1आमोस के बेटा यसायाह के दरसन, जऊन ला ओह यहूदा अऊ यरूसलेम के बारे म उजियाह, योताम, आहाज, अऊ हिजकियाह नांव यहूदा के राजामन के सासन के दौरान देखिस।
एक बिदरोही जाति
2हे स्वरग, तें मोर बात ला सुन! अऊ हे धरती सुन!काबरकि यहोवा ह कहे हवय:“मेंह लइकामन ला पालेंव-पोसेंव अऊ ओमन ला बढ़ांय,पर ओमन मोर ले बिदरोह करिन।3बईला ह तो अपन मालिक ला,अऊ गदहा ह अपन मालिक के कोटना ला चिन्हथे,पर इसरायल ह मोला नइं जानय,मोर मनखेमन नइं समझंय।”4हाय लगे ये पापी जाति के मनखेमन ऊपर,जेमन के अपराध ह बहुंत भारी हवय,जेमन कुकरमीमन के पीला अंय,जेमन के लइकामन भ्रस्टाचार करे बर दे दिये जाथें!ओमन यहोवा ला छोंड़ देय हवंय;ओमन इसरायल के पबितर परमेसर के अपमान करे हवंयअऊ ओकर कोति अपन पीठ कर ले हवंय।5तुमन काबर अऊ मार खावव?तुमन काबर बिदरोह करते रहिथव?तुम्हर मुड़ म चोट लगे हवय,अऊ तुम्हर पूरा हिरदय ह दुख ले भरे हवय।6तुम्हर गोड़ के तलवा ले लेके मुड़ के ऊपर तककुछू घलो ठीक नइं ए—सिरिप घाव ही घावअऊ खुला पीरा देवइया फोड़ामन हवंय,जेमन ला न साफ करे गे हवय अऊ न ही पट्टी बांधे गे हवयअऊ न ही जैतून तेल लगाके नरम करे गे हवय।7तुम्हर देस ह उजार परे हवय,तुम्हर नगरमन आगी ले जर गे हवंय;तुम्हर खेतमन ला परदेसीमनतुम्हर देखते-देखत ले लेवत हवंय,ओमन उजार परे हवंय, मानो अजनबीमन ओला नास कर दे हवंय।8बेटी सियोन लाअंगूर के बारी के आसरय सहीं,खीरा-बारी के झोपड़ी सहीं,या घेराबंदी करे गय एक नगर के सहीं छोंड़ दिये गे हवय।9यदि सर्वसक्तिमान यहोवा हहमर बर कुछू बांचेमन ला नइं छोंड़े होतिस,त हमन घलो सदोमअऊ अमोरा सहरमन सहीं पूरा नास हो गे रहितेंन।10हे सदोम के सासन करइयामन,यहोवा के बचन ला सुनव;हे अमोरा के मनखेमन,परमेसर के हुकूम ऊपर धियान देवव!11यहोवा ह कहत हे,“तुम्हर बहुंत अकन बलिदानमनमोर का काम के अंय?मोर करा मेढ़ा अऊ मोटा-ताजा पसुमन के चरबी केजरूरत ले जादा होम-बलिदान हवय;मेंह बछवा अऊ मेढ़ा-पीला अऊ बोकरामन केलहू ले खुस नइं होवंव।12जब तुमन मोर मेर भेंट करे बर आथव,त कोन ह कहिथेकि तुमन मोर अंगना ला गोड़ ले खुंदव?13बेकार के बलिदान लाय बर बंद करव!तुम्हर धूप ले मोला घिन होथे।नवां चंदा, बिसराम दिन अऊ समारोहमन—तुम्हर बेकार के ये सभामन ला मेंह सहन नइं कर सकंव।14तुम्हर नवां चंदा के जेवनार अऊ तुम्हर ठहिराय गय तिहारमन लेमेंह अपन पूरा मन से घिन करथंव।येमन मोर बर एक बोझ बन गे हवंय;मेंह येमन के बोझ उठावत थक गे हंव।