Jevrejenđe8rmy_gur
O Isus si Baro svešteniko taro Nevo savez
1Em važno kolestar savestar vaćara, si kava: Amen isi gasavo Baro svešteniko savo bešlo ki desno rig taro presto e Bare Devleso ko nebo.2Vov služil ani Svetinja, ano čačukano Šatori savo vazdija o Dol, a na o manuš.3Dži jekh baro svešteniko si čhuto te anol darura thaj žrtven. Golese thaj kava Baro svešteniko trubuja te anol žrtva.4Te si akana kate ki phuv, ne bi šajine te avol svešteniko, golese kaj već si kate kola save palo Zakon anen darura.5Al von služin e Devlese ke gasavo than savo si samo slika thaj senka tare kova so si ko nebo. Golese kana o Mojsije spremisajlo te ćerol o Šatori, o Dol upozorisada le: “Dikh, te ćere sa pale kova so sasa tuće sikado ki gora.”6Al akana o Hrist dobisada gasavi služba savi si považno tare lenđi služba, golese kaj kava savez ane savo si Vov posredniko si pošukar taro purano savez thaj si temeljime ke pošukar obećanjura.7Kana bi avola o angluno savez bizi mana, ne bi trubula te rodol pe dujto.8Golese so, korkoro o Dol arakhlja mana bašo savez pa phenda e narodose:“Akh, avol o đive, vaćarol o Gospod,kana ka pherav o nevo saveze manušencar taro Izraelthaj e manušencar tari Juda.9Gova ni ka avol sar o savezsavo phangljem lenđe paradadencarane gova đive kana lijem len taro vate ikalav len andari Egipatsko phuv.Golese kaj von ni ačhile verna pe mingro savezthaj me irisadem mingro dumo lendar.10Kava si savez savo ka ćerave manušencar taro Izraelpale gola đivesa, vaćarol o Gospod.Mingre zakonura ka čhuvav ane lenđi gođithaj ka pisiv len ane lenđe ile.Me ka avav lengo Dola von ka aven mingro narodo.11Thaj khoni vadži ni ka trubul te sikavolpe forutne ni pe phrale vaćarindoj:‘Pindžar e Gospode,’golese kaj savore ka džanen man,taro cikno dži o embaro maškar lende.12Golese kaj ka oprostiv lengo bilačhipethaj ni ka dav man vadži gođi tare lenđe grehura.”13Kana o Dol vaćarda “nevo”, proglasisada kova angluno kaj phurajlo. Thaj kova so phuravol, naj dur taro hasardipe.