1Yinni Gusunɔ u Osee sɔ̃ɔwɑ u nɛɛ,sɑɑ yɑ sisi yè sɔɔ Isirelibɑ bɑ koo dɑbiɑnɡe nim wɔ̃kun yɑni sɛɛri.Bɑ ǹ kpɛ̃ bu ben ɡeeru ɡɑri.Mi bɑ ku rɑ rɑɑ bu soku nɛn tɔmbu,miyɑ bɑ koo bu soku nɛ Gusunɔ, Yinni wɑson bibu.2Yudɑbɑ kɑ Isirelibɑ bɑ koo mɛnnɑ sɑnnukpɑ bu ɡoo ɡɔsi u n sɑ̃ɑ be kpuron sunɔ.Domi bɑ koo dɑbiɑ bu tɛriɑ tem mɛ kpuro sɔɔ.Yen dɔmɑ te, tɔ̃ɔ bɑkɑrɑ Yisirɛɛliɔ.3Bɛɛ Yudɑbɑ kɑ Isirelibɑ, i sɔ̃ɔnɔ mɑ i sɑ̃ɑwɑ nɛn tɔn be nɑ kĩ.
Isireli u sɑ̃ɑwɑ nɑɑnɛ sɑriruɡii
4Nɛn bibu, i bɛɛn mɛro tɑɑrɛ wɛ̃ɛyɔ,domi u ǹ mɑɑ sɑ̃ɑ nɛn kurɔ,mɛyɑ nɑ ǹ mɑɑ sɑ̃ɑ win durɔ.I nùn sɔ̃ɔwɔ u de u win durɔ dɑmɑ nɔni yi wunɑ,kpɑ u sɑkɑrɑ kookoosu wunɑ win ɡɔ̃run di.5Mɑ n kun mɛ, kon win yɑ̃nu potiri mɑm mɑmkpɑ n nùn yɔ̃su tererunɡe mɛ bɑ kɑ nùn mɑrɑ.Kon de u n sɑ̃ɑ nɡe temmi ɡɑ̃ɑnu ku rɑ kpi,kpɑ n de nim nɔru ɡu nùn ɡo.6Nɑ ǹ mɑɑ bɛɛ win bibun wɔnwɔndu mɔ̀,domi bɛɛn mɛro u sɑ̃ɑwɑ sɑkɑrɑ kowo.7U kurɔ tɑnɑru kɑ sekuru sɑriru dɔrɑ.Domi u nɛɛ, u koo win durɔ tɑnɔbu swĩiwɑkpɑ bu nùn nim kɑ dĩɑnu kɑ tɑm kɑ ɡum kɑ yɑ̃nu wɛ̃ ni u koo doke.8Yen sɔ̃, kon win swɑɑ kɛnɛ kɑ sɑ̃ki,kpɑ n ye dɑ̃ɑ sɛ̃suku kpɑ u kun mɑɑ win swɑɑ ye swĩi.9Bɑɑ ù n dɑɑ yɑrɑ u win durɔ tɑnɔ be nɑɑ ɡirɑ,u ǹ mɑɑ bu nɑɑ turi.Bɑɑ ù n bu kɑsu,u ǹ mɑɑ bu wɑsi.Sɑɑ ye sɔɔrɑ u koo nɛɛ,ǹ n mɛn nɑ, ɑ de n wurɑ nɛn durɔ ɡbiikoon mi,domi nɑ rɑɑ nuku dobu mɔ win mi n kere tɛ̃.10Mɛyɑ u ǹ dɑɑ ɡie mɑ nɛnɑ nɑ nùn dobi kɑ tɑm kpɑm kɑ ɡum wɛ̃ɛmɔ.Mɛyɑ nɑ mɑɑ nùn sii ɡeesu kɑ wurɑ tɑɑsi.Adɑmɑ u kɑ ye bũu wi bɑ mɔ̀ Bɑɑli sɑ̃wɑ.11Yen sɔ̃, kon ɡɔsirɑmɑ n nɛn dobi mwɑ yin ɡɛ̃ɛbun sɑɑ sɔɔ,kɑ tɑm mɛn sɑɑ sɔɔ kɑ sere yɑ̃ɑ ni u sebuɑ u kɑ win tereru wukiri,12kpɑ n nùn sekuru doke win durɔ tɑnɔbun wuswɑɑɔ.Goo sɑri wi u koo nùn wɔrɑ nɛn nɔmɑn di.13Kon win nuku