Ɩtiyopii nyǝ́mɑ wɑkǝlʋɣʋ tɔm
1Hɑɩ, Ɩtiyopii tɛtʋ nyɑ́.Nyɑ́ tɑɑ wɛ kpɩɩlǝŋ keŋ nyǝŋnɑ ɩ́ pɩɩlɑ pusi sɔsɔɔnsɩ tɑɑ.2Nyɑ́ tiliɣinɑ tillɑɑ kɛ teŋku tɔɔ,nɑ pɑ́ cɑkɩ sǝsǝncɑɑsɩ kpɩɩlǝŋ tɑɑ,nɑ pɑ́ tɔŋ lʋm tɔɔ.Tillɑɑ lɔŋlɔŋ nyǝ́mɑ mɛ,ɩ́ polo tookonɑɑ piitim kiŋ.Mpɛ ɩnɩ pɑ tɔnǝŋ tɔɔ fɛɩ hʋntʋ.Yǝlɑɑnɑɑ pooluŋ nyǝ́mɑ nyɑŋnɑ-wɛɣɛ.Pɑ kɛ́ yoolɑɑ piitim kɛ́.Nɔɣɔlʋ ɩɩ nɩɩkɩ pɑ nsǝmlɛ.Pusi fɑɣɑ pɑ tɛtʋ tɑɑ kɛ́.3Antulinyɑ yǝlɑɑ, mǝ tǝnɑ mpɑ mɛ ɩ́ wɛ tɛtʋ tɑɑ tɔ,ɩ́ pɑɑsǝnɑ wɑɑtʋ wei pɑ sikiɣi tuutɑ kɛ pɔɔŋ tɑɑ tɔ.Ɩ́ nɩɩ wɑɑtʋ wei pɑ hʋlǝɣɩ tutuɣu tɔ.4Pǝ tɑɣɑ pʋlʋ, Tɑcɑɑ yɔɣɔtɑɑ sɩ:Mɑ tǝcɑɣɑlɛ kɛ mɑ wɛɛ nɑ mɑ́ nyǝnǝɣɩ tǝpɑmm.Ɩsɩɩ ilim nyɑkʋɣʋ sɔsɔm tɔ pǝ hɑŋɑɣɑ,yɑɑ ɩsɩɩ ɑŋkpǝlɛɛ hɑŋɑɣɑ kɛ kʋmtʋ wɑɑtʋ.5Nɑ pǝ́cɔ́ pǝ́ tɑlɑ kʋmtʋ kɛwɑɑtʋ wei lɛsɛŋ pɩɩwɑ tɔ.Wɑɑtʋ ɩnǝɣɩ lɛsɛŋ hɛtʋ pǝsɑ pee.Pɑ sɛtǝɣɩ piliŋɑsɩ nɑ ɑsɑntɩ kɛ́.Pɑ sɛtǝɣɩ ɑkpɑɑ nɑ hɑtʋ nti tɩɩ wɑɑsǝɣɩ tɔ.6Ḿpʋ́ɣʋ́ pɑɑ lɔ Ɩtiyopii nyǝ́mɑnɑ pǝ́ wɑɑsɩ pɔ́ɔ́ŋtɑɑ yepelekunɑɑ nɑ tɑɑlɛ wontu.Yepelekunɑɑ kɑ́ tɔɣɔ-wɛɣɛ yolumɑ,nɑ tɑɑlɛ wontu kɛ lʋŋlɛ.7Wɑɑtʋ ɩnǝɣɩ piitimnɑɑ toŋ nyǝm mpi pǝ kɛ́ tookonɑɑ, nɑ pǝ tɔnǝŋ tɔɔ fɛɩ hʋntʋ tɔ pɩɩ kɔnɑ Tɑcɑɑ pǝ tǝnɑ pǝ tʋ mɑɣɑ kʋhɑɑŋ kɛ mɑ tǝcɑɣɑlɛ kɛ́ Siyɔŋ pʋɣʋ tɑɑ. Yǝlɑɑ tǝnɑ nyɑŋnɑ piitimnɑɑ mpɛɣɛ, hɑlǝnɑ pooluŋ nyǝ́mɑ. Pusi fɑɣɑ pɑ tɛtʋ kɛ́.