ಇಬ್ರಿಯ5gok_twf
1ಪರತೆಕ್ ಯೆಹುದಿ ಮುಖ್ಯ ಯಾಜಕ್ ಮಾನ್ಸಾತ್ನಿ ನಿವ್ಡುನ್ ದೇವಾಲಾ ಸಮನ್ನ್ ಆಸ್ಲ್ಯಾಲಿ ಕಾಮ ಮಾನ್ಸಾಂಚೆ ಸಾಟಿ ಕರಾಯಾ ಥರಿವಲ್ಯಾ. ತ್ಯೊ ಯಾಜಕ್ ಪಾಪಾಂಚೆಸಾಟಿ ದೇವಾಲಾ ದಿನ್ಗಿ ಯಜ್ಞ ದಿಯಾ ವ್ಹಯಿತ.2ತ್ಯೊ ಸಗಳ್ಯಾ ಲೊಕಾಂಚೆಗತ್ ಬಳ್ ನಸ್ಲ್ಯಾಲಾ ಹಾ ಮನ್ಹುನ್ ಸಮಜು಼ನ್ ಗೆತಲ್ಯಾ ನಸ್ಲ್ಯಾಲಾ ಆನಿ ವಾಟ್ ಚು಼ಕಲ್ಯಾಲ್ಯಾ ಲೊಕಾಂಚೆ ಗುಶ್ಟಿತ್ ಥಂಡ್ಪನಾನಿ ಸೊಸ್ವಾಯಾ ಬಳ್ ಆಸ್ನಾರಾ ಜಾ಼ಲ್ಯಾ.3ಆಪ್ನು ಬಳ್ ನಸ್ಲ್ಯಾಲಾ ಹಾ ಮನ್ಹುನ್ ತ್ಯೊ ಮಾನ್ಸಾಂಚಾ ಪಾಪಾಂಚೆಸಾಟಿ ಆಪ್ಲ್ಯಾ ಸ್ವತಾಚಾ ಪಾಪಾಂಚೆ ಸಾಟಿ ಯಜ್ಞ ದೆತೊ.4ಮುಖ್ಯ ಯಾಜಕ್ ವ್ಹವುನ್ ನಿವಡ್ಲ್ಯಾಲಿ ಯೆಕ್ ಮರ್ಯಾದ್. ಪನ್ ಕೊನ್ ಆಪ್ಲ್ಯಾಲಾ ಆಪ್ನು ಹ್ಯಾ ಕಾಮಾಲಾ ನಿವ್ಡುನ್ ಗಿಹಿತ್ ನಾಹಿ. ದೇವಾನಿ ಆರೊನಾಲಾ ಹಾಕಟ್ಲ್ಯಾ ಶಾರ್ಕ, ತ್ಯಾ ಮಾನ್ಸಾಲಾ ಹಾಕಟಾಯಾ ವ್ಹಯಿ.5ಕ್ರಿಸ್ತಾಲಾ ಆಸಾಸ್ ನಿವಡ್ಲಾ ತ್ಯೊ ಉಜೀಡಾಚಾ಼ ಮುಖ್ಯ ಯಾಜಕ್ ವ್ಹವುನ್ ಆಪ್ಲ್ಯಾಲಾ ಆಪ್ನುಸ್ ನಿವ್ಡುನ್ ಗೆತ್ಲಾ ನಾಹಿ. ಪನ್ ದೇವಾನಿ ತ್ಯಲಾ ನಿವಡ್ಲಾ. ದೇವಾನಿ ಕ್ರಿಸ್ತಾಲಾ ಆಸ ಸಾಂಗ್ಲ:“ತು ಮಾಜಾ಼ ಲ್ಯೊಕ್.ಆಜ಼್ ಮಿ ತುಜಾ಼ ಬಾ ಜಾ಼ಲ್ಯೊ. ”6ಪವಿತ್ರ ಪುತಿಕಾತ್ ಆನಿ ಯಕಿಕ್ಡ ದೇವ್ ಆಸ ಮಂತ್ಯೊ:“ತು ಮೆಲ್ಕಿಜೆದೇಕಾಚೆಗತ್ ಖಾಯಿಮ್ಮುಖ್ಯ ಯಾಜಕ್ ವ್ಹನಾರ್. ”7ಕ್ರಿಸ್ತ ದರ್ತಿವ ಆಸ್ಥಾನಾ, ದೇವಾಪ ಮಾಗಾ,. ತ್ಯಲಾ ಮರ್ನಾತ್ನಿ ಪಾರ್ ಕರ್ತ್ಯಾಲಿ ತಾಕತ್ ದೇವಾಲಾ ಯಕಲ್ಯಾಲಾಸ್ ಹುತಿ. ಮನ್ಹುನ್ ತ್ಯನಿ ಜೊ಼ರಾನಿ ರಡತ್ ದೇವಾಪ ಮಾಗ್ನ ಕೆಲ. ದೇವಾಚಾ ಮನಾಚೆಗತ್ ತ್ಯನಿ ಸಗ್ಳ ಕೆಲ್ಯಾಲಾ ಜಾ಼ಲಾ ಆನಿ ಬಾರಿಕ್ಮನ್ ಜಾ಼ಲ್ಥ. ಮನ್ಹುನ್ ದೇವಾನಿ ತ್ಯಚಾ ಮಾಗ್ನ್ಯಾನಾ ಉತ್ತರ್ದಿಲಾ.8ತ್ಯೊ ದೇವಾಚಾ಼ ಲ್ಯೊಕ್ ಜಾ಼ಲ್ಯಾ. ತರಿ ತರಾಸಾತ್ ಗಾವುನ್, ಆಪ್ನು ಖಾಲ್ಯಾಲ್ಯಾ ತರಾಸಾಂಚಾನಿಸ್, ಐಕಲ್ಯಾಶಾರ್ಕ ಕರಾಚ಼ ಸಿಕ್ಲಾ.9ಆಸ ಆಸ್ಥಾನಾ ತ್ಯೊ ನಿರ್ಮಳ್ ಹುತಾ. ದೇವಾಚ಼ ಐಯಿಕ್ನಾರಿ ಲೊಕ ಸಗ್ಳಿ ಖಾಯಿಮ್ಚಿ ರಕ್ಷನ್ ಗಿಹ್ಯಾ ತ್ಯೊಸ್ ಕಾರನ್.10ದೇವಾನಿ ತ್ಯಲಾ ಮೆಲ್ಕಿಜೆದೇಕಾಚೆಗತ್ ಮುಖ್ಯ ಯಾಜಕ್ ಕೆಲಾ.