1“Luonguru oweteu ni ‘Joga,’ kendo luonguru nyimineu ni ‘Joma ahero.’ ”
Jo-Israel okum kendo oduogi
2“Kwer minu, kwere,nikech ok en jaoda,kendo ok an chwore.Onego owe wangʼ maneno mar chodekendo gi yorene mag dwanyruok.3Ka ok kamano to abiro lonye dukmodongʼ kaka ne onywole;anakete ochal kaka lop ongoro,analoke kaka lowo motwo mobaro okak,kendo ananege kod riyo mar pi.4Ok anaher nyithinde,nikech gin nyithindo mane oyud e yor chode.5Min-gi ok osebedo ja-ratirokendo osemako ich gi anjawo.Owacho ni, ‘Abiro luwo bangʼ joherana,mamiya chiemba kod piga,yie rombe gi pamba michweyogo lewni, mo kod math.’6Omiyo anagengʼ yore kod bungu maduongʼ mar kudho;abiro dinone chuth ma ok noyud yo mowuok godo oko.7Enolaw bangʼ jochodenego to ok nomakgi;enomanygi to ok noyudgi.Bangʼe to enowachi niya,Abiro dokne chwora mokwongo,nimar ndalono ne awinjo maber moloyo sani.8Ok osengʼeyo adier ni anema ne amiye cham, divai manyien kod mo,an bende ema ne adhiale gi fedha gi dhahabu mangʼenygomane gitiyo nego Baal.9“Kuom mano abiro kawo chamba ka osechiek,gi divaina manyien ka oseikore.Bende anakaw yie rombona gi pambana mitwangʼo godo lewnimane onego oum-go duge.10Koro abiro nyiso ayanga gombo mare mar chodee lela e nyim joherane;kendo onge ngʼama nogole e lweta.11Nyasi duto ma en-go anakethi:nyasi mar higa ka higa, mar dwe ka dwe,mar Sabato kod nyasi motimo juma ka juma.12Anaketh yiendene mag mzabibu gi yiend ngʼopenemane owacho ni ne chudone moa kuom joherane.Abiro ketogi bunge,kendo le mag bungu nokethgi.”13Jehova Nyasaye wacho niya,“Anakume kuom ndalo dutomane owangʼo ubani ne Baal;korwakore gi gik mabeyo ahinyakolombogo joherane,to an ne wiye owil koda.14“Kuom mano abiro hoye,mi adhi kode e piny motimo ongoro,kendo abiro wuoyo kode gi muolo.15Kanyo abiro dwokone puothe mar mzabibu,Kendo analos holo mar Akor obed dhood geno.Kanyo nowerie mana kaka nower kapod otin,mana ka chiengʼ mane owuok koa Misri.”16Jehova Nyasaye owacho niya,“Odiechiengʼno iniluonga ni ‘chwora,’to ok inichak iluonga ni ‘jatenda.’17Abiro golo nyinge mag Baal oa e dhoge.Nying Baal ok nochak owuo kuomgi kendo.18Chiengʼno anaketnegi singruoke kindgi gi le mag thim gi winy manie kor polo,gi chwech mamol e lowo,atungʼ gi ligangla to abiro turo,kendo lweny bende anatiek e piny,mondo gik moko duto obed gi kwe.19Abiro timo kodi singruok mar kend mondo ibed mara chuth;abiro timo kodi singruok mar kend e yo maler kendo maratiro,gihera kod kech.20Abiro timo kodi singruok mar kend e yo mar adiera,kendo ibiro yie kuom Jehova Nyasaye.”21Jehova Nyasaye wacho niya,“E odiechiengno abiro dwoko kwayou ma boche polo,nochiw koth ne piny,22kendo cham biro nyak e piny,kaachiel gi divai manyien kod mo zeituni,mi giduto ginyag Jezreel.23Abiro pidhe e piny ne an awuon;abiro nyiso herana ni ngʼat mane aluongo ni ‘Ok jaherana.’Anawach ni joma iluongo ni,‘Joma ok joga,’ ni, ‘Un joga’;kendo ginidwoka ni, ‘In Nyasachwa.’ ”