ጭማ ጫቆ ዎደ ጎይኖ
1ቲና ጫቃይስ ጾስ ጎይኖ ዎጋይኔ ሳአ ዱንካናይ የዛ።2ቲና ዱንካናይ ጊጌዛ። ኤዛይድ ጾምፐ ጋድዝ ኮች፥ ጻርጴዛኔ ያርሾ ቦራ የዛ፤ የ አቃይ ጌሺ ግንትትዛ።3ናምአን ማጋራዣይፕ ጉየ ባጋር የዝ አቃይ ኡባይፕ ኣ ጌሽ አቆ ግንትንትዛ።4ኤ ጋንጨ እጻኔ ጩይሽዝ ዎርቃ ቀንደለኔ ዎርቃር ጎልንቴዝ ቃላ ጫቆ ታቦታይ የዛ። የ ጫቆ ታቦታይድ ማና የዝ ዎርቃ ጻሮ፥ አጬዝ ኣሮና ጉፋይኔ ሙሰ ህገ ጻፍንቴዝ ናምኢ ሎቼ ሹችታይ የዛ።5የ ታቦታይል አፋ ባጋር አቶት ካመ ፋ ቀፋይድ ካምዛ ቦንቾ ክሩቤልታይ የዛ። ዝን Ꮊት የ ኡባ ቆንጭሲ ኦዶዳይስ ዳንዳኦያ።6ያ ኡባይ Ꮊይ ጋርክ ጊጌዛይፕ ጉየ፥ ቄስታይ ኡባ ዎደ ፋ ኦሳ ኦዳይስ ዱንካናይስ ቲና ባጋ ክፍላ ገልዛ።7ዝን ቄሰ ሀላቃይ ኣዳ ዱንካናይስ ናምእን ክፍለ ላይፕ ፐቲ ቶኬ ገልዛ። ኤ የያ ገልታር ፋ ናጋራ ግሾኔ አሳይ ኤረካ ኦዝ ናጋራ ግሾስ ሱ ያርሾ ኤከካ ገሎያ።8ቲና ዱንካናይ ኤቂ የዝን፥ ኡባፕ ጌሽ አቆ ካንግዛ ኦገ ሀጋ ዶይንተካዛ ጌሻ አያናይ የያ ኤርስዛ።9የይ Ꮊ ዎዳይስ ኣዝሶ፤ ጾስስ እንግንትዛ እማኔ ያርሻይ ጎይንዛ አይ ካሃ ጌሾዳይስ ዳንዳኦዛና Ꮊይ ቤዝዛ።10የይትታይ ሙስ ባጋ፥ ኡሽ ባጋ ዱማ ዱማ ሜች ዎግታይ ኦድዝታ። ኡንቲ ኦሮጽዛ ዎደ የኦድ ሄሎዳይስ ኦስንትዛ ባለ ዎግታ ባጋ።11ዝን ክርስቶሳ Ꮊት ኑ ደንጌዝ ሎኦ ባዝታይስ ቄስታይ ሀላቃ ማቂ የኤዛ። ኤ ገሌዝ ዱንካናይ ዳማኔ ፎሎ ማቄዛ። የ ዱንካናይ አስ ኩሸር ኦስንተካዛኔ Ꮊ አላማይፕ መንቴዛኖ።12ክርስቶሳ ኡባፕ ጌሽ አቆ ገልታር ዴሽ ሱኔ ኦጎና ሱ ኤኪ ገለካያ። ዝን መና አቶት እንጎዳይስ ፋ ሱ ኤኪ ላማማይስ ፐቲ ቶኬ ገሌዛ።