Read Ozee 12

Ozee12bqc_sim

Isailiↄ duunakɛa

¹Ɛflaiũ buiↄ yãlìamazi,Isailiↄ mↄafilikɛ̀kɛmɛɛ,Yudaↄ lɛ́ pãmɛɛ zɛ́a lↄbaa ma Náaide pↄ́ ma kua adoa.²Ɛflaiũ buiↄ ì ĩ́ana mↄ́mↄ,aaìↄ kpálɛkɛ ĩ́ampuui,sã́sãyã ń yãpãsĩo ì kↄ̃́ ń guu.Aaì kↄ̃ yãma ń Asiliↄ,aaì gɛ́ Egipi ń nísio.³Dii yãvĩ ń Yudaↄ,a Yakↄbu buiↄ dàa wínɛ́ ń musu,i fĩabonɛ́ ń yãkɛawa.⁴Yakↄbu dↄ̀ a vĩ̀i gbatoewa a da nɛasakpɛu.Kɛ́ à zↄ̃ↄkũ̀, à dɛ̃ɛkà ń Luao,⁵à dɛ̃ɛkà ń aà malaikao à dɛ̃ɛnɛ̀,à ↄ́ↄlↄ̀ à sùuugbɛ̀awà.À kpàaũaànↄ Bɛtɛli,ↄ̃ à yã'òaànↄ we.⁶Aà tↄ́n Dii,Dii Lua Zĩgↄ̃deɛ.⁷Ápiↄ sↄ̃, à su á Luawa,àↄ kú ń gbɛ̃kɛo ń yãkɛa a zɛ́wao,á wɛ́ iↄ dↄ á Luazi gↄↄpii.⁸Laatana ìↄ kiloo vãi kũa,gbɛ̃blea mɛ́ ì kɛɛ̀ na.⁹Ɛflaiũ buiↄ mɛ̀: Wa kɛ ↄdeↄ ũ,wa gↄ̃ àizɛɛdeↄ ũ.Wá ↄdapi yã́iwa wá yãvãi ge duuna eo.¹⁰Mámɛmaa Dii á Lua,ma á bↄ́lɛ Egipiɛ.Má tó à ɛa àↄ ku zwã̀akpɛↄ guu lↄɛ,lá i kɛ dikpɛ zĩ́wa.¹¹Ma yãdà ãnabiↄnɛ,mámɛ má tò aa wɛ́punguↄ è dasi,ↄ̃ aa yã'ò gbɛ̃́ↄnɛ ń yáasio.¹²Lá Galadadeↄ zɛ̀ ń tã́a yã́o,aa gↄ̃̀ pã sĩanaɛ.Lá Giligalideↄ ì sa'o ń zuswanao,an sa'okĩiↄ gↄ̃nɛ́ gbɛ̀zɛↄ ũ bugbɛuɛ.¹³Yakↄbu bàalɛ̀ gɛ̀ Sili bùsuu,Isaili zↄblè we nↄwɛɛlɛa yã́ musu,nↄ yã́ musu ↄ̃ à dã́dãkɛ̀.¹⁴Dii tò ãnabi bↄ̀ ń Isailiↄ Egipi,ↄ̃ à ń dã́dãkɛ̀ ãnabipi sabai.¹⁵Ɛflaiũ buiↄ Dii pↄ fɛ̀lɛɛ̀ maamaaɛ.Dii a to an gbɛ̃dɛa yã́ wí ń musuɛ,i fĩabonɛ́ sa pↄ́ aa kàagu yã́i.

Ozee 12 / bqc_sim

Isailiↄ duunakɛa

Ozee12bqc_sim