حُوشِيعَا3rif_ati

حُوشِيعَا أَذْ إِسغْ إِشْثْ ن ثمْغَارْثْ إِزنَّانْ

1سِيذِي إِنَّا أَيِي: ”رُوحْ إِشْثْ ن ثْوَاڒَا نّغْنِي، أخْسْ ثَامْغَارْثْ نِّي إِتّْوَاسّْعِيزّنْ زڭْ ؤُمدُّوكّڒْ نّسْ، مَاشَا ثزْنَا، أَمْ مَامّشْ سِيذِي إِتّخْسْ أَيْثْ ن إِسْرَائِيل، مَاشَا نِيثْنِي خزَّارنْ غَارْ إِربِّيثنْ نّغْنِي ؤُ تّخْسنْ صّذْقثْ ن وغْرُومْ س زّْبِيبْ.“2س ؤُينِّي سْغِيغْ ت إِ نشّْ س خمّسْطَاشْ ن ؤُقِييَّاثْ ن نُّوقَارْثْ ؤُ س إِجّْ ن ؤُحُومِيرْ إِفيّْضنْ ن إِمنْذِي.3نشّْ نِّيغْ أَسْ: ”شمْ أَذْ غَارِي ثقِّيمذْ أَطَّاسْ ن وُوسَّانْ. وَارْ تّڭّْ شَا فَارْقْ-شّْغڒْ ؤُ وَارْ تِّيڒِي ن إِجّْ ن ورْيَازْ نّغْنِي، ؤُشَا ؤُڒَا ذ نشّْ أَذْ ڭّغْ أَمنِّي أَكِيذْسمْ.“4مَاغَارْ أَيْثْ ن إِسْرَائِيل أَذْ قِّيمنْ أَطَّاسْ ن وُوسَّانْ بْڒَا أَجدْجِيذْ، بْڒَا ڒْحَاكمْ، بْڒَا ثَاغَارْصْثْ، بْڒَا أَمَايْضُو إِقدّْسنْ، بْڒَا أَپَالْطُو ن ؤُكهَّانْ ذ ڒخْيَاڒَاثْ ن لْ-أَصْنَامْ.5أَوَارْنِي أَسْ أَذْ د-ذوْڒنْ أَيْثْ ن إِسْرَائِيل¸ أَذْ أَرْزُونْ خْ سِيذِي، أَربِّي نْسنْ ؤُ خْ ذَاوُوذْ، أَجدْجِيذْ نْسنْ. ذڭْ ؤُنڭَّارْ ن وُوسَّانْ أَذْ د-أَسنْ تَّارْجِيجِينْ غَارْ سِيذِي ذ ثْشُونِي نّسْ.
expand_more
Search