Read ሆሴኤ ቲንቢቴ 13

ሆሴኤ ቲንቢቴ13gmv_etw

ኢስራኤሌ ቦላ ያና ዉርሴ ፒርዳ።

¹ኤፍሬሜይ ኢስራኤሌ ዴሬዛ ጊዶንቦንቼቲ ዲዛ ጊሻስኢዚ ሃሳይሺን ኣሳይኡባይ ኮኮሬስ።ጊዶ ኣቲን ባኣሌስጎይኒዳ ጊሻስቆሂዴስ፤ ሃይቂዴስ።²ሃኢካ ናጋራ ቦላናጋራ ጉጂዳ፤ባንታ ጪንጫቴን ሚስሌታባስ ጊግሲዳ፤ቢራፔ ኤቃ ጾሳታባንታስ ሜዳ፤ሄይቲ ዉሪካኣሳ ኩሼን ኦሴቲዳይታ፤ሃይታ ሃ ኣሳታ ጊሻስ፥«ኣስ ያርሾ ሂስቲ ሺሼቴስ፤ማራ ሚስሌን ኦሴቲዳ ኤቃጾሳታ ዬሬቴስ» ጌቴቲዴስ።³ሄሳ ጋሶን ኢስቲ ዎንታማላዶ ሻራ ማላጮ ቲምኢ ጋና፤ማላዶ ጻዛ ማላካ ጮዎ ያና፤ዎይኮ ባንጋ ቡኪዛ ባሌፔጎቴ ጫርኮይ ኤፊዛሱላ ማላ ጊዳና፤ዎይኮ ኬፌኬዚዲ ቤቲሼጮ ይዛ ጩዋ ማላ ጊዳና።⁴ጎዳይ፥ «ኔና ጊብጼፔ ኬሲዳይታና ጎዳ ኔ ጾሳ፤ኔስ ታፔ ኣቲንሃራ ጾሲ ዴና፤ኔና ኣሺዳይ ታፔ ኣቲንሃራ ጾስ ጊዴና።⁵ባዞ ቢታን ካኔ ሃ ባይንዳሶንኔና ኢሻልሳ ዎዲስ።⁶ጊዶ ኣቲን ታ ሚዚንኢስቲ ካሊዳ፤ካሊዲ ኦቶሬቲዳ፤ሄሳፌ ጉዬ ታና ባሊዳ።⁷ሄሳ ጊሻስ ታኒ ኢስታ ቦላጋሞ ማላ ያና፤ማሄ ማላ ኦጌ ቦላዛማዳ ኡታና።⁸ኢዚ ማራቲ ቦንቄቲዳ ዛርዶ ማላታ ኢስታ ሾጫናኔፑዜሬና፤ታ ኢስታ ጋሞ ማላፑዜሬ ሚታና፤ዎራ ዶኣ ማላ ዱሴሬና።

⁹«ኢስራኤሌ ዴሬዞ!ኔ ታ ቦላ ዴንዲዳ ጊሻሲኔኔና ማዲዛ ታናራኔ ኤቄቲዳ ጊሻስኔ ያና፤¹⁰ኔ ታና፥ ‹ታስ ካዎኔሃላቃታ ኢማ› ጋዳሳ፤ሂስቲን ሃኢ ኔና ኣሻናካዎይ ኣዋን ዲዜ?ኔ ካታማታን ዲዛሃላቃቲ ኡባይሃኢ ኣዋን ዲዞ?¹¹ታ ሃንቄታሼኢንቴስ ካዎ ኢማዲስ፤ጊዶ ኣቲን ታኒ ቦሻንካኢዛ ሻራዲስ።

¹²«ኤፍሬሜ ቆሆይ ዶሬቲዴስ፤ኢዛ ናጋራይካማዝጋቤን ጻፌቲዴስ።¹³ሚጻይ ኦይኪዳ ማጫሳ ማላኢዛ ቦላ ሜቶይ ያና፤ኢዚ ጊዲኮኣ ኤራቴ ባይንዳኤያ ና፤ዬሌቲዛ ዎዴይ ጋኪንባ ኣዬይ ኡሎፔ ዬሌታናስኮዮንታ ና ማላ።¹⁴ታኒ ኔናዱፎ ዎልቃፌ ኣሻና፤ሃይቆፔካ ዎዛና።ሃይቆ! ኔ ዎዛዎልቃይ ኣዋን ዲዜ?ዱፎዞ! ኔኒ ኣስ ይሲዛ ዎልቃይኣዋን ዲዜ?ታኒ ኢዛስ ቃቲኬ።¹⁵ኢዚ ባ ኢሻታ ጊዶንዱሬ ጊዲኮካጎዳፔ ኪቴቲዳ ጫርኮይኣርሼይ ሞኪዛ ባጋራባዞ ቢታፌ ዴንዲዲ ያና።ፑልቶይ ቶኣና፤ሃ ኦላይካ ሜላና፤ኢዛስ ዲዛ ኣልኦ ኣቆታይሚንጃ ኬፌ ቦንቄታና።¹⁶ሳማሪያ ኣሳይባንታ ጾሳ ቦላማካሊዳ ጊሻስባንታ ቆሆ ቶካና፤ማሻንካ ሲፌታና፤ቄሪ ናይቲ ቢታ ቦላዲንጬታና፤ቃንራ ዲዛ ማጫሳታኡሎይ ዳኬታና» ጌስ።

ሆሴኤ ቲንቢቴ 13 / gmv_etw

ኢስራኤሌ ቦላ ያና ዉርሴ ፒርዳ።

ሆሴኤ ቲንቢቴ13gmv_etw