ⵉⵄⵉⴱⵔⴰⵏⵉⵢⵢⴻⵏ5rif_tti
1ⵎⵉⵏⵣⵉ ⴽⵓⵍ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵉⵜⵜⵡⴰⴽⴽⴻⵙ-ⴷⴷ ⵣⴻⴳ ⵉⵡⴷⴰⵏ, ⵉⵜⵜⵡⴰⵙⵙⴳⴻⵄⵄⴻⴷ ⴷⵉ ⵟⵟⵡⴻⵄ ⵏ ⵉⵡⴷⴰⵏ ⵅ ⵎⵉⵏ ⵉⴵⴰⵏ ⵏ ⴰⵔⴻⴱⴱⵉ, ⵎⴰⵃⴻⵏⴷ ⴰⴷ ⵉⵇⴻⴷⴷⴻⵎ ⵜⵉⵡⵀⵉⴱⵉⵏ ⴷ ⵜⵖⴰⵔⵚⵉⵏ ⵅ ⴷⴷⵏⵓⴱ.2ⵉⵣⴻⵎⵎⴰⵔ ⴰⴷ ⵉⵎⵎⴰⵔⵙ ⵉⵅⴻⴼ ⵏⵏⴻⵙ, ⴰⴷ ⵉⵃⵉⵏⵏ ⵅ ⵉⵇⵓⴱⴱⴰⵏⵉⵢⵢⴻⵏ ⴷ ⵉⵎⵡⴻⴷⴷⴰⵔⴻⵏ, ⵎⵉⵏⵣⵉ ⵓⵍⴰ ⴷ ⵏⴻⵜⵜⴰ ⵙⵉⵎⴰⵏⵜ ⵏⵏⴻⵙ ⵢⴰⵔⴹ ⵜⵓⴹⵄⴻⴼⵜ.3ⵎⴰⵖⴰⵔ ⵙ ⵎⴰⵏ ⴰⵢⴰ ⴷ ⵉⵛⵜⴻⵏ ⵉⵜⵜⵅⴻⵚⵚⴰ ⴰⵙ ⴰⴷ ⵉⵙⵙⴳⴻⵄⵄⴻⴷ ⵜⵉⵖⴰⵔⵚⵉⵏ ⵅ ⴷⴷⵏⵓⴱ ⵏ ⵍⴳⴻⵏⵙ ⵓⵛⴰ ⵄⴰⵡⴻⴷ ⵅ ⴷⴷⵏⵓⴱ ⵏ ⵢⵉⵅⴻⴼ ⵏⵏⴻⵙ.4ⵓⵍⴰ ⴷ ⵉⵊⵊⴻⵏ ⴰⴷ ⵉⴽⵙⵉ ⵉ ⵢⵉⵅⴻⴼ ⵏⵏⴻⵙ ⵛⵛⴰⵏ-ⴰ, ⵎⵖⵉⵔ ⵡⴻⵏⵏⵉ ⵉⵜⵜⵡⴰⵍⴰⵖⴰⵏ ⵣⵉ ⴰⵔⴻⴱⴱⵉ ⴰⵎ ⵎⴰⵎⵎⴻⵛ ⵉⵜⵜⵡⴰⵍⴰⵖⴰ ⵀⴰⵔⵓⵏ.5ⴰⵎⵎⵓ ⵄⴰⵡⴻⴷ ⵍⵎⴰⵙⵉⵃ ⵡⴰⵔ ⵉⵙⵙⵄⵓⴵⵉ ⵛⴰ ⵉⵅⴻⴼ ⵏⵏⴻⵙ ⵓⵎⵉ ⵉⴷⵡⴻⵍ ⴷ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ, ⵎⴰⵛⴰ ⵉⵙⵙⵄⵓⴵⴰ ⵡⴻⵏⵏⵉ ⴷⴷ ⵖⴰⵔⴻⵙ ⵉⵙⵙⵉⵡⵍⴻⵏ:
“ⵛⴻⴽ ⴷ ⵎⵎⵉ, ⵏⴻⵛⵛ ⵊⵊⵉⵖ-ⴷⴷ ⵛⴻⴽ ⴰⵙⵙ-ⴰ!”6ⴰⵎ ⵎⴰⵎⵎⴻⵛ ⵉⵏⵏⴰ ⵄⴰⵡⴻⴷ ⴷⵉ ⵎⴰⵏⵉ ⵏⵏⴻⵖⵏⵉ:
