Yesuusi Museppe Bolla
1Hewaa diraw, S'oossay s'eeseedda geeshsha ishatoo, nu markkatetsaa S'oossay kiitteeddawaa k'eesatuwaa ubbatuwaa kaappuwaa, Yesuusi Kiristtoosa k'oppite.2Muse bare kiitaan S'oossaa golliyaa ubbaan ammanetteedawaa gideeddawaadan, Yesuusikka barena dooriide, ha oosoo yeddeedda S'oossaw ammanetteedawaa.3Ayaw gooppe, kees'ettiyaa golliyaappe kees's'iyaa bitanii bonchchettiyaawaadan, Musewaappe aad'd'iyaa bonchchuwaa I akkanaw bessiyaawe eretteeddawaa.4Ayaw gooppe, golliyaa ubbaa kees's'eeddawe itti asaa; shin ubbabaa kees's'eeddawe S'oossaa.5Muse S'oossaa golliyaa ubbaan ammanetteeda oosanchchaa gidiide, S'oossay sintsaappe gaanawaa markkatteedda.6Shin Kiristtoosi S'oossaa gollen na'aadan ammanetteedawaa; nuuni akkana giide nashechchaan naagiyaawaa s'alatetsaaninne ammanuwaan naagooppe, S'oossaw golliyaa gideetto.S'oossaa Asay Shemppuwaa Demmana
7Hewaa diraw, Geeshsha Ayyaanay hawaadan yaagee;«S'oossaa k'aalaa hinttenttu hachche sisiyaabaa gidooppe,8hinttenttu aawotuu taw is's'i makkaliide,oytamu laytsaa ta oosuwaa be'eedda bazzuwaa paac'iyaa gallassaadan,hinttenttukka zoriyaa akkenaan is's'oppite.10Hewaa diraw, taani,he asaa hank'k'ettaade,‹Unttunttu ubbaa wode barenttu wozanaan baliino.Ta ogiyaakka eribeykkino› yaagaad.11Hewaadankka k'ay,taani hank'k'etta c'aak'k'aade,‹Taani shemppiyaa sa'aa unttunttu,ubbakka gelikkino› yaagaad»yaagee.12Taanaadan ammaniyaawanttoo, de'uwaa S'oossaappe hinttentta shaakkiyaa iita ammanenna wozanay hinttenan oonaninne de'enna mala naagettite.13Shin S'oossay hinttentta ubbaa gallassi hachche giide s'eesishin, hintteppe oonanne nagaray baletsina, zoriyaa akkenaan is's'enna mala, ittuu ittuwaa zorite.14Ayaw gooppe, nuuni koyro nuw de'iyaa ammanuwaa wurssetsay gakkanaw loytsi naagooppe, Kiristtoosanna ittippe shaakkana.15S'oossaa Mas'aafay,«S'oossaa k'aalaa hinttenttu,hachche sisiyaawaa gidooppe,he wode unttunttu is's'i makkaleeddawaadan,zoriyaa akkenaan is's'oppite»yaageedda.16S'oossay giyaawaa sisiide, aw makkaleedda asatuu oonee? Muse Gibs'eppe kaaletsina keseedda ubbatuwaa gidikkinooyee?17S'oossay oytamu laytsaa oonan hank'k'etteeddee? Anhay woraan atteedda asatuwaa, nagaraa ootseeddawantta gidikkinooyee?18K'ay S'oossay barew azazettenan is's'eeddawanttu I shemppiyaa sa'aa ubbaakka gelenna mala, unttunttoo c'aak'k'eeddawaappe attin, oossi c'aak'k'eeddee?19Unttunttu ammanibeenna diraw, shemppiyaa sa'aa gelanaw danddayibeennawaa nuuni be'eetto.