Read Ozee 8

Ozee8bqc_sim

Yã́kpalɛ zↄ̃lɛa pↄ̀ↄbↄzãkɛnaↄwa

¹Lɛ́pɛ kã̀aewa!Wàlɛ su lɛ́lɛi ma gbɛ̃́ Isailiↄwa lán kúuwa,asa aa ma bàakuańnↄ yã́ gbòo,aa bↄ̀ ma ikoyã kpɛɛ.²Isailiↄ ì lɛzumazi wà mɛ:Wá Lua, wá n dↄ̃!³Lá Isailiↄ gì yãmaai,ibɛɛ a ń gbɛsɛlɛɛ.⁴Aaì kíaↄ kpa ma lɛ́ saiɛ,aaì dↄaanaↄ dilɛ ma dↄ̃a saiɛ.Aaì tã́aↄ pí ńzĩaɛ ń ã́nusuo ń vuao.A yã́i ↄ̃ aa kaalɛi.⁵Ma gi Samalideↄ zugaaei,ma pↄ pàńzi.Kua gbãlɛsai aↄ ń fu e bↄɛ ni?⁶Isaili ↄzĩkɛna mɛ́ gáaepi kɛ̀,Samalideↄ pↄ́piá Lua no,wa wíwi kɛ́lɛkɛlɛɛ.⁷Ĩana aaì tↄ̃́, ↄ̃ ì bↄlɛnɛ́ zàa ũ.Ése i piao, wa e wísilↄo.Baa tó à pìa,buipãleↄ mɛ́ aa mↄ́ ń pↄ́ naaa.⁸Isailiↄ gↄ̃̀ pↄbleaↄ ũ,aa gↄ̃̀ lán pↄ́ pↄ́ wa yeiↄwa buiↄ guu.⁹Asa aa gɛ̀ Asiliↄwa,lán sɛ̃̀a zàa'ĩna pↄ́ ìↄ bɛ adowaɛ.Ɛflaiũ buiↄ ì gbɛ̃na wɛɛlɛ ń pↄ́oɛ.¹⁰Baa kɛ́ aa gbɛ̃nakpà ń buipãleↄ,má ń naaaɛ sa.Kía zↄ̃ↄ mɛ́ a ↄtↄ̃má,aai na laoawa.¹¹Ɛflaiũ buiↄ sa'okĩiↄ kↄ̃̀ duunakɛ̃ama yã́i,ↄ̃ sa'okĩipiↄ gↄ̃̀nɛ́ duunkɛzɛ ũ.¹²Ma yãkɛ̃̀nɛ́ dasi ma ikoyã ũ,ↄ̃ aa dìlɛ yã zĩ̀lo ũ.¹³Aaì ma gbagba, ↄ̃ aaì a nↄ̀ↄ só.Ma Dii ma pↄ namáo,an vãikɛa dↄmagu.Má tó an duuna wi ń musuɛ,aai ɛa ta Egipi.¹⁴Isailiↄ Kɛna yã́ sã̀ńguɛ,ↄ̃ aalɛ ń kibɛↄ kpakpa.Yudaↄ lɛ́ wɛ̃́lɛ bĩ́ideↄ kálɛkalɛ,kási má tɛsↄ̃ wɛ̃́lɛpiↄwaɛ,an kibɛpiↄ i tɛ́kũ.

Ozee 8 / bqc_sim

Yã́kpalɛ zↄ̃lɛa pↄ̀ↄbↄzãkɛnaↄwa

Ozee8bqc_sim