IZAI10gub_wbt

1Amo tuwihaw uzapo kar ikatu 'ym ma'e teko wanupe wà. Tupàn uzepyk putar wanehe nehe.Pemunar teko wama'e rehe ta'e peiko wanuwihaw romo pe xe.2Napezekaiw kwaw hemetarer 'ym ma'e wanehe.Napepytywà kwaw ma'e hereko 'ymar pe wà.Pemunar kuzà imen umàno ma'e kwer wama'e rehe. Pemunar tu 'ym ma'e wama'e rehe.3Ma'e pezapo putar zepykaw 'ar mehe nehe.A'e 'ar mehe zauxiapekwer ur putar ywy muite har wi iaiw paw herur pà peme wà nehe.Mo pe penoz putar pepytywà àwàm nehe.Ma'e pe pezumim putar penemetarer nehe, pema'e hekuzar katu ma'e.4Zauxiapekwer peneraha putar wemipyhyk kwer romo wà nehe.Pezuka putar zeàmàtyry'ymawhu pe wà nehe.Nezewe rehe we nahakuir kwaw Tupàn ikwahy haw.Upir wiwi opo penehe uzepyk pà.

Tupàn umuzepyk kar Axir ywy rehe har wanuwihawete Izaew wanehe

5Tupàn Tuweharupi Wiko Ma'e uze'eg nezewe.— Tuwe Axir ywy rehe har wanuwihawete uzemumikahy nehe.Nuzawy kwaw ywyràihàg hepo pe har. Aikwahy heremiaihu wanupe. Anupànupà putar heremiaihu ipupe nehe, ta'e aikwahy wanupe xe.6Azàmàtyry'ym kar amo teko herehe uzeruzar 'ym ma'e a'e tuwihawete pe ihe wà.Aikwahy a'e teko wanupe.— Epyro wama'e paw heraha pà wanuwi nehe, a'e iteko izupe.— Epyropyrog wanehe to'om nahu rupi har ài nehe.7Axir wanuwihawete uputar amo ma'e a'e.A'e ae umume'u wemiapo ràm uzeupe.Ipurupyhyk wer ywy tetea'u wanehe.Ipurumumaw wer ywy nànàn.8Nezewe uze'eg a'e. — Zauxiapekwer wanuwihaw herehe we har paw upuner katu tuwihawete zàwe wà.9Aityk tawhu tetea'u ihe.Na'aw waner xe wà: Kaw, Karakemi, Amat, Arapaz.Apyro Xamari ywy no. Apyro Namaz tawhu no.10Aityk herehe uzeruzar 'ym ma'e wanuwihawete wanemiruze'eg ihe wà.Umuwete katu tupàn a'ua'u tetea'u wà.Tupàn a'ua'u waneta haw uhua'u wera'u Zeruzarez pe har tupàn a'ua'u waneta haw wi, Xamari pe har tupàn a'ua'u waneta haw wi no.11Amumaw Xamari ihe. Amumaw wazar tupàn a'ua'u ihe wà no.Azapo putar nezewe haw Zeruzarez pe nehe no, tupàn a'ua'u a'e pe har wanupe nehe no, i'i Axir wanuwihawete.
12Tupàn Zanezar umumaw putar wemiapo ràm nehe Xiàw ywy rehe Zeruzarez tawhu pe nehe. A'e re uzepyk putar Axir wanuwihawete rehe nehe. Tuwihawete wiko wera'u a'e. Umume'u tuwe upuner haw amo wanupe.13Nezewe uze'eg tuwihawete a'e.— Azapo a'e ma'e paw hekàgaw rupi ihe.Azapo a'e ma'e paw hema'ekwaw katu haw rupi, ta'e akwaw katu tuwe ma'e ihe xe.Amunyryk kar ywyzaw ihe.Apyhyk wanemetarer paw, wama'e hekuzar katu ma'e.Aiko tapi'ak awa ài. Apyrog a'e ywy rehe har wanehe.14Araha ywy nànànar wanemetarer paw ihe.Teko upyhyk ma'erupi'a haity heityk pyrer wi wà. Nazawaiw kwaw heraha haw wanupe. Nezewegatete araha teko wama'e paw ihe no. Ni amo nuzeagaw kwaw hemupytu'u kar pà wà.Nuzawy kwaw wiràmiri upepozaz 'ym ma'e wà.Nuzemuakyr kwaw wà, i'i tuwihawete uzeupe.
15Aipo itazy ikàg wera'uuzar wi a'e ywyra imonohokar wi a'e.Aipo ywyrakixi haw ukixi ywyrauzar ipo pe wiko 'ym mehe.Aipo ywyra upuner awa hupir haw rehe.Nan.16A'e rupi zanezar Tupàn Tuweharupi Wiko Ma'e Ikàg Wera'u Ma'eomono kar putar amo ma'eahy hawzauxiapekwer Axir parer ikàg ma'e wanehe nehe.Upyro putar wakàgaw wanuwi nehe. Omono kar putar haku haw tata zàwenugar wanehe nehe.Ukaz putar wanetekwer wà nehe.17Tupàn Ikatuahy Ma'e a'e, Izaew wanupe tatainy zàwenugar a'e, wiko putar tata romo a'e nehe.Pitài 'ar rehe wapy putar ka'a xu rehe we nehe.Umumaw putar Axir parer zauxiapekwer wà nehe.18Tupàn Tuweharupi Wiko Ma'e umumaw putar tuweka'aete paw nehe.Imumaw pawnuzawy kwaw ma'eahy haw puruzuka ma'e a'e.19Xo màràn ywyra zo numumaw kwaw wà nehe.Te kwarer upuner waneta haw wapapar haw rehe wà.

