عَننَبِ عٍسَيِ17sus_apb

دَ مَسِ شَ حَشَنكَتّ

1مَسٍنيِ نَن يَ دَ مَسِ شَ قٍ رَ؛دَ مَسِ تَا شُن نَكَنَمَ نّ.2عَرٌوٍرِ تَايٍ رَبّحِنمَ نّ،عٍ قِندِ قِيلِ رَ شُرُ سٍ دّ مَدٌنمَ دّننَشّ.مِشِ يٌ مُ لُمَ نَا نَشَن شُرُ سٍيٍ تْورْ مَ.3عٍقِرَ مِ تَا مَكَنتَشِ شُن نَكَنَمَ نّ.دَ مَسِ مُ قِندِ مَ مَنفَتَا رَ سْنْن.عَرَ مِ مِشِ دْنشْييٍ لُمَ نّ عَلْ عِسِرَيِلَكَيٍ.
4«نَ لْشْي يَشُبَ شَ دَرِيّ شُرُنمَ نّ،عَ قَتٍ شْسِمَ نّ.5عَ لُمَ نّ عَلْ شّي شَبَ تّمُي رٍقَ فُلُنبَ كُي.سَنسِيٍ تِشِ، عٍ شَبَمَيٍ قَ عٍ شَبَ.6بٌفِ كٍرٍن كٍرٍن نَن لُمَ عَ سَنسِ كْن نَ،عَلْ عٌلِوِ بٌفِ كٍرٍن كٍرٍن لُمَ عَ بِلِ كْن نَ كِ نَشّ،قِرِن شَ نَ مُ عَ رَ سَشَن لُ عَ كْن نَ،نَانِ شَ نَ مُ عَ رَ سُولِ تٌ سَلٌنيِ كٍرٍن مَ.»عِسِرَيِلَ مَرِفِ عَلَتَلَ شَ مَسٍنيِ نَن نَ كِ.7نَ لْشْي مِشِيٍ قَمَ نّ دَالِ مَرِفِ تٌدٍ، نَشَن قِندِشِ عِسِرَيِلَ شَ سّنِيّنتْي رَ.8عٍ مُ عٍ يَ رَقِندِ مَ كُيٍيٍ مَ سْنْن، عٍ بّلّشّ نَشٍيٍ يَءِلَنشِ. عٍ مُ سِفَمَ سُرَيِ فَندٍ عٍ شَ وُرِ مَسٌلِشِيٍ يِرٍ، عٍ بّلّشّ سٌلٍ نَشٍيٍ رَقَلَشِ.9نَ لْشْي عٍ شَ تَا سّنبّمَيٍ رَبّحِنمَ نّ، عٍ قِندِ قْتْنيِ رَ فٍيَ قَرِ، عَلْ عَمٌرِ شَ تَايٍ رَبّحِن كِ نَشّ عِسِرَيِلَكَيٍ يَ رَ. عَ بِرِن كَنَمَ نّ.10وٌ بَرَ نّيمُ وٌ رَكِسِمَ عَلَ مَ،نَشَن قِندِشِ وٌ كَنتَمَ رَ.وٌ بَرَ سَنسِ قَنيِ سِ نَشَن كٍلِشِ يِرٍ مَكُيٍ.11وٌ تٌ عٍ سِ، عٍ نَشَ بُلَ وٌ يَ شْرِ نَ كُيٍ عِبَ فّيسّفّ.عٍ نَشَ قُفَ كٍرٍن نَ، كْنْ عَ شَبَ تّمُي وٌ مُ بٌفِ يٌ تٌمَ نَا.وٌ لُمَ تْورّ نَن تُن كُي.
12حَشَنكَتّ شُنفبٍ نَن نَ كِ.حَمَ فبٍفبٍ نَ وُندُقٍ عَلْ بَا مْرْنيِ،عٍ نَ سْنشْي رَتٍقٍ عَلْ سُسُي بٍلٍبٍلٍ.13كْنْ هَلِ عٍ وُندُ،عٍ عٍ فِمَ نّ عَلَتَلَ شَ شَاحّ يَ رَ،عٍ سِفَ يِرٍ مَكُيٍ عَلْ قٌيٍ مَالٍ لَفِ شَنِنمَ كِ نَشّ،عَلْ قٌيٍ سّشّ شَنِنمَ كِ نَشّ فٍيَيٍ قَرِ،عَلْ تُرُننَادّ شُبٍ رَكٍلِمَ كِ نَشّ.14عٍ قَمَ فٍرٍ رَ نُنمَرٍ تّمُي نّ،كْنْ بٍينُن كُيٍ شَ عِبَ، سٍسٍ مُ لُمَ نَا سْنْن.نَشٍيٍ دُ سُمَ وٌن شُن نَ، عٍ قُ وٌن مَ،نٍيٍ شَ قٍ رَبَمَ نَ كِ نّ.نَشٍيٍ بَفَنمَ وٌن مَ، عٍ وٌن مَ نَاقُلِ تٌنفٌ، عٍ شَ قٍ رَحْنمَ نَ كِ نّ.
expand_more
Search