የሱሳ ሙሰፕ ኣዛ
1የይ ግሾስ፥ ጾስ ጼስ ሻግንቴዝ ጌሽ እሹን፥ ኑ አማኖስ ጎዳ ግ ጼግዝ ሀዋረኔ ቄሰ ሀላቃ የሱሳ ቦኦይታ።2ሙሰ ጾስ ካራ ኡባይድ አማንንቴዛይ ጋርክ የሱሳካ ፋና ሹሜዝ ጾሳይስ አማንንቴዛያ።3ኬ ኬጽዛይ ኬይፕ ኣ ቦንችንትዛይ ጋርክ የሱሳ ሙሰፕ ኣዝ ቦንቾ ኤኮዳይስ ቤዝዛ።4ፐቲ ፐቲ ኬስ ኬጼዝ አሲ የዛ፥ ዝን ኡባ ሀንሴዛይ ጾሰ።5ሙሰ ጾስ ካራ ኡባይድ አማንንቴዝ አይለ ማቂ፥ ጾሲ ቲናፕ ጎድባዛይስ ማርካ ማቄዛ።6ዝን ክርስቶሳ ጾስስ ናአ ጋርክ አማንንቴዛያ። ኑኒ ኤኮዳ ግ ያሻ ባይ ጬቆር ናግዛ ኡፋይሳ ሚን ናግኮ ኑ ኤ ካራ።ጾስ ዎያስ የዝ ሸምፖ
7የይ ግሾስ፥ ጌሻ አያናይ ግዛይ ጋርክ፥«Ꮊይኖ ይ ጾሳይ ግዛ ስእኮ8ሊዦ ቢታ ይ ታና ፓጬዝ ጋላስ፥ይ ዎርዣቴዛይ ጋርክ፥ይ ዎዝና ምንፓተ።9ኤዛይድ ይ አድታይ ታና ፓጬዛ፤ኦይታም ላይ ታ ኦሳ በኤዛ።10የይ ግሾስ፥ ታ የ የለት ሴሬዛ፥‹ኡንቲ ኡባ ዎደ ፋ ዎዛናይር ባልንትዛ፤ታ ኦጋ ኤረካያ› ታ ዬጌዛ።11የይ ግሾስ፥‹ታ ሸምፖ አቃ ኡባራካ ገላሚ› ዬጊ፥ታኒ ታ ሴራይድ ጫቄዛ፥ ዬጌዛ» ዬግዛ።12ታ እሹን፥ ይንትፕ ኦ ጋንጨካ፥ ደኦ ጾሳይፕ ይንታን ሻክዛ ኢታኔ አማኖዋ ዎዝና የዛማይ ጋርክ ናግንቶይታ።13ይንትፕ ኦናካ ናጋራ ባልን፥ ፋ ዎዝና ምንማይ ጋርክ «Ꮊይኖ» ዬግንቲ ጼግንቶዳር ጋላስ ጋላስ ዎልር ዞርንቶይታ።14ኑ ቲና አማና ኑኒ ዉርስ ሄሎዳይስ ሚን ናግኮ፥ ክርስቶሳር ፐትፕ ላቶዳ።15ጌሻ ማጻፋይድ፥«Ꮊይኖ ጾስ ግዛ ይ ስእዝ ዎደየ ዎደ ኡንቲ ዎርዠትር ሀኔዛይ ጋርክ፥ይ ዎዝና ሚንፓተ»ዬጌዛ።16ጾስ ግዝባዝ ስኢ ዎርዠቴዝታይ ኦናንታራ? ሙሰ ግብጸፕ ካል ከሴዝ ኡብታ ባሳኔ?17ጾስ ኦይታም ላይ ኦና ሴሬኔ? ናጋራ ኦዝታኔ ኡ አሃይ ሊዦ ቢታ ዎ አቴዝ አስታ ባሳኔ?18ማ ጾስ፥ «ታ ሸምፖ አቃ ኡ ገላሚ» ዬጊ ጫቄዛይ፥ ኤስ ኪትንታም እጼዝ አሳይሳፕ አትን ኦሶ?19ይኬ፥ ኡንቲ የ ሸምፖ አቃ ገለካ አቴዛይ አማነካ ግሾስ ማቄዛና ኑ ቦኦዳ።