13ዴሽ ሱኔ ዎፋኖ ሱ፥ ጹግንቴዝ ኡስ ቡዶ፥ ቱኔዝ አሳይል አፋ ርጭንቲ ኡንታን ጌሽዛባዝ ማቅኮ፥14መና አያና ባጋር ቦሮ ባ ያርሾ ኡዲ፥ ጾሳይስ ፋና እንጌዝ ክርስቶሳ ሱ፥ የዛ ደኦ ጾስ ጎይኖዳይ ጋርክ Ꮊይቆ ካልዛ ኦሳይፕ ኑ ካሃ ዋይዚ ኣ ጌሾሳ?15የይ ግሾስ፥ ጼግንቴዝታይ ጾሲ እንጌዝ መና ላታ ኤኮዳይ ጋርክ ክርስቶሳ ኦሮ ጫቃይስ ጋንጨ ገሊ ዳቦዛ ማቄዛ። የይ ሀኔዛይ አሳይ ቲና ጫቃይፕ ኦሞ የዝ ዎደ ኦዝ ናጋራይፕ ኡንታን ዎዞዳይስ ኤ Ꮊይቃይዳ።16ይኬ፥ ኬኬ ዬዝኮ፥ የ ኬኬዝ አይ Ꮊይቅይ ኤርንቶዳይስ ኮሽዛ።17ኬኬዝ አይ Ꮊይቅኮ ኤ ኬካይ ሚንግዛ። ኬኬዝ አይ Ꮊይቀካ አትኮ ኤ ኬካይ ኦያ።18ሀራ አቶዝን፥ ቲና ጫቃይካ ሱ ባይ ምንገካ።19ሙሰ ህገ አዛዝታ ኡባ አሳይስ ኦዴዛይፕ ጉየ ኦጎና ሱኔ ዴሽ ሱ ሃር ዋላኪ፥ ዞቆ ዱር እክሰኔ ህሶጰ ኤኪ፥ ማጻፋይል አፋኔ አሳይል አፋ ዉርጼዛ።20ሙሰ አሳይኮ፥ «ይ ናጎዳይ ጋርክ ጾሲ ኪቴዝ ሱ ጫቃይ Ꮊያ» ዬጌዛ።21የይ ጋርከካ፥ ዱንካናይዳኔ ኦዛ ሚሸ ኡባይል አፋ ሱ ዉርጼዛ።22ቱማካ ህጋይ ግዛይ ጋርክ ጽቃባዝታይፕ አትን ኡባ ባዝ ሱር ጌዥዛ። ሱ ላልንተካዝን ናጋራ ባራንችንቶያ።23ሳሎባዝ ኣዝሶ ማቄዝታይ ኡባይ መሄ ያርሾር ጌዦዳይስ ኮሽዛ። ዝን ሳሎባዝታይ ፋ ኦማስ የይፕ ኣዝ ያርሾር ጌዦዳይስ ኮሽዛ።24ክርስቶሳ ቱማ ጾስ ኬይስ ኣዝሶ ማቄዛ፥ አስ ኩሸር ኦስንቴዝ ኡባፕ ጌሽ አቆ ገለካያ። ዝን ኤ Ꮊት ኑ ግሾስ ጾስ ቲና በንቶዳይስ ሳሎ ገሌዛ።25ቄሰ ሀላቃይ ላይ ላይ ፋ ሱ ባዛ ኤኪ፥ ኡባይፕ ኣዝ ጌሽ አቆ ገልዛይ ጋርክ ክርስቶሳ ጋመ ቶኬ ፋና ያርሾዳይስ ማቂ ማቂ ገለካያ።26የይ ጋርክ ሀኔዝባዝ ማቄዛኮ፥ ክርስቶሳ አላመ መንቴዛይፕ አይኪ ጋመ ቶኬ ዋይንቶዳይስ ኮሽዛ። ዝን Ꮊተ ዎደ ዉርስ ናጋራ ብሶዳይስ ፋና ያርሼዝ ላምሶዋ ኦገር ፐቲ ቶኬ በንቴዛ።27አስ ኡባይስ ፐቲ ቶኬ Ꮊይቆዳይስ የይፕ ጉየ ፕርድንቶዳይስ ቤዝዛ።28የይ ጋርከካ፥ ክርስቶሳ ጋመ አሳይ ናጋራ ብሶዳይስ ፐቲ ቶኬ ያርሽንቴዛ። ማቅካ ኤ ናጋራ ቶኮዳይስ ባዝን ፋና ናግዝታ አሾዳይስ ናምእን ቆንጮዳ።