“ⵛⴻⴽ ⴷ ⴰⴽⴻⵀⵀⴰⵏ ⵉ ⵍⴻⴱⴷⴰ, ⴷⴻⴳ ⵡⴰⵔⵡⴰⵙ ⵏ ⵎⴰⵍⴽⵉⵚⴰⴷⵉⵇ.”7ⵍⴰⵎⵉ ⵜⵓⵖⴰ ⵢⴰⵔⵔⴻⴹ ⴰⵔⵔⵉⵎⴻⵜ ⵏ ⵡⴻⵢⵙⵓⵎ ⵏⵏⴻⵙ, ⵉⵇⴻⴷⴷⴻⵎ ⵜⵉⵥⴰⴵⵉⵜⵉⵏ ⴷ ⵜⵓⵜⵔⴰ ⵙ ⵉⵖⵓⵢⵢⴰⵏ ⴰⵟⵟⴰⵙ ⵓ ⵙ ⵉⵎⴻⵟⵟⴰⵡⴻⵏ ⵉ ⵡⴻⵏⵏⵉ ⵜⵓⵖⴰ ⵉⵣⴻⵎⵎⴰⵔⴻⵏ ⴰⴷ ⵜ-ⵉ-ⴷⴷ-ⵉⵙⵙⵏⴻⴽⴽⴰⵔ ⵣⵉ ⵍⵎⴻⵡⵜ ⵉ ⵜⵓⴷⴰⵔⵜ, ⵓⵛⴰ ⵏⴻⵜⵜⴰ ⵉⵙⵍⴰ ⴰⵙ.8ⵏⴻⵜⵜⴰ, ⵡⴰⵅⵅⴰ ⵜⵓⵖⴰ-ⵜ ⴷ ⵎⵎⵉⵙ, ⴰⵇⴰ ⵉⵍⵎⴻⴷ ⵟⵟⴰⵄⴻⵜ ⵙ ⵜⵉⴳⴳⵯⵓⴷⵉ ⵓ ⵣⴻⴳ ⵓⵡⴻⴷⴷⴻⴱ ⵉ ⵉⴽⵙⵉ.9ⴰⵎⵎⵓ ⵉ ⵉⴷⵡⴻⵍ ⵏⴻⵜⵜⴰ ⵉⴽⴻⵎⵎⴻⵍ, ⵉⴷⵡⴻⵍ ⴷ ⵙⵙⵉⴱⴱⴻⵜ ⵏ ⵜⵓⴷⴰⵔⵜ ⵉⵜⵜⴷⵓⵎⴰⵏ ⵉ ⵎⴰⵔⵔⴰ ⵉⵏⵏⵉ ⴷ ⴰⵙ ⵉ ⵖⴰ ⵉⵟⵟⴰⵄⴻⵏ,10ⵓⵛⴰ ⵉⴳⴳⴰ ⵉ-ⵜ ⴰⵔⴻⴱⴱⵉ ⴷ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⴷⴻⴳ ⵡⴰⵔⵡⴰⵙ ⵏ ⵎⴰⵍⴽⵉⵚⴰⴷⵉⵇ.11ⴰⵇⴰ ⵖⴰⵔⵏⴻⵖ ⴰⵟⵟⴰⵙ ⵎⵉⵏ ⵖⴰ ⵏⵉⵏⵉ ⵅ ⵎⴰⵍⴽⵉⵚⴰⴷⵉⵇ ⵡⴰⵏⵉⵜⴰ, ⵎⴰⵛⴰ ⵉⵡⵄⴰⵔ ⴰⴷ ⵜ ⵏⴼⴻⵙⵙⴰⵔ, ⵎⵉⵏⵣⵉ ⵜⴷⴻⵡⵍⴻⵎ ⵜⴻⵡⵄⴰⵔⴻⵎ ⴰⴷ ⵜⴻⵙⵍⴻⵎ.12ⵎⴰⵖⴰⵔ ⵜⵓⵖⴰ ⵉⵜⵜⵅⴻⵚⵚⴰ ⴰⴷ ⵜⵉⵍⵉⵎ ⴷ ⵉⵎⴻⵙⵖⴰⵔⴻⵏ ⵣⵉ ⵊⵊⵉⵀⴻⵜ ⵏ ⵍⵎⵉⵊⴰⵍ ⵏ ⵍⵡⴻⵇⵜ ⵉ ⵜⴹⴻⴼⴼⴰⵔⴻⵎ ⵜⵖⵓⵔⵉ-ⵢⴰ. ⵎⴰⵛⴰ ⵍⴻⵅⵅⵓ ⵉⵜⵜⵅⴻⵚⵚⴰ ⴰⵡⴻⵎ ⵄⴰⴷ ⴰⴷ ⵜⵍⴻⵎⴷⴻⵎ ⵍⵃⵓⵔⵓⴼ ⵉⵎⴻⵣⵡⵓⵔⴰ ⵏ ⴱⴻⴷⴷⵓ ⵏ ⵡⴰⵡⴰⵍⴻⵏ ⵏ ⴰⵔⴻⴱⴱⵉ, ⴽⴻⵏⵏⵉⵡ ⵜⴻⵃⴷⴰⵊⴻⵎ ⵄⴰⴷ ⴰⵖⵉ ⴷⴻⴳ ⵡⴻⵎⵛⴰⵏ ⵏ ⵎⴰⵛⵛⴰ ⵉⵊⴻⵀⴷⴻⵏ.13ⵎⵉⵏⵣⵉ ⴽⵓⵍ ⵉⵊⵊⴻⵏ ⵡⴻⵏⵏⵉ ⵉⵛⴰⵔⵛⴻⵏ ⴷⴻⴳ ⵓⵖⵉ, ⵡⴰⵔ ⵉⵇⴻⴷⴷ ⵅ ⵡⴰⵡⴰⵍ ⵏ ⵜⵙⴻⴳⴷⴰ, ⵎⵉⵏⵣⵉ ⵏⴻⵜⵜⴰ ⴷ ⴰⵙⴻⵢⵎⵉ ⵄⴰⴷ.14ⵎⴰⵛⴰ ⵎⴰⵛⵛⴰ ⵉⵊⴻⵀⴷⴻⵏ ⵉⴼⴼⴻⵖ-ⴷⴷ ⵉ ⵢⵉⵏⵏⵉ ⵉⵎⵖⴰⵔⴻⵏ, ⵉⵏⵏⵉ ⴰⵇⴰ ⵏⵏⵓⵎⴻⵏ ⴰⴷ ⴷⴰⵔⵔⴱⴻⵏ ⵜⴰⵛⵉⵜ ⵏⵙⴻⵏ ⵃⵉⵎⴰ ⴰⴷ ⴼⴰⵔⵣⴻⵏ ⵍⵅⴰⵔ ⵅ ⵍⵖⴰⵔ.
“ⵛⴻⴽ ⴷ ⵎⵎⵉ, ⵏⴻⵛⵛ ⵊⵊⵉⵖ-ⴷⴷ ⵛⴻⴽ ⴰⵙⵙ-ⴰ!”6ⴰⵎ ⵎⴰⵎⵎⴻⵛ ⵉⵏⵏⴰ ⵄⴰⵡⴻⴷ ⴷⵉ ⵎⴰⵏⵉ ⵏⵏⴻⵖⵏⵉ:
“ⵛⴻⴽ ⴷ ⴰⴽⴻⵀⵀⴰⵏ ⵉ ⵍⴻⴱⴷⴰ, ⴷⴻⴳ ⵡⴰⵔⵡⴰⵙ ⵏ ⵎⴰⵍⴽⵉⵚⴰⴷⵉⵇ.”7ⵍⴰⵎⵉ ⵜⵓⵖⴰ ⵢⴰⵔⵔⴻⴹ ⴰⵔⵔⵉⵎⴻⵜ ⵏ ⵡⴻⵢⵙⵓⵎ ⵏⵏⴻⵙ, ⵉⵇⴻⴷⴷⴻⵎ ⵜⵉⵥⴰⴵⵉⵜⵉⵏ ⴷ ⵜⵓⵜⵔⴰ ⵙ ⵉⵖⵓⵢⵢⴰⵏ ⴰⵟⵟⴰⵙ ⵓ ⵙ ⵉⵎⴻⵟⵟⴰⵡⴻⵏ ⵉ ⵡⴻⵏⵏⵉ ⵜⵓⵖⴰ ⵉⵣⴻⵎⵎⴰⵔⴻⵏ ⴰⴷ ⵜ-ⵉ-ⴷⴷ-ⵉⵙⵙⵏⴻⴽⴽⴰⵔ ⵣⵉ ⵍⵎⴻⵡⵜ ⵉ ⵜⵓⴷⴰⵔⵜ, ⵓⵛⴰ ⵏⴻⵜⵜⴰ ⵉⵙⵍⴰ ⴰⵙ.8ⵏⴻⵜⵜⴰ, ⵡⴰⵅⵅⴰ ⵜⵓⵖⴰ-ⵜ ⴷ ⵎⵎⵉⵙ, ⴰⵇⴰ ⵉⵍⵎⴻⴷ ⵟⵟⴰⵄⴻⵜ ⵙ ⵜⵉⴳⴳⵯⵓⴷⵉ ⵓ ⵣⴻⴳ ⵓⵡⴻⴷⴷⴻⴱ ⵉ ⵉⴽⵙⵉ.9ⴰⵎⵎⵓ ⵉ ⵉⴷⵡⴻⵍ ⵏⴻⵜⵜⴰ ⵉⴽⴻⵎⵎⴻⵍ, ⵉⴷⵡⴻⵍ ⴷ ⵙⵙⵉⴱⴱⴻⵜ ⵏ ⵜⵓⴷⴰⵔⵜ ⵉⵜⵜⴷⵓⵎⴰⵏ ⵉ ⵎⴰⵔⵔⴰ ⵉⵏⵏⵉ ⴷ ⴰⵙ ⵉ ⵖⴰ ⵉⵟⵟⴰⵄⴻⵏ,10ⵓⵛⴰ ⵉⴳⴳⴰ ⵉ-ⵜ ⴰⵔⴻⴱⴱⵉ ⴷ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⴷⴻⴳ ⵡⴰⵔⵡⴰⵙ ⵏ ⵎⴰⵍⴽⵉⵚⴰⴷⵉⵇ.11ⴰⵇⴰ ⵖⴰⵔⵏⴻⵖ ⴰⵟⵟⴰⵙ ⵎⵉⵏ ⵖⴰ ⵏⵉⵏⵉ ⵅ ⵎⴰⵍⴽⵉⵚⴰⴷⵉⵇ ⵡⴰⵏⵉⵜⴰ, ⵎⴰⵛⴰ ⵉⵡⵄⴰⵔ ⴰⴷ ⵜ ⵏⴼⴻⵙⵙⴰⵔ, ⵎⵉⵏⵣⵉ ⵜⴷⴻⵡⵍⴻⵎ ⵜⴻⵡⵄⴰⵔⴻⵎ ⴰⴷ ⵜⴻⵙⵍⴻⵎ.12ⵎⴰⵖⴰⵔ ⵜⵓⵖⴰ ⵉⵜⵜⵅⴻⵚⵚⴰ ⴰⴷ ⵜⵉⵍⵉⵎ ⴷ ⵉⵎⴻⵙⵖⴰⵔⴻⵏ ⵣⵉ ⵊⵊⵉⵀⴻⵜ ⵏ ⵍⵎⵉⵊⴰⵍ ⵏ ⵍⵡⴻⵇⵜ ⵉ ⵜⴹⴻⴼⴼⴰⵔⴻⵎ ⵜⵖⵓⵔⵉ-ⵢⴰ. ⵎⴰⵛⴰ ⵍⴻⵅⵅⵓ ⵉⵜⵜⵅⴻⵚⵚⴰ ⴰⵡⴻⵎ ⵄⴰⴷ ⴰⴷ ⵜⵍⴻⵎⴷⴻⵎ ⵍⵃⵓⵔⵓⴼ ⵉⵎⴻⵣⵡⵓⵔⴰ ⵏ ⴱⴻⴷⴷⵓ ⵏ ⵡⴰⵡⴰⵍⴻⵏ ⵏ ⴰⵔⴻⴱⴱⵉ, ⴽⴻⵏⵏⵉⵡ ⵜⴻⵃⴷⴰⵊⴻⵎ ⵄⴰⴷ ⴰⵖⵉ ⴷⴻⴳ ⵡⴻⵎⵛⴰⵏ ⵏ ⵎⴰⵛⵛⴰ ⵉⵊⴻⵀⴷⴻⵏ.13ⵎⵉⵏⵣⵉ ⴽⵓⵍ ⵉⵊⵊⴻⵏ ⵡⴻⵏⵏⵉ ⵉⵛⴰⵔⵛⴻⵏ ⴷⴻⴳ ⵓⵖⵉ, ⵡⴰⵔ ⵉⵇⴻⴷⴷ ⵅ ⵡⴰⵡⴰⵍ ⵏ ⵜⵙⴻⴳⴷⴰ, ⵎⵉⵏⵣⵉ ⵏⴻⵜⵜⴰ ⴷ ⴰⵙⴻⵢⵎⵉ ⵄⴰⴷ.14ⵎⴰⵛⴰ ⵎⴰⵛⵛⴰ ⵉⵊⴻⵀⴷⴻⵏ ⵉⴼⴼⴻⵖ-ⴷⴷ ⵉ ⵢⵉⵏⵏⵉ ⵉⵎⵖⴰⵔⴻⵏ, ⵉⵏⵏⵉ ⴰⵇⴰ ⵏⵏⵓⵎⴻⵏ ⴰⴷ ⴷⴰⵔⵔⴱⴻⵏ ⵜⴰⵛⵉⵜ ⵏⵙⴻⵏ ⵃⵉⵎⴰ ⴰⴷ ⴼⴰⵔⵣⴻⵏ ⵍⵅⴰⵔ ⵅ ⵍⵖⴰⵔ.