ሞአበይ ያና
1ሞአበ ቢታባ ጎዳይ ኦድዳ ቃላይ ሀይሳ: ሞአበን ደእያ ኤራ ካታማይነ ቂራ ካታማይ እስ ቃማ ላለትድ ይዶሶና።2ድቦናን ደእያ አሳይ ባንታ ኤቃ ኬን ዬካናዉ ቃ በሲ ከይዶሶና። ሞአበ አሳይ ነቦስነ መደባስ ዬኬስ። ሁጰ ኡባይ ቡሉሰትስ፤ ቡች ኡባይ ሜደትስ።3ኦገ ቦላ ካዮ ማኦ ማኦሶና፤ ፖቀ ቦላነ ዳባባ ኡባን ዬኮሶናነ አፉ ርጮሶና።4ሀሰቦና አሳይነ ኤላላ አሳይ ዋሶሶና፤ ኤንታ ዋሶይ ያሃፃ ጋካናዉ ስኤቴስ። ሄሳ ግሾ፥ ኦላስ ዳንጭዳ ሞአበ ዎታዳረት ባንታ ቃላ ቁ ኦድ ዋስዶሶና፤ ኤንታ ሸምፖይ ኮኮርስ።5ታኒ ሞአበስ ዎዛናፐ ዬካስ፤ እያን ደእያ አሳይ ዞኣረነ ኤግላት-ሸልሻ ካታማ ባቃትስ። ኤንቲ ሉህታ ኦግያን ዬክሸ ቦሶና፤ ባጋት ቃስ ሆሮናይማ ብያ ኦግያን፥ ባንታ ዩዋ ግሾ ዋሶ ጎችዶሶና።6ናምርማ ሃት መልዶሶና፤ ማታይ ምጭስ፤ አጫይ ሹልስ፤ ጭልኦባይ አይብካ ባዋ።7ሄሳ ግሾ፥ ኤንቲ ባንታ ሺሽዳ ሻሉዋነ ምንጃ ቶክ ኤክድ፥ አሀያ ምይ ደእያ ዛንጋራፐ ሄፍን ኤፎሶና።8ሞአበ ሄራ ኡባይ ዋሶ ፃላላ ግድስ፤ ኤንታ ዋሶይ ኤግላማነ ብኤር-ኤልመ ጋካናዉ ስኤቴስ።9ድሞና ሃት ሱ ግድዶሶና፤ ሽን፥ ሀእካ ታኒ ድሞና ካታማ ቦላ ካሰይሳፈ አያ መቶ ኤሀና። ሞአበፐ ከስ ኤክድ ባቃተይሳታ ቦላነ ሄ ቢታን አትዳይሳታ ቦላ ጋሞ የዳዳ ዉርሳና።