Read ዒሲያሴ ማፃኣፖ 11

ዒሲያሴ ማፃኣፖ11mdy_twf

ኮሺ ማዔ ካኣቶ ዎዴ

¹ሚሢኮ ዱርሚ ቶሻሢና ዴማፓ ካኣፒ ኬሳሢጉዲ፥ ዬያጉዲ ዒሴዬ ዜርፃፓ ፔቴ ካኣቲ ኬስካንዳኔ፤

²ናንጊና ናንጋ ጎዳኮ ዓያና ዒዛ ዑፃ ናንጋንዳኔ፤ዔራቶና ማሊ ጶቂሥሢ ዓያናዞሮና ዎልቄ ዓያናዔራቶና ናንጊና ናንጋ ጎዳ ዒጊጪሢ ዓያናና ዒዛይዳ ሃውሻንዳኔ።³ናንጊና ናንጋ ጎዳ ዒጊቹሞና ዒ ዎዛዻንዳኔ፤ዒዚ ዛጋሢና ሌሊ ዎጊንዱዋሴ፤ዋይዜሢና ሌሊያ ዒ ጌስቲ ዔቂሲንዱዋሴ።⁴ጋዓንቴ ማንቆ ዓሶም ጎኑሞና ዎጋንዳኔ፤ማኣዳያ ባኣዞንሢም ታርዤ ማዒዔያቶ ዛሎ ጌስቲ ዔያቶ ዒ ቦንቺሳንዳኔ፤ዻንጋፓ ኬስካ ኮኦሎና ሳዖ ዒ ጳርቃንዳኔ፤ፔኤኮ ዻንጎ ዑኡዞና ፑርቶ ዓሶ ዒ ዎዻንዳኔ።⁵ዒ ፔኤኮ ዴሮ ዎይሣኒ ኬርና ቱካሢ ጎኑሞኬርና ዒ ማራሢያ ጉሙርቂንቲሢ ማዓንዳኔ።⁶ያኣዮና ማራይና ፔቴይዳ ናንጋንዳኔ፤ማኣካኣ ዋናናኣቶና ሄንቃንዳኔ፤ናኣሪና ሃጊ ዔቃ ዓዴ ዞቢና ዎላ ሄንቃንዳኔ፤ዻካ ናይ ዔያቶ ዒሺ ዒሺ ሃንታንዳኔ።⁷ባይና ዲቤ ጌይንታ ቦዖና ዎላ ኬስካንዳኔ፤ናኣሮና ዞቦ ናኣቶና ዎላ ፔኤቃንዳኔ፤ዞባ ጌማይጉዲ ጎቦ ሙዓንዳኔ።⁸ዻንቃ ናይ ሾኦዦኮ ዔቶ ዓጫ ዓማላንዳኔ፥ዻንሢ ጉኡጴ ናይ ጎፖ ዔቶይዳ ፔ ኩጮ ዳካንዳኔ።⁹ናንጊና ናንጋ ጎዳኮ ዱማዼ ዹኮ ዓይጎ ሜታኣ ሄሊንዱዋሴ፤ባዚ ዋኣሢና ኩማሢጉዲሳዓ ናንጊና ናንጋ ጎዳ ዔራዞንሢና ቦንቻዞንሢና ኩማንዳኔ።

ሼንፔና ዓቴ ዲዒንቴ ዓሶኮ ማዒፆ

¹⁰ዒማና ዒሴዬ ዜርፃሢ ዴሮኮ ማላታ ማዒ ዔቃንዳኔ፤ ዴራ ዒዛ ኮዓንዳኔ፤ ዒ ናንጋ ማኣራ ቦንቺንቴያ ማዓንዳኔ።¹¹ዬኖ ዎዶና ናንጊና ናንጋ ጎዳ ላሚ ጊንሣ ዎልቄ ማዾ ማዻንዳኔ፤ ዬይያ፦ ዓሶኦሬይዳ፥ ጊብፄይዳ፥ ጳፂሮሴ ዓጮይዳ፥ ዒቶጲያይዳ፥ ዔኤላሜይዳ፥ ባብሎኔና ሃማቴናይዳ፤ ዬያጉዲ ሃሣ ባዞ ኮይሎ ዓጮና ዋኣፆ ሳዞናይዳ ናንጋ ፒኢጫዺ ዓቴ ዓሶ ፔ ዓጮ ማሃንዳኔ።¹²ዴሮም ዒ ማላታ ዾቂ ዔቂሳንዳኔ፤ ዒስራዔኤሌኮ ዜርቂንቲ ዴንዴ ዓሶ ማሂ ዔኪ ሙካንዳኔ፤ ዬያጉዲ ዜርቂንቲ ዓኣ ዪሁዳ ዴሮዋ ዓጮኮ ዖይዶ ባንፃፓ ቡኩሳንዳኔ።¹³ዬካፓ ዔፕሬኤሜኮ ጌኖ ማዻ ጋፓንዳኔ፤ ዪሁዳኮ ሞርካኣ ባይቃንዳኔ፤ ዪሁዳኣ ዔፕሬኤሜ ዒፂፆ ሃሻንዳኔ።¹⁴ላምዖንሢ ዎላ ፔቴ ማዒ ዓባ ጌላ ባንፆና ፒሊስፄኤሜ ዓሶይዳ ዔቃንዳኔ። ዓባ ኬስካ ባንፆና ናንጋ ዴሮኮዋ ቆሎ ዔያታ ቡራንዳኔ፤ ሃሣ ዔኤዶሜና ሞዓኣቤ ዴሮ ዔያታ ባሻንዳኔ፤ ዬካፓ ዓሞኦኔ ዴራ ዔያቶም ዓይሢንታያ ማዓንዳኔ።¹⁵ናንጊና ናንጋ ጎዳ ጊብፄ ባዞኮ ሳዖ ዛሪ ጌሌ ዋኣፆ ሚጪሳንዳኔ፤ ዓይጎ ዓሲያ ቶኪና ፒንቃኒ ዳንዳዓንዳንጉዲ ዔፒራፂሴ ዎሮ ዶዲ ዢባሬ ዢባርሺሲ ላንካይ ዻካ ዻካ ዛሬ ማሂ ፓቃንዳኔ።¹⁶ፆኦሲ ዔያቶኮ ቤርታ ዓዶንሢ ጊብፄ ዓጫፓ ኬሴ ዎዶና ማዼ ጎይፆ ሃሢያ ባይሲንታፓ ዓቴ ዒስራዔኤሌ ዴሮ ዓሶኦሬ ዓጫፓ ኬስካንዳ ጎይፆ ዔያቶም ጊኢጊሻንዳኔ።

ዒሲያሴ ማፃኣፖ 11 / mdy_twf

ኮሺ ማዔ ካኣቶ ዎዴ

ሼንፔና ዓቴ ዲዒንቴ ዓሶኮ ማዒፆ

ዒሲያሴ ማፃኣፖ11mdy_twf