dobu kpuro kpeerɑsiɑkɑ tɔ̃ɔ bɑkɑ ni u rɑ ko suru kɑ surukɑ tɔ̃ɔ wɛ̃rɑruɡiru kɑ sere mɛnnɔ si u rɑ ko sɑ̃ɑrun swɑɑ sɔɔ.14Kon de win resɛm dɑ̃nu kɑ win fiɡiebɑ bu kɑm kobe u nɛɛ, u wɑ durɔ tɑnɔbun min di.Kon de ɡbee ni, nu ko dɑ̃ɑ sɔ̃ɔ,kpɑ ɡbeeku yɛɛ yi dɑ̃ɑ nin mɑrum di.15Kon nùn sɛɛyɑsiɑ yèn sɔ̃ u mɑn deriu bũu wi bɑ mɔ̀ Bɑɑli turɑre dɔ̃ɔ dokeɑmmɛ.Mɑ u win sɑbɑ kɑ win tɑɑminu doke u dɑ u win durɔ tɑnɔbu swĩi.Nɛ, Yinni Gusunɔwɑ nɑ yeni ɡeruɑ.16Adɑmɑ sɑɑ yɑ sisi yè sɔɔ kon nùn kɔkiri n kɑ dɑ ɡbɑburɔkpɑ n kɑ nùn ɡɑri ko kɑ kĩru.17Kon nùn win resɛm ɡbɑɑru wesiɑte tɑ wɑ̃ɑ Akɔɔn wɔwɑɔ.Yĩsi ten tubusiɑnɑ nɔni swɑ̃ɑrun wɔwɑ.Yerɑ yɑ ko n sɑ̃ɑ win yĩiyɔbun tore,kpɑ u womu ko nɡe sɑnɑm mɛ u yɑrimɑ sɑɑ Eɡibitin di win wɔndiɑru.
Yinni Gusunɔ
u koo kɑ win tɔmbu dorɑ
18Yen tɔ̃ɔ te, u koo mɑn soku win durɔ.U ǹ mɑɑ mɑn sokumɔ Bɑɑli win yinni.19Kon de u bũu wi bɑ mɔ̀ Bɑɑlin yĩsiru duɑrikpɑ u kun mɑm kpĩɑ u tu siɑ.20Sɑɑ yerɑ kon kɑ ɡbeeku yɛɛ kɑ ɡunɔsu kɑ sere yɛɛ yi yi rɑ kɑbiri ɑrukɑwɑni bɔkeyi ku kɑ nɛn tɔmbu kɔ̃sɑ ɡɑɑ kuɑ.Kon de tɑbu bu kpe, kpɑ bɑ n wɑ̃ɑ bɔri yɛndu sɔɔ.21Isireli, kon mɑɑ nun ko nɡe nɛn kurɔ sere kɑ bɑɑdommɑɔ,kpɑ n nun ɡem kɑ wɔnwɔndu kɑ durom sɔ̃ɔsi.Bɔrɔkiniru sɔɔrɑ kon kɑ nun ɑrukɑwɑni bɔke.Sɑɑ ye sɔɔrɑ kɑɑ wurɑ mɑ nɛnɑ nɑ sɑ̃ɑ Yinni Gusunɔ.23Nɛ, Yinni Gusunɔwɑ nɑ yeni ɡerumɔ.Sɑɑ ɡɑɑ sisi yè sɔɔ kon wɔllun kɑnɑnu nɔ,kpɑ n tu nim kɛ̃.Wɔllɑ koo tem kɑnɑru nɔ kpɑ tu ɡurɑ nɛɛsiɑ.Kpɑ tem mu dobi kɑ resɛm kɑ olifin kɑnɑru nɔkpɑ ye kpuro yu kpi.Kpɑ yu Yisirɛɛlin bukɑtɑ wunɑnɑ.25Kon de nɛn tɔmbu bu sinɑ tem mɛ kpuro sɔɔkpɑ n bu wɔnwɔndu kuɑbe, be nɑ rɑɑ yinɑ n wɔnwɔndu kuɑ.Kpɑ be, be bɑ ku rɑ rɑɑ soku nɛn tɔmbu,n bu soku nɛn tɔmbu.Kpɑ be, bu mɑɑ mɑn soku ben Yinni.