንቲና ዻውሲንቲ ሄላንዳኔ፤ ናንጊና ናንጋ ጎዳሢዮ! ዻቢንቶ ዔያቶም ዓቶም ጌይፖ!¹⁰ናንጊና ናንጋ ጎዳኮ ጎሪንቶና ዒዛኮ ዒጊቻ ዼኤፑማፓኣ ቶላኒ ላሎ ቆኦፖና ሳዖ ዔቶናይዳ ዓኣሺንቱዋቴ!¹¹ዖቶርቃ ዓሳ ቦርሲንታንዳኔ፤ ሄርሺንታ ዓሳኣ ዻውሲንታንዳኔ፤ ዬኖ ኬሎና ናንጊና ናንጋ ጎዳ ሌሊ ቦንቾና ዼጊ ዼጊ ጋዓንዳኔ።¹²ቢያ ባኮ ዎይሣ ጎዳ ዖቶርቃ ዓሶና ሄርሺንታ ዓሳ ዻውሲንታንዳ ኬሊ ሜንሤኔ።¹³ዒዚ ዼኤፖ ዼኤፖ ሊባኖኦሴ ሚፆና ባኣሳኔ ዓጮኮ ሻኣቦ ባይዛንዳኔ።¹⁴ዼኤፖ ዼኤፖ ዹኮና ጌሜሮ ጌሜሮ ሂርኪዲ ቦኦሊ ማሃንዳኔ።¹⁵ካታሞኮ ኬልቂ ኮሾና ዲፆንታ ዋርዲዮ ቤዞዋ ቢያ ሂርኪዳንዳኔ፤¹⁶ሚርጌና ሚዛጲሶና ሜሆንታ ቴርሴሴ ዓጮ ዋኣፆ ካኣሚሎዋ ዒ ዔኤዺሳንዳኔ፤¹⁷ዓሶኮ ዖቶሩሙማ ባይቃንዳኔ፤ ሄርሺንቲ ሆኦሊንቲፃኣ ዔያቶኮ ጋፓንዳኔ፤ ሜሌ ፆኦዛኣ ቢያ ባይቃንዳኔ፤ ዬኖ ዎዶና ናንጊና ናንጋ ጎዳ ሌሊ ቦንቾና ዼጊ ዼጊ ጋዓንዳኔ።¹⁹ናንጊና ናንጋ ጎዳ ሳዖ ዓጊሣኒ ሙካ ዎዶና ዒዛኮ ጎሪንቶና ዒጊቻ ዼኤፑማፓ ቶላኒ ላሎ ቆኦፖና ሳዖ ዔቶናይዳ ዓኣሺንታኒ ዔያታ ማላንዳኔ።²⁰ዓሳ ዬያቶም ዚጋንዳጉዲ ፔ ኩጮና ሚዛጲሲ ኮሾና ቢሮና ዎርቆ ማላቶ ዖኦቻሢና ፓቃቶናም ኬኤሪ ዔያታ ዓኣዻንዳኔ።²¹ናንጊና ናንጋ ጎዳ ሳዖ ዓጊሣኒ ሙካ ዎዶና ዒዛኮ ጎሪንቶና ዒጊቻ ዼኤፑማፓ ዓኣሺንቲ ቶላኒ ላሎ ቆኦፖና ሳዖ ዔቶናይዳ ዔያታ ዓኣሺንታንዳኔ።²²ዓካሪ ሲኢዺና ዑኡሲ ዔካ፥ ሃይቃ ዓሲና ጉሙርቂፃ ዒንሢኮ ዓቶንጎ፤ ዬይ ዓይጎዋ ፓሡዋሴ።

ዒሲያሴ ማፃኣፖ 2 / mdy_twf

ናንጊና ናንጋ ኮሹሞ

ፆኦሲ ኬሊ

ዒሲያሴ ማፃኣፖ2mdy_twf