Ibraawe Kiita5gof_ltw
1Issi issi kahine halaqi asaa giddofe dooretidi, Xoossara gathiyaban asaa gisho imotanne nagara yarsho yarshanaw shuumetees.2I ba huuphen daaburancho gidiya gisho, eronnaysatasinne baleysatas qadhetanaw danda7ees.3I ba nagara gishonne asa ubbaa nagara gisho yarsho yarshanaw bessey hessasa.4Oonika ha bonchuwa baw ekanaw danda7enna, shin Aaroni kahine halaqa gidanaw xeegidaysada Xoossan xeegetanaw bessees.5Hessadaka, Kiristoosi kahine halaqa gidiya bonchuwa baw ekibeenna. Shin Xoossay iya,“Neeni ta Na7a;hachi ta new Aawa gidas”yaagees.6Qassi harason,“Malkexaadeqi kahine gididaysada,neeni merinaw kahine gidana”yaagees.7Yesuusi ase gididi ha alamiyan de7iya wode bana hayqope ashshanaw danda7iya Xoossaa daro yeehoninne afuthan woossis. I, iya bonchidi kiitetida gisho Xoossay iya woosa si7is.8Yesuusi Xoossaa Na7a gidikoka ba waayetida waayan kiitetethi tamaaris.9Hessanka, Yesuusi ba oosuwa polidaape guye baw kiitetiya ubbay merinaa atotetha demmana mela gaaso gidis.10Xoossay Malkexaadeqa shuumidaysada kahine halaqa oothidi iya shuumis.