Kitsariyaxi16hch_wb2
1Muxatsi xekenanɨ'airi 'ikɨ kwieyaritsie mɨti'aita hetsɨa,Tseratsie meyekɨneme makumawetsie 'utɨa,meta Tsiyuni niweya hɨriyaritsie paitɨ.2'Ukarawetsixi muhawitsixi,'Axinuni mayekunitsie,wikixi memutamariutsieni hepaɨ mepɨteyuxexeiya,memamatɨ yu'itua memuku'e'eiriwa.3«Ketaneuta'ɨxatsitɨa,yaketineɨyɨhɨawi.Tuka yemekɨ muhekɨakatsie,'a'etɨriya kenetawerani tɨkarikɨ hepaɨ.Memuyuta'unaxɨa keniwaruti'awieta,memuyu'awieta pepɨkawaruku'e'eiriwani.4Muhawitsixi memuyuta'unaxɨa keniwarupitɨa'ahetsie memuyuti'awietakɨ.Keniwakweriwayurieka tiyuka'uname hepaɨtsita».Kepauka kememɨtekwinitɨariekai meutipare,meta kememɨteka'unarienikekaikɨ mana mɨtiu'anitsie,kwiepa mɨtatsi'aye'unie kanikumawerimɨkɨ.5Heitseriemekɨ 'uweni 'apuweni,xewitɨ Rawiri nuiwarieyatɨtɨmana katinita'aitamɨkɨ 'aixɨa 'anemekɨ:'itsɨkame mɨ'ɨtetsa heitserie mɨtikuxatani kanayeimɨkɨmeta 'inaketɨ 'aixɨa mɨtiyurieneni.6Mɨpaɨ tekatenimaika Muhawiyemekɨ kaniyuta'ɨreni,tepɨtemate kemɨtiuyukatawe'erie,kemɨtiuyutamariwekata meta kemɨtiyukananaima,ke'axamɨtiuxaxata kayu'enietɨ.7'Ayumieme meputitsuana Muhawitsixi,mɨkɨ yunaitɨ Muhawi hetsiemieme meputitsuana.Xekeneutitsuanani, xekeneyuhiwerieka,kaxie patsaruyari tsuirayari Kixi-Karetseti miemekɨ.8Hetsiwuni mɨraka'etsitɨretsie katiniutiyɨnare,yaxeikɨata Tsiwima mieme kaxie haraweriyari.Nuiwarite tewa'aitɨwametekaxie 'aixɨa mɨ'anenekai mekaniutiketsini,Katsexi paitɨ mɨye'axekaimeta makumawetsie paitɨ mɨye'akai.Nanarieya 'ateewa pɨta'atɨkateiharamaratsie paitɨ pɨye'akai.9'Ayumieme neputatsuaka, Katsexi kemɨtiutatsuaka hepaɨ,kaxie Tsiwima miemekɨ.Xemeta, Hetsiwuni kiekariyari meta 'Eraré,ne'ukaikɨ nepɨxetihawiya.Temawierika hiwariyari pepeunuitɨa'a'ikwaxi witsitikwakwaxime meta kepemɨtika'inɨwekai hetsiemieme.10Harawerita pumaweri temawierika.Nixewitɨ kaxie harawerita pɨkaheyekwika meta pɨkahahiwa,nixewitɨ kaxie pɨkaketsinane muwatiketsinarɨwatsie,ne hiwari kaxie tsata mieme nekaneutiparitɨani.11'Ayumieme netaɨta neputayɨyɨaka Muhawi hetsiemieme,'aripatsie manutiwɨ hepaɨ puyɨne,naitɨ ne'iyari puyuane Kixi-Karetseti hetsiemieme.12Tsepa muhawi kiekatari kakaɨyarixi memɨte'atimawiyarɨwa memɨteheutahake,tixaɨtɨ mepɨkatekaxeiya matsi xeikɨa mepɨti'uxe,kepauka yutukita memuyunenewiyu,tsepa kememɨyɨa yakɨ xeikɨa mepɨyɨaka.13'Ikɨ Yawé kaniniukieyatɨni meripaitɨ kemutayɨ Muhawi hepaɨtsita mieme.14Hikɨ matsi Yawé mɨpaɨ kanaineni: «Haika wiyari ka'anuyeyeiwekaku, ti'uximayatame kemɨtiu'inɨnɨata hepaɨ ti'inɨaritɨ, 'ana kemɨtimariwe Muhawi meta teɨterimama memɨyumɨire mepɨnanaimarieni, yayupaɨmetɨ xeikɨa mepuyuhayewa meta memɨwerarani mekaniyuhayewakuni».