Read Isaia 12

Isaia12bqc_sim

Dii sáaukpaa

¹Zĩbeezĩ á o à mɛ:Wa n sáaukɛ̀ Dii!Baa kɛ́ n pↄ pàwázi, n pↄ wèewá,ↄ̃ n wá nↄ̀sɛ nìniwɛ̃ɛ.²Lua mɛ́ wá Suabana ũ,wáↄ aà náai vĩɛ, vĩa a wá kũo.Dii mɛ́ wá gbãa ũ, aà táasi wi lɛ́,ↄ̃mɛ wá suabà.³Á ítↄ ń pↄnao suaba nibↄnaↄi.⁴Zĩbeezĩ á o à mɛ:À Dii sáaukpa à aà sísi,à to buiↄ aà yãkɛaↄ dↄ̃.À onɛ́ Dii mɛ́ tↄbↄ̀ ado.⁵À lɛsi Diiɛ, asa à tidↄ̀ńlaɛ,à to dṹnia gbɛ̃́pii yã́pi dↄ̃.⁶Siↄnadeↄ, à wiilɛ à gulakɛ,Isailiↄ Lua pↄ́ a kua adoa zↄ̃ↄ,mɛ́ a kú á guu.

Isaia 12 / bqc_sim

Dii sáaukpaa

Isaia12bqc_sim