1Mwalongu bangu, bandu baka Sapanga ba junkemiki Sapanga, mawasu gitu gabia kwaka Yesu jojuwe Sapanga anndetiki kuba ntumi nu Nngolu Nkolongu jukuhobale kwitu kotujetake pangwendu.2Jombi jabii jojuhobaleka kwaka Sapanga joanhagula kuhenga lihengu laki ngati Musa hejwabii jojuhobaleka mu nyumba joka jaka Sapanga.3Lakini Yesu kupalika jupata hisima ngolongu kupeta Musa ndaba nsenga nyumba jupata hisima ngani kupeta nyumba jene.4Kila nyumba jisengwa na mundu, lakini Sapanga ndi nsenga wa hindu yoka.5Musa jabii ntumisi jojuhobaleka mu nyumba joti jaka Bambu, na jwalongi majambu gaguge Sapanga jagalongila monikatai.6Lakini Kilisitu ndi jojuhobaleka ngati Mwana jojubi nu uwesu mu nyumba jaka Sapanga. Twe twabeti ndi nyumba jaki ana tuendali kuba nganganga na nukuhoabale setukipuni.
Kupomule kwa bandu baka Sapanga
7Ndienu ngati ejupwaga Loho jaka Sapanga:“Lelenu ana mwijowani sauti jaka Sapanga,8mwiikuba na mioju jejibii niing'omu ngati kipindi sela aka hoku bii pa bunkana Sapanga,ngati hekwabii kipindi similengu kulukoba kola.9Hoku aseja binu banenga nukumbema,hata ngati bagabweni mahengu gangu ganahengiki kwa yaka alubaini!10Nahenu naayomila bandu haba napwaga,‘Mawasu ga bandu haba gahobiki masoba goti,nabombi ngase bajetaki malagalaki gangu.’11Ndienu nayomiki nukulapa mbamba:‘Ngabijingi punndema pangu pukupomule.’ ”12Ndienu mwaalongu bango, nzepana jwikuba mundu jokapi kati jii jojubii na mwoju mbaja na jwanga kuhobale hata kulibeka kutali na Sapanga jojubii mwomi.13Henu kwa ndaba, “Lelenu” heji jejilongaleka mu Maandiku jakona jutulongale twepani, mpalika kujangatana kila lisoba, ili mundu jokapi kati jinu mahakau gankonga na munduhoju kuba ni ing'omu.14Ndaba twepani tujongana ni Kilisitu ana tupwatali suusakaka kuhobale kotwabinaku puutumbuli.15Maandiku gapwaga ana:“Ana nnzoani sauti jaka Sapanga lelenu,mwikuba na mioju jini ing'omungati kipindi sela aka aseja bii pabangana.”16Akanyaa babajoana sauti jaka Sapanga nukukana kunzetakela? Ndi bandu boa babalonguswa na Musa kuhuma ku Misili.17Boo, Sapanga jwaayomila akanyaa kwa muda wa yaka alobaine? Jwaayomila bala babahenga mahakau, ndi bandu babawelila kulukoba kola.18Sapanga pajalapa: “Ngabijingi pandu pangu pukupomule,” jabiya jaapwaji akanyanye? Jabiya jaalongale bandu babunkana.19Ndienu tubona ngasebajingi ndema heji ndaba ngasebahobali.