Amogwer uzewyr putar Tupàn pe wà nehe

20A'e 'ar mehe amo Izaew izuapyapyr wikuwe putar a'e wà rihi. A'e teko nuzeruzar kwaw Axir wanehe wà nehe. Axir wiko Izaew wanupe ma'erahy ipuraraw kar arer romo wà. Uzeruzar putar tuwe Tupàn Tuweharupi Wiko Ma'e Ikatuahy Ma'e rehe wà nehe.21Amogwer Izaew ywy rehe arer uzewyr putar Tupàn Ikàg Ma'e pe wà nehe.22Ko 'ar rehe teko Izaew waneta haw nuzawy kwaw ywyxig yryhu iwyr har heta haw wà. A'e 'ar mehe xo amogwemogwer zo uzewyr putar ywy weko awer pe wà nehe: i'i Tupàn uzeupe. Wanehe izepykaw ur putar 'y ywy imynehem àràm ài nehe.23Ta'e Zanezar Tupàn Tuweharupi Wiko Ma'e Ikàg Wera'u Ma'e umume'u ko ywy imumaw pàwàm a'e xe. A'e rupi umumaw putar nehe.24A'e rupi uze'eg Zanezar Tupàn Ikàg Wera'u Ma'e teko wemiaihu Xiàw rehe har wanupe kury. — Heremiaihu wà, pekyze zo Axir wanuwi nehe. Kwehe mehe Ezit ywy rehe har uzepyk penehe ikatu 'ym ma'e iapo pà peme wà. Nezewegatete Axir uzepyk putar penehe a'e wà nehe no. Uzapo putar ikatu 'ym ma'e peme wà nehe no.25Nan kwehe tete apytu'u putar penehe hezepyk ire nehe. Hekwahy haw rupi amumaw putar Axir ihe wà nehe.26Ihe Tupàn Tuweharupi Wiko Ma'e Ikàg Wera'u Ma'e ihe, azepyk putar Axir wanehe hepurupetekaw pupe nehe. Kwehe mehe azapo nezewe haw Minià izuapyapyr wanupe, itahu Orew her ma'e huwake ihe. Azepyk Ezit rehe kwehe mehe. Azepyk putar Axir wanehe nezewegatete nehe no.27A'e 'ar mehe apupyro putar wapo wi ihe nehe. Axir omono putar ipuhuz katu ma'e pekupe pe nehe. Apyro putar a'e ma'e pekupe wi nehe. Apumupytu'u kar putar wanupe uma'ereko e ma'e romo peneko re nehe. Axir ywy rehe har uzàmàtyry'ym wàPeàmàtyry'ymar ur waiko Himon wi wà.28Upyro Az tawhu kwez wà kury.Ukwaw Migirom tawhu huwake wà.Wezar uma'e Mikimaz tawhu pe wà.29Wahaw ywyàpyznaw ywytyr wamyter pe har wà.Pyhaw upytu'u Zew tawhu pe uker pà wà.Hama tawhu pe har uryryryryz waiko ukyze pà wà kury.Zimea tawhu pe har tuwihawete Xau heko awer pe har uzàwehem kwez weko haw wi wà.30Pehapukaz nehe, Kari tawhu pe har wà.Peinu wanehapukaz mehe nehe, Arai tawhu pe har wà.Pewazar waze'eg wanupe nehe, Anatot tawhu pe har wà.31Mamen tawhu pe har uzàwehem oho waiko wà.Zemi tawhu pe har uzàwehem oho waiko wà no.32Kutàri wàmàtyry'ymar uhem putar No tawhu pe wà nehe kury.A'e pe wiko mehe ima'enukwaw Xiàw ipyro àwàm rehe wà,Zeruzarez tawhu ipyro àwàm rehe wà.
33Teko omonohok ywyra hàkà ywate har wà.Omonohok ywyra iaiha ma'e wà no.Nezewegatete Zanezar Tupàn Tuweharupi Wiko Ma'e Ikàg Wera'u Ma'e weityk putar Axir ywy rehe arer wiko wera'u ma'e a'e wà nehe.Upyro putar wakàgaw wanuwi nehe.34Omonohok putar ywyra ka'a pe har itazy pupe nehe.A'e ywyra u'ar putar wà nehe, ywyra ipuràg ma'e Irimano ywy rehe har wa'ar haw ài wà nehe.
expand_more
Search