Xibolai Kunlade Huaisan Xin5sce_rsp

1Alinie zui fugie buwaliuzhe kun dundase sunghudene kunni oronde Hudai shiqinyi gonjighazho. Hhela Hudade mure ogizhi zuini shuiku sidagha giezho.2Hheladeye gofanmiende zholienni wine. Ingiese yama ulie mejiezhi codasan kunlade renyide giene.3Hhelade zholienni bise bexinlai zuide oluzhi sidagha gieku mutun goya zuideneye indan sidagha giene.4Kiema zui fugie buwani minshenyi goyadene iregha dane, zinie Hharune mutun Huda sunghuse olune.5Niekielien wo. Mexihaye zui fugie buwa danlaku kuaikui goyadene ese ireghazho. Ziniechishi mii kewon wo.Enedu bi chade ada danlawogiesan Huda hhende kuaikui ogizho.6Jinwun jiere pse nie oronde Huda pse kieliezho,"Chishi Maijixide mutun chanqiku buwa wo."7Ersa duyade bikude baratazhi wilazhi onxian giezhi goyai fugukuse jiui shidaku Hudai xiahua giezho. Huda hhei xienlian mutun dain giewo.8Hheshi Hudai Kewon woma, ku shouikughala shunjikui suruwo.9Hhe ingiezhi hulunshidene hhei shunjisan soyuji kunlade oluzhi chanqiku jiuiku genzi gholuwo.10Ingie Huda hhei Maijixide mutun zui fugie buwa danlaghawo.

Jiomun Jiere Khiduzhe

11Ene shiqinlai kieliese bijiende kielieku kielien olon woma, ta menshi kieliezhi qinchu olugha dane.12Imegheichade ta loushi danlakui woma, dou Hudai daolini jichui kunla tande sughaku biyo wine. Ta zinie neizi ijiene, khidunni ijie dazho.13Jien neizi ijiechenshi yeliwa wo, yanshi gou daoli bikui ulie mejiene.14Zinie fugiedasanla khidunni ijiene. Hhelai lienjizhi daose gouni, roni fenji shidane.
expand_more
Search