Read Hebrews 5

Hebrews5sch_twf

¹Ochai Inlaltak ngei ngân chu sietnangei sika inbôlna le neinunpêkngei pêk ranga miriemngei ruthûla Pathien sintho ranga a miriem champuingei renga thangin phun an ni.²Ma ngei khom hah lam tamtaka an râtloina sikin, ite rietloi ngei le an sietnangei chunga han an phûk ânuoi thei ngâi ani.³Male ha an râtloina sika han sietnangei sika inbôlna hah mingei ta rang vaia pêk loiin anni ngei ta rang khom an pêk sa anâng ani.⁴Miritna chang rang nuomin tute atheiin ochai inlaltak chang thei ngâi mak ngei. Aaron anga Pathien koi ngei vai kêng ochai inlaltak an chang thei ngâi.⁵Ma angdên han, Khrista khomin ochai inlaltak ani sika miritna hah ama ta rangin lâk mak. Manêkin, Pathien'n a kôm,“Nangma ka Nâipasal ni ni;aviensûn hin na Pa ko hongni zoi,” a ti ani.⁶Mun danga,“Nangma chu Melchizedek anginkumtuongin ochai nîng ni tih,” a ti sa.⁷Pilchunga a ring lâi han Jisua'n thina renga ama sanminring theipu Pathien kôm inringtaka iniekin le mitrithi tâk pumin chubaithona le ngêna a neia. Rangâichîn taka ân pêkna sikin Pathien'n a rangâi pe ani.⁸Aniatachu Pathien Nâipasal tatak nikhomsenla a tuongna ngeia han chongjômna ânchu ani.⁹Achukphar a hongni tena chu a chongjôm ngei ta rangin kumtuong sanminringna nâr a hongni zoi.¹⁰male Pathien'n Melchizedekangin kumtuong ochai inlaltak ni rangin a phuong zoi.

Taksônna mâk loina ranga inningna

¹¹Ma chungroia hin misîr rang tamtak ei dôn, aniatachu a misîr minthâr ântak nin rietthei loi sikin.¹²Azora mindonin chu minchupu nithei rak ta ungla ânhoia, hannirese Pathien chongbul tak la minchu nin nâng nôk zoi ani. Burum nêk nêkin runutui nêk kêng nin la nâng rêk.¹³Tukhom runutui nêk a la nâng chu nâipang, adik le adikloi ite la riet loi ani.¹⁴Burum rêk chu ulienngei an thôn zong sika asalesie sensâi thei ngei ta rang ani.

Hebrews 5 / sch_twf

Taksônna mâk loina ranga inningna

Hebrews5sch_twf