15जब तुमन पराथना म अपन हांथ फईलाथव,त मेंह तुम्हर ले अपन आंखी मुंद लेथंव;अऊ तुम्हर कतको पराथना करे ले घलोमेंह तुम्हर नइं सुनंव।“काबरकि तुम्हर हांथमन खून ले भरे हवंय!16“अपनआप ला धोके सुध करव।मोर आंखी के आघू ले अपन दुस्ट काममन ला हटावव;बुरई करई बर छोंड़ दव।17भलई करे बर सीखव; नियाय के खोज म रहव।जेमन ऊपर अतियाचार होथे, ओमन के मदद करव।अनाथमन के नियाय करव;बिधवामन के मुकदमा लड़व।”18यहोवा ह कहत हे,“अब आवव, हमन मामला ला निपटावन;चाहे तुम्हर पापमन बैंगनी रंग के सहीं होवंय,तभो ले ओमन बरफ के सहीं सफेद हो जाहीं;चाहे तुम्हर पापमन गाढ़ा लाल रंग के होवंय,तभो ले ओमन ऊन कस सादा हो जाहीं।19यदि तुम्हर ईछा हवय अऊ मोर हुकूम ला मानव,त तुमन ला देस के बढ़िया-बढ़िया चीज खाय बर मिलही;20पर यदि तुमन नइं मानहू अऊ बिदरोह करहू,त तुमन तलवार ले मारे जाहू।”काबरकि यहोवा के मुहूं ले ये बचन निकले हवय।21देखव, ओ बिसवासयोग्य नगर हकइसे एक बेस्या के सहीं हो गे हवय!एक समय रिहिस कि ओह नियाय ले भरे रिहिस;धरमीपन उहां पाय जावत रिहिस—पर अब उहां हतियारामन रहिथें!22तुम्हर चांदी ह मईला गे हवय,तुम्हर खांटी अंगूर के मंद म पानी मिला दिये गे हवय।23तुम्हर सासन करइयामन बिदरोही अंय,अऊ चोरमन संग मिले हवंय;ओ जम्मो झन ला घूस लेवई बने लगथेअऊ भेंट के लालची अंय।ओमन अनाथमन के नियाय नइं करंय;अऊ ओमन बिधवामन के मामला अपन करा आवन नइं देवंय।24येकर कारन परभू, सर्वसक्तिमान यहोवा,इसरायल के सक्तिसाली परमेसर ह घोसना करत हे:“आह! मेंह अपन बईरीमन ला अपन कोप देखाहूंअऊ अपन बईरीमन ले बदला लूहूं।25में तुम्हर बिरूध अपन हांथ उठाहूं;मेंह तुम्हर जम्मो मईल ला साफ कर दूहूंअऊ तुम्हर जम्मो असुधता ला दूर कर दूहूं।26मेंह पहिली के सहीं अगुवाअऊ सुरूआत के सहीं सासन करइया ठहिराहूं।ओकर बाद तेंह धरमीपन के नगर,बिसवासयोग्य नगर कहाबे।”27सियोन ला नियाय के दुवारा,अऊ ओमा के पछतापी मनखेमन ला धरमीपन ले छोंड़ाय जाही।28पर बिदरोही अऊ पापीमन नास कर दिये जाहीं,अऊ जेमन यहोवा ला तियाग देथें, ओमन नास हो जाहीं।29“जऊन पबितर बलूत रूखमन के कारन तुमन खुस होवत रहेव,ओमन के कारन तुमन लज्जित होहू;अऊ जऊन बारीमन ला तुमन चुने हव,ओमन के कारन तुमन कलंकित होहू।30तुमन ओ बलूत रूख जइसन होहू, जेकर पानमन सूखावत हवंय,अऊ तुमन बिन पानी के एक बारी सहीं हो जाहू।31बलवान मनखे चिनगारी ले जरोइया चीज हो जाहीअऊ ओकर काम ह एक चिनगारी;दूनों एक संग जरहीं,अऊ आगी बुतइया कोनो नइं होहीं।”