HOS8rif_tti

ⵉⵇⴰⵔⵔⴻⴱ-ⴷⴷ ⵍⵃⵓⴽⵎ ⵅ ⵡⴻⵄⴱⴻⴷ ⵏ ⵉⴼⵔⴰⵢⵉⵎ ⵉ ⵍ’ⴰⵚⵏⴰⵎ

1“ⴳⴳⴻⵎ ⵉⵛⵛ ⵏ ⵉⵛⴰⵔⵔⵉ ⵉ ⵓⵙⵓⴹⵉ ⵖⴰⵔ ⵓⵇⴻⵎⵎⵓⵎ ⵏⵏⴻⵛ. ⴰⵎ ⵢⵉⵊⵊ ⵏ ⵓⴳⵉⴷⴻⵔ ⵉⵟⵟⴰⵡ ⵏⴻⵜⵜⴰ ⵙⴻⵏⵏⴻⵊ ⵉ ⵜⴰⴷⴷⴰⵔⵜ ⵏ ⵙⵉⴷⵉ, ⵎⴰⵖⴰⵔ ⵏⵉⵜⵏⵉ ⵄⴻⴷⴷⴰⵏ ⵅ ⵍⵄⴰⵀⴷ ⵉⵏⵓ ⵓ ⵖⴻⵡⵡⵖⴻⵏ ⵅ ⵛⵛⴰⵔⵉⵄⴰ ⵉⵏⵓ.2ⵏⵉⵜⵏⵉ ⴰⴷ ⵅⴰⴼⵉ ⴷⴷ-ⵍⴰⵖⴰⵏ: ‘ⴰⵔⴻⴱⴱⵉ ⵉⵏⵓ, ⵏⴻⵛⵛⵉⵏ, ⵉⵙⵔⴰⵉⵍ, ⴰⵇⴰ ⵏⴻⵙⵙⴻⵏ ⵛⴻⴽ!’3ⵉⵙⵔⴰⵉⵍ ⵉⵏⴹⴰⵔ ⵎⵉⵏ ⵉⵚⴻⴱⵃⴻⵏ, ⵍⴻⵄⴷⵓ ⴰⴷ ⵜ ⵉⴹⴼⴰⵔ.4ⵏⵉⵜⵏⵉ ⴳⴳⵉⵏ ⵅⴰⵙⴻⵏ ⵉⵊⴻⴵⵉⴷⴻⵏ, ⵎⴰⵛⴰ ⵏⵉⵜⵏⵉ ⵡⴰⵔ ⴵⵉⵏ ⵛⴰ ⵣⵣⴰⵢⵉ, ⵏⵉⵜⵏⵉ ⴰⵔⴻⵛⵛⵃⴻⵏ ⵍⵃⵓⴽⴽⴰⵎ, ⵎⴰⵛⴰ ⵏⴻⵛⵛ ⵡⴰⵔ ⵜⵜ ⵙⵙⵉⵏⴻⵖ. ⵏⵉⵜⵏⵉ ⴳⴳⵉⵏ ⵍⴻⵅⵢⴰⵍⴰⵜ ⵏ ⵍ’ⴰⵚⵏⴰⵎ ⵉ ⵢⵉⵅⴻⴼ ⵏⵙⴻⵏ, ⵙ ⵓⵢⴻⵏⵏⵉ ⴰⴷ ⵉⵜⵜⵡⴰⵇⴻⵙⵙ ⵍⴻⵅⵢⴰⵍ ⵏⵏⵉ.5ⴰⵄⴻⵊⵎⵉ ⵏⵏⴻⵛ ⴷ ⵉⵊⵊ ⵏ ⵏⵏⵄⵉ, ⴰ ⵙⴰⵎⴰⵔⵢⴰ! ⴰⵖⴹⴰⴱ ⵉⵏⵓ ⵢⴰⵔⴻⵇⵇ ⵇⵉⴱⴰⵍⵜ ⵏⵙⴻⵏ. ⴰⵍ ⵎⴻⵍⵎⵉ ⵖⴰ ⵇⵇⵉⵎⴻⵏ ⵏⵉⵜⵏⵉ ⵡⴰⵔ ⵣⴻⵎⵎⴰⵔⴻⵏ ⴰⴷ ⴽⵙⵉⵏ ⵜⴰⵣⴷⵓⴳⵉ?6ⵎⴰⵖⴰⵔ ⵉⴼⴼⴻⵖ-ⴷⴷ ⵍⴻⵅⵢⴰⵍ ⵏ ⵚⵚⴰⵏⴰⵎ ⵣⵉ ⵉⵙⵔⴰⵉⵍ, ⴰⵇⴰ ⵉⵊⵊ ⵏ ⴱⵓ-ⵚⵚⴻⵏⵄⴻⵜ ⵉⴳⴳⴰ ⵉ-ⵜ ⵓ ⵡⴰⵏⵉⵜⴰ ⵡⴰⵔ ⵉⴵⵉ ⴷ ⴰⵔⴻⴱⴱⵉ. ⵡⴰⵀ, ⴰⴷ ⵉⴷⵡⴻⵍ ⵍⴻⵅⵢⴰⵍ ⴷ ⵉⵡⴻⵜⵡⵉⵜⴻⵏ, ⴰⵄⴻⵊⵎⵉ ⵏ ⵙⴰⵎⴰⵔⵢⴰ.7ⵎⴰⵖⴰⵔ ⵏⵉⵜⵏⵉ ⵣⴰⵔⵔⵄⴻⵏ ⴰⵙⴻⵎⵎⵉⴹ ⵓ ⵎⴻⵊⵊⴰⵔⴻⵏ ⵜⴰⵃⴰⵔⵢⴰⴹⵜ. ⵡⴰⵔ ⵜⵜⵉⴼⴻⵏ ⵜⵉⴷⵔⵉⵏ ⵖⴰⵔ ⵉⵖⴻⴷⴷⵓⵢⴻⵏ, ⵓ ⵣⴻⴳ ⵉⵎⴻⵏⴷⵉ ⵉⴱⴻⴷⴷⴻⵏ ⵡⴰⵔ ⵣⵣⴰⵢⵙⴻⵏ ⵜⵜⴻⴳⴳⴻⵏ ⵙⵙⵎⵉⴷ, ⵏⵉⵖ ⴰⴷ ⵉⵜⵜⵡⴰⴳⴳ, ⵎⴰⵛⴰ ⴰⴷ ⵜ ⵚⴰⵔⴹⴻⵏ ⵉⴱⴰⵔⵔⴰⵏⵉⵢⵢⴻⵏ.”8“ⴰⵇⴰ ⵉⵙⵔⴰⵉⵍ ⵉⵜⵜⵡⴰⵚⴰⵔⴹ. ⵍⴻⵅⵅⵓ ⴷⴻⵡⵍⴻⵏ ⴰⵎ ⵢⵉⵛⵜ ⵏ ⵍⵇⴻⵛⵄⴻⵜ ⵊⴰⵔ ⵍⴻⴳⵏⵓⵙ, ⵡⴰⵔ ⴷⴷ-ⵜⵓⵙⵉ ⵅ ⵍⵅⴰⴹⴰⵔ ⵉ ⵃⴻⴷ.9ⵎⴰⵖⴰⵔ ⵏⵉⵜⵏⵉ ⴳⴻⵄⵄⴷⴻⵏ ⵖⴰⵔ ⴰⵛⵛⵓⵔ. ⵉⵊⵊ ⵏ ⵡⴻⵖⵢⵓⵍ ⵏ ⵍⴻⵅⵍⴰ ⵉⵜⵜⵖⵉⵎⴰ ⵉ ⵢⵉⵅⴻⴼ ⵏⵏⴻⵙ ⵡⴰⵀⴰ, ⵎⴰⵛⴰ ⵉⵏⵏⵉ ⵏ ⵉⴼⵔⴰⵢⵉⵎ ⵜⵜⵅⴻⴵⴰⵚⴻⵏ ⵉ ⵉⵎⵃⵉⴱⴱⴰⵏ ⵏⵙⴻⵏ.10ⵡⴰⵅⵅⴰ ⵏⵉⵜⵏⵉ ⵣⵣⴻⵏⵣⴻⵏ ⵉⵅⴻⴼ ⵏⵙⴻⵏ ⵉ ⵍⴻⴳⵏⵓⵙ, ⵎⴰⵛⴰ ⴳⴳⵓⵔ ⵍⴻⵅⵅⵓ ⴰⴷ ⵜⴻⵏ ⵢⴰⵔⵡⴻⵖ. ⵏⵉⵜⵏⵉ ⵡⴰⵔ ⵣⴻⵎⵎⴰⵔⴻⵏ ⴰⴷ ⴳⴳⴻⵏ ⵎⵖⵉⵔ ⴷⵔⵓⵙ ⵡⴰⵀⴰ ⵣⵉ ⵙⵙⵉⴱⴱⴻⵜ ⵏ ⵣⵣⴻⵢⵢⴰⵔ ⵏ ⵓⵊⴻⴵⵉⴷ ⵏ ⵍⵃⵓⴽⴽⴰⵎ.11ⵎⴰⵖⴰⵔ ⵉⴼⵔⴰⵢⵉⵎ ⵉⴳⴳⴰ ⵉⵄⴰⵍⵟⴰⵔⴻⵏ ⵏⵏⴻⵙ ⴷ ⴰⵟⵟⴰⵙ, ⵃⵉⵎⴰ ⴰⴷ ⵣⵣⴰⵢⵙⴻⵏ ⵉⴷⴷⴻⵏⴱ. ⴰⵇⴰ ⴷⴻⵡⵍⴻⵏ ⴷ ⵉⵄⴰⵍⵟⴰⵔⴻⵏ ⵏ ⴷⴷⴻⵏⴱ ⵉ ⵏⴻⵜⵜⴰ.12ⵏⴻⵛⵛ ⵓⵔⵉⵖ ⴰⵙ ⴰⵟⵟⴰⵙ ⵏ ⵜⵎⴻⵙⵍⴰⵢⵉⵏ ⵣⵉ ⵛⵛⴰⵔⵉⵄⴰ ⵉⵏⵓ, ⵎⴰⵛⴰ ⵏⵉⵜⵏⵉ ⵃⴻⵙⴱⴻⵏ ⵅⴰⵙⴻⵏⵜ ⴰⵎ ⵛⴰ ⵏ ⵍⵃⴰⵊⵊⴻⵜ ⴷ ⵜⴰⵖⵔⵉⴱⵜ.13ⵣⵉ ⵜⵖⴰⵔⵚⴰ ⵏ ⵚⵚⴷⴰⵇⵉ ⵉⵏⵓ, ⴰⵇⴰ ⵏⵉⵜⵏⵉ ⵡⴻⵀⵀⴱⴻⵏ ⵣⵣⴰⵢⵙⴻⵏⵜ ⴰⵢⵙⵓⵎ ⵓⵛⴰ ⵜⵜᵉⵜⵜⴻⵏ ⵣⵣⴰⵢⴻⵙ, ⵎⴰⵛⴰ ⵙⵉⴷⵉ ⵡⴰⵔ ⵣⵣⴰⵢⵙⴻⵏ ⵢⴰⵔⴻⵟⵟⵉ. ⵍⴻⵅⵅⵓ ⴰⴷ ⵉⵅⴰⵔⵔⴻⵚ ⴷⵉ ⵍⵎⵓⵄⵚⵉⵢⵢⴻⵜ ⵏⵙⴻⵏ ⵓ ⵏⴻⵜⵜⴰ ⴰⴷ ⵉⵅⴻⴵⴻⵚ ⴷⴷⵏⵓⴱ ⵏⵙⴻⵏ. ⴰⴷ ⴷⴷ-ⴷⴻⵡⵍⴻⵏ ⵖⴰⵔ ⵎⵉⵚⵔⴰ.14ⵎⴰⵖⴰⵔ ⵉⵙⵔⴰⵉⵍ ⵉⵜⵜⵓ ⵡⴻⵏⵏⵉ ⵜ ⵉⴳⴳⵉⵏ, ⵉⴱⵏⴰ ⵜⵉⵣⴰⵡⵉⵢⵢⵉⵏ, ⵓⵛⴰ ⵢⴰⵀⵓⴷⴰ ⵉⴽⴻⵜⵜⴰⵔ ⵜⵉⵏⴻⴷⴷⴰⵎ ⵉⴼⴰⵔⵢⴻⵏ, ⵎⴰⵛⴰ ⵏⴻⵛⵛ ⴰⴷ ⵙⵙⴻⴽⴽⴻⵖ ⵉⵛⵜ ⵏ ⵜⵎⴻⵙⵙⵉ ⴷⵉ ⵜⵏⴻⴷⴷⴰⵎ ⵏⵏⴻⵙ, ⴰⴷ ⵜⴻⵛⵛ ⵍⴻⵇⵚⵓⵔ ⵏⵏⴻⵙ.”
expand_more
Search